ប្រតិកម្មរវាងសត្វនិងមជ្ឈដ្ឋាន

សំនួរៈ

១. ហេតុអ្វីបានជាសរសៃឈាមរីកធំនៅពេលរាងកាយឡើងក្តៅ?

២. ចូរប្រៀបធៀបទម្រងរបស់អេពីឌែមនិងឌែម?

៣.តើស្បែកត្រួតពិនិត្យសីតុណ្ហភាពរាងកាយដូចម្តេចដែរ?

៤.ចូរប្រៀបធៀបរបត់ឈាមសួតនិងរបត់ឈាមទូទៅ?

៥.កោសិការសាច់ដុំបេះដូងសម្បូរមីតូកុងឌ្រី។ចូរពន្យល់ពីអត្ថប្រយោជន៍របស់មីតូកុងឌ្រី?

៦.ប្រសិនបើប្រឹសនៅក្នុងសសៃវ៉ែនសំខាន់ៗមិនដំណើរការតើនឹងមានអ្វីកើតឡើង?

៧.គោលិការក្រហមពេញវ័យ(ទុំ)របស់មនុស្សគ្មានណ្វៃយ៉ូទេ។តើលក្ខណះបែបនេះផ្តល់អត្ថប្រយោជន៍ដូចម្តេចដែរ?

៨.មនុស្សម្នាក់ដែលមានចំនួនគោលិការក្រហមតិច ធ្វើការឆាប់ហត់នៀយ។ចូរពន្យល់។

៩.តើតំណបសុំាតាមរយះអង់ទីករនិងតាមរយះកោសិការមានលក្ខណះដូចម្តេចខ្លះ?

ចម្លើយៈ

១.បានជាសសៃឈាមរីកធំនៅពេលរាងកាយឡើងក្តៅព្រោះ ដើម្បីឲ្យឈាមហូរបានច្រើននៅក្បែរផ្ទៃស្បែក ហើយបញ្ចេញកំដៅ ។

២. ប្រៀបធៀបទម្រង់របស់អេពីឌែមនិងឌែម ៖

អេពីឌែម

       អេពីឌែមកើតឡើងពីស្រទាប់កោសិកាងាប់និងកោសិការស់ ។ ស្រទាប់ លើជាស្រទាប់កោសិកាងាប់រាងសំប៉ែតដែលត្រូវជម្រុះចោលបន្តបន្ទាប់ កោសិកាងាប់ផ្ទុកកេរ៉ាទីនដែលធ្វើឲ្យស្បែកស្ងួតក្រិនមិនជ្រាបទឹក និងការពារកោសិការស់នៃស្រទាប់ក្រោម ។ កោសិការស់ចែកតាមមីតូស ដោយបង្កើតកោសិកាថ្មីៗដើម្បីជំនួសកោសិកាងាប់នៃស្រទាប់លើ ។ ស្រទាប់ក្នុងនៃអេពីឌែមមានកោសិកាដែលផ្ទុកជាតិពណ៌មេឡាទីន ។ មេឡានិនកំណត់ពណ៌របស់ស្បែក​។

ឌែម​

      ឌែមជាផ្នែកខាងក្នុងបង្អស់ និងក្រាស់ជាងគេ ។ ក្នុងស្រទាប់ឌែមមាន កោសិកាប្រាសាទសរសៃឈាម សាច់ដុំ ឬស រោម និងក្រពេញ ។ បណ្តាញសរសៃឈាមនៅក្នុងស្រទាប់ឌែម ផ្តល់សារធាតុចិញ្ចឹមដល់ កោសិការស់របស់ស្បែក ។

៣. ស្បែកត្រួតពិនិត្យសិតុណ្ហភាពរាងកាយគឺ ៖

         ប្រសិនបើរាងកាយទទួលកម្តៅខ្លាំង សរសៃប្តូររីកធំ ឈាមហូរច្រើនក្បែរផ្ទៃស្បែកហើយបញ្ចេញកម្តៅទៅក្រៅយ៉ាងច្រើន ។ ក្រពេញញើសបញ្ចេញ្ញើសច្រើន ។ ញើសហួតហើយកម្តៅនៃរាងកាយធ្លាក់ចុះ ។ នៅពេលរាងកាយត្រជាក់ហួតសរសៃប្តូរក្រោមស្បែកកន្រ្ទាក់រួមតូច ឈាមហូរតិច បន្ថយការបាត់បង់កម្តៅ ។ ការកន្រ្ទាក់របស់សាច់ដុំផលិតកម្តៅ យ៉ាងច្រើនដើម្បីធ្វើឲ្យសារពាង្គកាយក្តៅ ។

៤. ​ប្រៀបធៀបរបត់ឈា​មសួតនិងរបត់ឈាមទូទៅ ៖

របត់ឈាមសួត

      បន្ថែម O2 និងដកយក CO2 ពីឈាម ។

     ឈាមនេះចូលទៅក្នុងថតក្រោមស្តាំ ។

     ថតក្រោមស្តាំរុញឈាមនេះតាមសរសៃអាកទែសួតចូលទៅសួត ។

របត់ឈាមទូទៅ

     ចេញពីថតឆ្វេង ឈាមចូលហូរចូលថតក្រោមឆ្វេងនៃបេះដូង ។

     ចេញពីថតក្រោមឆ្វេង ឈាមត្រូវបានរុញចូលទៅក្នុងអាកអក ។

៥. កោសិកាសាច់ដុំបេះដូងសម្បូរមីតូកុងឌ្រី ។ អត្ថប្រយោជន៍របស់មីតូកុងឌ្រី ព្រោះមីតូកុងឌ្រីផលិតថាមពលសម្រាបបេះដូងធ្វើសកម្មភាព​ ។​

៦. ប្រសិនបើប្រឺសនៅក្នុសរសៃវ៉ែនសំខាន់ៗមិន ដំណើរគឺអាចធ្វើឲ្យឈាមហូរច្រាស់ត្រឡប់ ទៅបេះដូងវិញ ។

៧. គោលិកាក្រហមពេញវ័យ ( ទុំ ) របស់មនុស្សគ្មានណ្វៃយ៉ូទេ ។ លក្ខណៈបែបនេះផ្តល់អត្ថប្រយោជន៍គឺ ជួយសម្រួលនៅពេលវាឆ្លងកាត់ភ្នាសសរសៃប្តូរ ( អាចបត់បែនបាននិងរមួលបានងាយស្រួល ) និងបង្កើនសមត្ថភាពរបស់វា ក្នុងការភ្ជាប់ជាមួយអុកស៊ីសែន ។

៨. មនុស្សម្នាក់ដែលមានចំនួនគោលិកាក្រហមតិច ធ្វើការឆាប់ហត់នឿយ ពីព្រោះចំនួនគោលិកាក្រហមរបស់គាត់តិច មិនអាចដឹកនាំអុកស៊ីសែនបានគ្រប់គ្រាន់ ។

៩. លក្ខណៈខុសគ្នាតំណបសុំាតាមរយៈអង់ទីករនិងតាមរយៈកោសិកាគឺ

តំណបសុំាតាមរយៈអង់ទីករគឺឡាំផូស៊ីត B

 តំណបសុំាតាមរយៈកោសិកាគឺឡាំផូស៊ីត T  ។