សមាសធាតុគីមីក្នុងកោសិកា

សំ​នួរ 

១. ដូចម្តេច​ដែលហៅថា សមា​ធាតុសរីរាង្គ​? សមាសធាតុអសរិរាង្គ ?

២. តើសមាសធាតុស​រីរាង្គ​៤ កុ្រមដែលមាននៅក្នុង​ភាវៈរស់គឺអ្វីខ្លះ ?

៣. តើម៉ូណីសាក់ការីតឌីសាក់ការីត និងប៉ូលីសាក់ការីតខុសគ្នាដូចម្តេច ?

៤. តើលីពិតជាអ្វី ? តើលីពីតមានប្រយោជន៍អ្វីខ្លះ ចំពោះភាវៈរស់ ?

៥. ចូរពណ៌នាពីទម្រង់ប្រូតេអ៊ីន​ ។

៦. ដូចម្តេចដែលហៅថា អង់ស៊ីម​? តើវាមានមុខងារអ្វីខ្លះ ? ចូរនិយាយពីយថាប្រ​ភេទនៃអង់ស៊ីម ។

៧. ចូរពណនាពីនាទីអាស៊ីតនុយក្លេអ៊ិច ។

៨. ​ប្រូតេអ៊ីនមួយមានអាមីណូអាស៊ីត៤៨០ ។ តើមានចំណុចប៉ិបទីតប៉ុន្មាន ដើម្បីភ្ជាប់អាមីណូអាស៊ីតទាំងនោះ  ? តើមានទឹកប៉ុន្មានម៉ូលេគុលដែលបានរំ​ដោះចេញពីការសំយោគប្រូតេអ៊ីននេះ​ ?

ចម្លើយ

១.​ ​ដែលហៅថា សមា​ធាតុសរីរាង្គ ជាសមាសធាតុដែលផ្សំឡើងដោយធាតុកាបូន​។ សមាស​ធាតុអសរីរាង្គ ជាសមាសធាតុ ដែលមិនផ្ទុកធាតុកាបូនទេ​ លើកលែងកាបូនឌីអុកស៊ីត CO2 ។

២. នៅក្នុងភាវៈរស់មានសមាសធាតុ៤ក្រុម គឺ គ្លុយស៊ីត លីពីត ប្រូទីត និងអាស៊ីតនុយក្លេអ៊ិច ។

៣. ម៉ូណីសាក់ការីត ឌីសាក់ការីត និងប៉ូលីសាក់ការីតខុសគ្នាត្រង់ ៖

• ម៉ូណូសាក់ការីតឬហៅថាស្ករងាយ ដែលមានមួយម៉ូលេគុល ។
• ឌីសាក់ការីត ជាសមាធាតុដែលកើតពពីការភ្ជាប់គ្នារវាងម៉ូណូសាក់ការីត ២ឬស្ករងាយ២ ។
• ប៉ូលីសាក់ការីត ជាសមាសថាតុដែលកើតពីការភា្ចប់គ្នាចាច្រើននៃម៉ូណូសាក់ការីត​ ។

៤. លីពីត ជាមាសធាតុសរីរាង្គបង្ក ឡើងដោយ អាតូមកាបូន អ៊ីដ្រូសែន និងអុកស៊ីសែន ។ ចំពោះភាវៈរស់លីពីតមានប្រយោជន៍ក្នុងការផ្តល់ថាមពល និងស្តុកថាមពលសម្រាប់ប្រើប្រាស់នៅពេលត្រូវការ ។ ៥.​ ទម្រង់ប្រូតេអ៊ីន គឺប្រូតេអ៊ីនកើតពីប៉ូលីប៉ិបទីតមួយឬប៉ូលីប៉ិបទីតច្រើន ។ តំណលំដាប់អាមីណូអាស៊ីតកំណត់យថាប្រភេទនៃប្រូតេអ៊ីន ( ចំនួន ទីតាំង និងប្រភេទអាមីណូអាស៊ីត ) ។

៦. ដែលហៅថា អង់ស៊ីម ជាប្រូតេ​អ៊ីនមួយប្រភេទដែលនៅក្នុងកោសិកាសារពាង្គកាយ ។ វាមានមុខងារជំរុញល្បឿនប្រតិកម្មគីមីផ្សេងៗ រួមមានប្រតិកម្មសំយោគនិងប្រតិកម្មបំបែកនៅក្នុង​​កោសិកា ។

          យថាប្រភេទនៃអង់ស៊ីមមានដូចខាងក្រោម ៖

• អង់ស៊ីមមួយមានអំពើទៅលើប្រតិកម្មគីមីតែមួយប៉ណ្ណោះ ។ ក្នុងសារពាង្គកាយ​មនុស្សមានអង់ស៊ីមប្រហែល ២០០០ ប្រភេទខុសៗគ្នា ដូចនេះក៏មានប្រតិកម្មគីមីប្រហែល ២០០០ ប្រភេទដែរ ។

អង់ស៊ីមមួយមានអំពើទៅលើសារធាតុមួយប៉ុណ្ណោះ ។ ឧទាហរណ៍ អាមីឡាសបំបែកបានតែអាមីដុង លីប៉ាស បំបែកបានតែលីពីត.... ។

• អង់ស៊ីមមានសកម្មភាពក្នុងសីតុណ្ហភាពសមស្រប ។ វាគ្មានសកម្មភាពទេ កាលណាសីតុណ្ហភាពទាបពេកឬខ្ពស់ពេក ។ អង់ស៊ីមភាគច្រើនមានសកម្មភាពខ្លាំងក្នុងសីតុណ្ហភាពពី ៤០ ទៅ ៥០ អង្សា ។
• អង់ស៊ីមមាននសកម្មភាពក្នុងមជ្ឈដ្ឋានអាស៊ីត ( ពី​ pH៧ ទៅ ៤.៥​ ) និងមជ្ឈដ្ឋានអាកាឡាំង ( ពី pH ៧ ទៅ ៩ ) ។

៧. នាទីអាស៊ីតនុយគ្លេអ៊ិច គឺស្តុកនិងបញ្ជូនព័ត៌មានសេនេទិចពីកោសិកាមេទៅឲ្យកោសិកាកូនក្នុងពេលកោសិកាធ្វើ ​ចំណែក​ ។

៨. ប្រូតេអ៊ីនមួយមានអាមីណូអាស៊ីត៤៨០ មានចំណងប៉ិបទីត ២៤០ ដើម្បីភ្ជាប់អាមីណូអាស៊ីតទាំងនោះ ។ មានទឹក ២៤០ ម៉ូលេគុលដែលបានរំដោះចេញពីការសមយោគប្រូតេអ៊ីននេះ​ ។