ដើម្បីសម្រេចបាននូវវគោលនយោបាយចតុកោណទី៣ ក្នុងអាណត្តិទី៤នេះរាជរដ្ឋាភិបាលបានយកចិត្តទុកដាក់ក្នុងការរៀបចំផែនការយុទ្ធសាស្រ្ត ផ្តោតជាចម្បងលើការបណ្តុះបណ្តាលវិជ្ជាជីវៈ ការអភិវឌ្ឍន៍គ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ ដើម្បីបង្កើនសមត្ថភាពនិងជំនាញឲ្យយុវជនដណ្តើមបានការងារធ្វើតាមកម្រិតជំនាញក្រតួតប្រជែកក្នុងតំបន់អាស៊ាននាពេលខាងមុខ ។ ក្រសួងក៏បានរៀបចំផែនការដូចខាងក្រោម ៖

• ធ្វើសមាហរណកម្មក្របខណ្ឌគុណវុឌ្ឍិជាតិកម្ពុជា (៨កម្រិត ) ស្តង់ដារជាតិសមត្ថភាពកម្មវិធីសិក្សាផ្នែកលើាមត្ថភាពដែលមានសព្វថ្ងៃចំនួន ២១មុខរបរលើ ៣ វិស័យគឺ វិស័យសំណង់ (៧មុខរបរ ) វិស័យមេកានិច (៧មុខរបរ ) វិស័យសេវាធុរកិច្ចនិងបច្ចេកវិទ្យា គមនាគមន៍​ព័ត៌មានវិទ្យា (៧មុខរបរ ) ចូលទៅក្នុងតំបន់ ដើម្បីឲ្យប្រព័ន្ធនៃការអប់រំបណ្តុះបណ្តាលបច្ចេកទេស និងវិជ្ជាជីវៈ នៅកម្ពុជាមានគុណភាពនិងកម្រិតប្រហាក់ប្រហែលគ្នា ។
• ពង្រឹងគុណភាព នៃការផ្លល់សេវាព័ត៌មានស្តីពីការអប់រំបណ្តុះបណ្តាលបច្ចេកទេស និងវិជ្ជាជីវៈ និងព័ត៌មានទីផ្សារការងារ ។
• ជំរុញនិងលើកទឹកចិត្តដល់គ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈទាំងអស់ឲ្យមានកិច្ចសហប្រតិបត្តិការភាពជាដៃគូ ជាមួយគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ ឬសាកលវិទ្យាល័យនៅបរទេសនានា ពិសេសឲ្យកមានកិច្ចសហប្រតិបត្តិការជាមួយក្រុមហ៊ុនវិនិយោគបរទេសដើម្បីពង្រីកការវិនិយោគ និងទីផ្សារការងារ ។
• ជំរុញឲ្យមានការទទួលស្គាល់សមត្ថភាពជំនាញ ពីប្រទេសមួយទៅប្រទេសមួយក្នុងក្របខ័ណ្ឌតំបន់ ក៏ដូចសកលលោក រួមទាំងឲ្យមានការទទួលស្គាល់គ្នាដោយផ្អែកលើ ក្របខណ្ឌគុណវិឌ្ឍិយោងអាស៊ាន (ASEAN Qualification Reference Frame Work –AQRRF ) ។

ការអភិវឌ្ឍន៍ជំនាញ និងការងារសមរម្យដែលស្របបានតាមលបទដ្ឋានស្តង់ដារអន្តរជាតិ ត្រូវបានរាជរដ្ឋាភិបាលយកចិត្តទុកដាក់យ៉ាងខ្លាំងតាមរយៈការអប់រំបណ្តុះបណ្តាលដោយចូលរួមផ្ទាល់ពីស្ថាប័នអប់រំវិស័យឯកជន និងអង្គការជាតិនិងអន្តរជាតិ ។ បច្ចុប្បន្ននេះបញ្ហាជំនាញគឺកំពុងកតែកើតមានឡើងសម្រាប់អភិវឌ្ឍន៍វិស័យសេដ្ឋកិច្ច ដូចនេះហើយដើម្បីពង្រឹងការបណ្តុះបណ្តាលជំនាញដល់កម្លាំងពលកម្មថ្មី ពិសេសកយុវជនក្រសួងមានយន្តការប​ន្ថែមទៀតរួមមាន៖

• ជំរុញនិងពង្រឹក ការអប់រំបណ្តុះបណ្តាញបច្ចេកទេស និងវិជ្ជាជីវៈរយៈពេលវែងសំដៅផលិតនូវធនធានមនុស្ស ដើម្បីបំពេញតាមតម្រូវការ នៃការអភិវឌ្ឍន៍សង្គមកិច្ច សង្គមកិច្ចជាពិសេសគោលនយោបាយធ្វើពាណិជ្ជកម្មសេដ្ឋកិច្ចរបស់រាជរដ្ឋាភិបាល ដែលមានមហិច្ឆិតាប្រែក្លាយកម្ពុជាទៅជាមូលដ្ឋានឧស្សាហកម្មបង្គុំគ្រឿងបរិក្ខាអគ្គិសនីរថយន្ត និងបរិក្ខាបច្ចេកវិទ្យាផ្សេងៗទៀត ។
• បង្កើតឲ្យមានគោលនយោបាយជំរុញ និងលើកទឹកចិត្តវិស័យឯកជន ចូលរួមអភិវឌ្ឍន៍វិស័យអប់រំបណ្តុះបណ្តាលបច្ចេកទេស និងវិជ្ជាជីវៈតាមរយៈការរួមចំណែកបង់ភាគទានវិនិយោគលើការអភិវឌ្ឍន៍ជំនាញការរួមចំណែកផ្តល់ធាតុចូលក្នុងការអភិវឌ្ឍន៍កម្មវិធីសិក្សានិងការបង្កើន​ឱកាសដល់បរិក្ខាកាមសិស្ស និស្សិតអាចធ្វើកម្មសិក្សានៅតាមបណ្តារោងចក្រ សហគ្រាស គ្រឹះស្ថាន ។
• បន្តអភិវឌ្ឍន៍ស្តង់ដារជាតិសមត្ថភាពកម្មវិធីសិក្សា ផ្អែកលើសមត្ថភាព ឯកសារធ្វើតេស្តបញ្ជាក់សមត្ថភាពនិងបញ្ចប់ឯកសាររៀននិងបង្រៀន ផ្អែកលើសមត្ថភាពសម្រាប់វិស័យសំណង់ មេកានិច អគ្គិសនីតាមគេហដ្ឋាន សេវាធុរកិច្ចនិងបច្ចេកវិទ្យាគមនាគមន៍ព័ត៌មានវិទ្យា ឧស្សាហកម្ម និងផលិតកម្មម្ហូបអាហារ ក៏ដូចជា វិស័យផ្សេងទៀតដែលជាអាទិភាពរបស់រាជលរដ្ឋាភិបាល ។
• អនុវត្តនូវកកម្មវិធីសិក្សាថ្មីវិស័យសំណង់ មេកានិចអគ្គសនីតាមគេហដ្ឋាន សេវាធុរកិច្ចនិងបច្ចេកវិទ្យា ទូរគមនាគមន៍ព័ត៌មានវិទ្យា ឧស្សាហកម្មផលិតកម្ម និងផលិតកម្មម្ហូបអាហារ ។
• រៀបចំក្របខណ្ឌ និងស្តង់ដារនៃការអប់រំ និងការអប់រំបណ្តុះបណ្តាលបច្ចេកទេសនិងវិជ្ជាជីវៈដែលអាចទទួលស្គាល់ឆ្លងពីគ្រឹះស្ថាន បណ្តុះបណ្តាលបច្ចេកទេសនិងវិជ្ជាជីវៈទៅគ្រឹះស្ថានឧត្តមសិក្សា ។
• សិក្សាស្រាវជ្រាវ និងវិភាគទៅលើគម្លាតនៃជំនាញព្រមទាំងចងក្រងជាកញ្ចប់សមត្ថភាពជំនាញថ្មីតាមមុខរបរនីមួយៗ ដែលទីផ្សារការងារត្រូវការក្នុងពេលបច្ចុប្បន្ន និងនា​ពេលអនាគត់​ដើម្បីធាតុចូលក្នុងការរៀបចំកម្មវិធីបណ្តុះបណ្តាលបច្ចេកទេស និងវិជ្ជាជីវៈ ។
• បង្កើតក្រុមប្រឹក្សាអភិវឌ្ឍន៍ជំនាញតាមវិស័យ ដើម្បីប្រឹក្សាផ្តល់យោបល់និងតម្រង់ទិស ក្នុងការអភិវឌ្ឍន៍ជំនាញសមត្ថភាព ឬការធ្វើឲ្យប្រសើរឡើងនូវគុណភាពអប់រំបណ្តុះបណ្តាលបច្ចេកទេស និងវិជ្ជាជីវៈ ។

រាជរដ្ឋាភិបាល បានយកចិត្តទុកដាក់យ៉ាងខ្លាំងចំពោះយុវជន ដែលបានបោះបង់ចោលការសិក្សា នឹងចាត់ទុកយុវជនគឺជាជនងាយរងគ្រោះ។ ហើយដើម្បីគាំពារដល់យុវជនរាជរដ្ឋាភិបាល ក៏បានកដាក់ចេញនូវយុទ្ធសាស្រ្តដូចជា៖

• យុទ្ធសាស្រ្តជាតិគាំពារសង្គម សម្រាប់កជនក្រីក្រ និងជនងាយរងគ្រោះ (២០១១. ២០១៥ )របស់រាជរដ្ឋាភិបាលបានបង្កើតនូវកម្មវិធីបណ្តុះបណ្តាលជំនាញដល់យុវជន ដែលបោះបង់ចោលការសិក្សាបន្ថែមជាងនេះទៀតក្រសួងអប់រំក៏មានកកម្មវិធីបណ្តុះបណ្តាលវគ្គសិក្សាក្រៅប្រព័ន្ធ ។
• បណ្តុះបណ្តាលយុវជននូវកម្មវិធីពាក់កណ្តាលជំនាញ ដើម្បីបង្កើតអាជីវកម្មដោយខ្លួនឯង ឬស្វែងរកការងារនៅក្នុងមូលដ្ឋានរបស់ខ្លួន ។  
• ជំរុញការកសាងគ្រឹះស្ថានអប់រំបណ្តុះបណ្តាលបច្ចេកទេស និងវជ្ជាជីវៈមាននៅគ្រប់ខេត្ត ដែលអាចផ្តល់ការបណ្តុះបណ្តាលនៅតាមសហគមន៍ ព្រមទាំងរួមចំណែកដល់ទិសដៅ«ភូមិមួយ ផលិតផលមួយ » ។
• លើកទឹកចិត្តការចូលរួមនៃវិស័យឯកជន និងអង្គការមិនមែនរដ្ឋាភិបាលក្នុងការពង្រីកកម្មវិធីបណ្តុះបណ្តាលបច្ចេកទេស និងវិជ្ជាជីវៈសមស្របឲ្យកាន់តែមានវិសាលភាពឆ្លើយតបទៅនឹងតម្រូវការសង្គម ។

រាជរដ្ឋាភិបាល តែងតែយកចិត្តទុកដាក់ក្នុងការអភិវឌ្ឍន៍ការងារ និងឱកាសការងារក្នុងប្រទេសដើម្បីបង្កើនប្រាក់ចំណូលជូនប្រជាពលរដ្ឋ ពិសេសយុវជន ។ ទន្ទឹមលនឹងនេះ​រាជរដ្ឋាភិបាលក៏បានខិតខំស្វែងរកទីផ្សារការងារល្អៗនៅបរទេសជូនយុវជន ដើម្បីទទួលបានប្រាក់ឈ្នួលខ្ពស់ និងជំនាញវិជ្ជាជីវៈកក្នុងការរួមចំណែកអភិវឌ្ឍន៍សេដ្ឋកិច្ចជាតិ ។

          លើសពីនេះទៀត ដើម្បីទប់ស្កាត់ការធ្វើចំណាក់ស្រុកដោយខុសច្បាប់ និងផ្តល់ភាពធ្វើការងារស្របច្បាប់ជូនពលករខ្មែរ ក៏ដូចជាការលើកកម្ពស់ការការពារសិទ្ធិករបស់ពលកររាជដ្ឋាភិបាលតែងតែយកចិត្តទុកដាក់ និងផ្តល់ឱកាសដល់យុវជនដូចជា ៖

• ផ្តល់លិខិតឆ្លងដែនដោយឥតគិតថ្លៃ

+លិខិតឆ្លងដែនកធម្មតាផ្តល់ជូនតែពលករ ពលការនីខ្មែរដែលត្រូវទៅធ្វើការស្របច្បាប់នៅបរទេសដោយអាករជាបន្ទុករបស់រដ្ឋ ។

+ តម្លៃ៤ ដុល្លារអាមេរិច​ សម្រាប់ថ្លៃថតរូបតែប៉ុណ្ណោះ ។

• ជួយកាត់បន្ថយបន្ទុកចំណាយដល់ពលករ ពលការនីខ្មែរនិងលើកកម្ពស់ជីវភាពរបស់ប្រជាពលរដ្ឋ ។
• បង្ហាញអំពីការយកចិត្តទុកដាក់របស់រាជរដ្ឋាភិបាល ដែលដឹកនាំដោយ សម្តេចអគ្គមហាសេនាបតីតេជោហ៊ុនសែន នាយករដ្ឋមន្រ្តីនៃព្រះរាជាណាចក្រកម្ពុជា ។
• ពលករ ពលការនីខ្មែរទៅធ្វើការនៅបរទេសពិសេសនៅប្រទេសថៃទទួលបានភាពស្របច្បាប់គ្រប់ៗគ្នានាពេលអនាគត់ ។
• ពលករទៅធ្វើការបរទេសភាគច្រើនលជាយុវជននេះក៏ជាការចូលរួមចំណែកមួយលរបស់រាជរដ្ឋាភិបាលក្នុងការផ្តល់ឱកាសការងារដល់យុវជននៅបរទេស ។
• ពលករ ពលការនី ទទួលបានប្រាក់ឈ្នួលកខ្ពស់ ជំនាញបច្ចេកទេសនិងវិជ្ជាជីវៈដើម្បីរួមចំណែកអភិវឌ្ឍន៍សង្គមគ្រួសារ និងសេដ្ឋកិច្ចជាតិ ។

ធ្វើការចំណាកស្រុកដោយស្របច្បាប់ សុវត្ថិភាពនិងតម្លា​​ភាពគឺជាចំណុចវិជ្ជមានមួយ ដែលសេដ្ឋកិច្ចវិទូជាច្រើនបានយល់ស្រប ។ ប៉ុន្តែទោះបីជាយ៉ាងណាក៏ដោយ ការរក្សាបាននៅកម្លាំងពលកម្មនៅក្នុងស្រុកសំដៅបង្កើនកភាពទាក់ទាញផ្តល់ទុនវិនិយោគថ្មី និងសុវត្ថិភាពខ្ពស់ចំពោះកម្លាំងពលកម្មដែលទទួលការបណ្តុះបណ្តាលទាបកក៏ជាចំណុចមួយដែលរាជរដ្ឋាភិបាល ត្រូវយកចិត្តទុកដាក់ ។

          ដើម្បីជាត្រីវិស័យសម្រាប់កា​រលើកកម្ពស់ប្រសិទ្ធភាព ក្នុងការបង្កើនទីផ្សារការងារសម្រាប់យុវជនដើម្បីជៀសវាងលចំណាក់ស្រុក​ រាជរដ្ឋាភិបាលមានយុទ្ធសាស្រ្តលសំខាន់ៗដូចខាងក្រោម ៖

• លើកទឹកចិត្តដល់ការវិនិយោគដើម្បីទាក់ទាញនិងស្រូបយកអ្នកវិនិយោគិនទាំងក្នុងស្រុកនិងក្រៅស្រុកដើម្បីបង្កើតការងារ និងផ្តល់ការងារជូនប្រជាពលរដ្ឋ ពិសេសយុវជន
• ពង្រឹង និងពង្រីកការវិនិយោគមតាមបណ្តាខេត្ត និងទីជនបទដោយការកសាងហេដ្ឋារចនាសម្ព័ន្ធរូបវន្តដើម្បីឲ្យទីផ្សារការងារកាន់តែខិតជិតទៅដល់លំនៅដ្ឋានរបស់ពលរដ្ឋ
• បន្តការយកចិត្តទុកដាក់ឲ្យកាន់តែប្រសើរឡើងនូវលក្ខខណ្ឌការងារអនាម័យនិងសុវត្ថិភាពុំ ការងារសុដុមរមនាក្នុងទំនាក់ទំនងវិជ្ជាជីវៈនិងបរិយាកាសការងារល្អ
• ពង្រឹង និងពង្រីកសេវាបេឡាជាតិរបបសន្តិសុខសង្គម មានហានិភ័យការងាររបបថែទាំសុខភាព និងរបបសោធននិវត្តន៍
• ពង្រឹកសេវារបស់ទីភ្នាក់ងារជាតិមុខរបរ និងការងា​រដូចជា​ការប្រមូលចងក្រង និងផ្សពុ្វផ្សាយព័ត៌មានទីផ្សារការងារដល់អ្នកស្វែងរកការងារធ្វើ នយោជក អ្នកផ្តល់ការអប់រំបណ្តុះបណ្តាល អ្នករៀបចំគោលនយោបាយ និងសាធារណៈជនទូទៅ
• បន្តជម្រុញការអភិវឌ្ឍន៍សេដ្ឋកិច្ច សង្គមកិច្ច បង្កើតការងារមុខរបរ និងប្រាក់ចំណូលជូនប្រជាជន
• បន្តការយកចិត្តទុកដាក់ និងសិក្សាអំពីការម្លើងប្រាក់ឈ្នួលសមរម្យជូនដល់កម្មករនិយោជិក
• គោលនយោបាយជាតិ ស្តីពីមុខរបរស្របទៅនឹងសំណូមពរនៃការអភិវឌ្ឍន៍សេដ្ឋកិច្ចសង្គមដោយជម្រុញ​ការអប់រំបណ្តុះបណ្តាលបច្ចេកទេសវិជ្ជាជីវៈ ប្រកបដោយគុណភាពប្រសិទ្ធិភាព និងស្របតាមតម្រូវការទីផ្សារការងារ
• ជម្រុញការកសាងគ្រឹះស្ថានអប់រំបណ្តុះបណ្តាលបច្ចេកទេសវិជ្ជាជីវៈឲ្យបានច្រើននៅគ្រប់រាជធានី ខេត្ត ។

ការតែងតាំង ឬប្រគល់ភារកិច្ចក្នុងមុខងារសាធារណៈនឹងមិនត្រូវបានអនុញ្ញាតក្នុងករណីដូចខាងក្រោម ៖

• អ្នកដែលគ្មានឈ្មោះក្នុងក្របខណ្ឌមុខងារសាធារណៈ
• អ្នកដែលកំពុងបំពេញកម្មសិក្សា ពុំទាន់តាំងស៊ប់ក្នុងក្របខណ្ឌ
• ការតែងតាំងថ្នាក់ស្មើក្នុងមុខតំណែង ដែលគ្មានក្នុងរចនាសម្ព័ន្ធ នៃការរៀបចំនិងការប្រព្រឹត្តទៅរបស់ក្រសួង ស្ថាប័ន
• ការតែងតាំងបន្ថែមចំនួនមន្រ្តីក្នុងមុខតំណែងអនុប្រធាននាយកដ្ឋាន អនុប្រធានការិយាល័យអនុប្រធានមន្ទីរជំនាញរាជធានី ខេត្ត ក្នុងករណីដែលនាយកដ្ឋាន ការិយាល័យ ឬមន្ទីរនោះមានអនុប្រធានចាប់ពី ០២នាក់ឡើងទៅរួចហើផយ ក្នុងករណីចាំបាច់ត្រូវពិគ្រោះជាមួយក្រសួងមុខងារសាធារណៈ ដើម្បីពិនិត្យលើរចនាសម្ព័ន្ធជាមុន ។

ក្នុងករណីពីនិត្យឃើញថា លិខិតបទដ្ឋានឯកត្តជន ស្តីពីការតែងតាំងមន្រ្តីរាជការរបស់ក្រសួង ស្ថាប័នធ្វើឡើងផ្ទុយនឹងច្បាប់ ឬលិខិត​បទដ្ឋានជាធរមាន ទីស្តីការគណៈរដ្ឋមន្រ្តី ក្រសួងមុខងារសាធារណៈ ត្រូវរាយការណ៍ជូនរាជរដ្ឋាភិបាល ដើម្បីសុំការអនុញ្ញាតលុបចោល ហើយត្រូវធ្វើការណែនាំក្រសួង ស្ថាប័ននោះធ្វើឲ្យបានត្រឹមត្រូវឡើងវិញ  ។​

លក្ខខណ្ឌនៃការតែងតាំង ឬប្រគល់ភារកិច្ចមន្រ្តីរាជការស៊ីវិលនៅតាម​ក្រសួង​ ស្ថាប័នមាន៖

• ការ​តែងតាំងឬប្រគល់ភារកិច្ចឲ្យកាន់មុខតំណែងណាមួយនៅក្នុងមុខងារសាធារណៈរបវស់ក្រសួង​ស្ថាប័នជាគោលការណ៍ត្រូវមអនុវត្តចំពោះមន្រ្តី​រាជការក្របខណ្ឌ នៃក្រសួង ស្ថាប័ននោះ ។
• ការតែងតាំង ទប្រគល់ភារកិច្ចត្រូវផ្អែកលើសំណូមពរភារកិច្ចជាក់ស្តែង សញ្ញា​បត្រជំនាញ បទពិសោធន៍​ការងាររបស់សាមីជនឲ្យស្របតាមតួនាទីភារកិច្ច និងករចនាសម្ព័ន្ធតបស់ក្រសួងស្ថាប័ននីមួយៗ ។
• ត្រូវធ្វើការពិគ្រោះយោបល់ឲ្យមានភាពឯកភាពគ្នា ជៀសវាងដាច់ខាតមិនឲ្យមានបាតុភាពនៅក្នុងក្រសួងស្ថាប័នរបស់ខ្លួនមុននឹងលើកសំណើរតែងតាំង ឬធ្វើសេចក្តីសម្រេចជាស្ថាពរ ។
• ការតែងតាំងឲ្យកាន់មុខតំសណែងណាមួយ ក្នុងក្របខណ្ឌមុខងារសាធារណៈ​ ត្រូវអនុវត្តឲ្យបានត្រឹមត្រូវទៅតាមច្បាប់ស្តីពីការរៀបចំ និងការប្រព្រឹត្តិទៅរបស់គណៈរដ្ឋមន្រ្តី ដែលមានចែងក្នុងមានមាត្រា ២៨ជំពូក៣ស្តីពីសិទ្ធិកក្នុងការតែងតាំង ។
• រាល់លិខិតបទដ្ឋាន ស្តីពីការតែងតាំងមន្ត្រីរាជការស៊ីវិល មានដូចជាៈ ព្រះរាជក្រឹត្យ អនុក្រឹត្យ ឬប្រកាសត្រូវដាក់ឆ្លងជាមុន  ដើម្បីផ្ទៀងផ្ទាត់ផ្នែករដ្ឋបាល និងឯកភាពដោយក្រសួងមុខងារសាធារណៈ និងផ្នែកថវិកាដោយមន្រ្តីត្រួតពិនិត្យ​ហិរញ្ញវត្ថុ ដែលត្រូវចុះទិដ្ឋាការរៀងៗខ្លួន ហើយរាល់លិខិតឯកត្តជនណាដែកគ្មានទិដ្ឋាការនេះត្រូវនិរាករណ៍ ។

ប្រធានស្ថាប័នមានអំណាចក្នុងការតែងតាំង ផ្លាស់ប្តូរ​បញ្ចាប់ភារកិច្ចមន្រ្តីរាជការក្រោមឱវាទ តាមបែបបទនីតិវិធីជាធរមាន ដោយបប្រកាសម្រាប់មន្រ្តីរាជការ ដែលមានឋានៈចាប់ពីថ្នាក់អនុប្រធាននាយកដ្ឋាន និងថ្នាក់ប្រហាក់ប្រហែលចុះក្រោម ។

          មុខដំណែងក្នុងការងារសាធារណៈ ដែលត្រូវតែងតាំងឬប្រគល់ភារកិច្ចដោយប្រកាសរួមមានៈ អនុប្រធាននាយកដ្ឋាន អភិបាលរងក្រុង ស្រុក ខណ្ឌព្រឹទ្ធបុរសរងអធិការរងប្រធានមន្ទីរជំនាញរាជធានី ខេត្ត ប្រធានការិយាល័យថ្នាក់កណ្តាលអនុប្រធានការិយាល័យថ្នាក់ប្រធាន អនុប្រធានការិយាល័យនៅសាលារាជធានី ខេត្ត ប្រធាន អនុប្រធានការិយាល័យក្រុង ស្រុក ខណ្ឌ និងមុខតំណែងទៀតដែលមានថ្នាក់ស្មើនឹងថ្នាក់ប្រហាក់ប្រហែលនឹងមុខតំណែងខាងលើដែលមាននៅក្នុងអង្គលេខ នៃរចនាសម្ព័ន្ធរបស់ក្រសួង ស្ថាប័ន ។ (រាល់មុខតំណែងសម្រាប់ឋានន្តរស័ក្កិ ទី៣នៃក្របខណ្ឌប្រភេទ «ក »ចុះក្រោម ) ។

នាយករដ្ឋមន្រ្តីអាចតែងតាំង ផ្លាស់ប្តូរបញ្ចប់ភារកិច្ចដោយអនុក្រឹត្យនូវមន្រ្តីជាន់ខ្ពស់ស៊ីវិល យោធាមន្រ្តីការទូតនិងអភិបាលរងលរាជធានី ខេត្ត អភិបាលក្រុង ស្រុក ខណ្ឌ ​និងមន្រ្តីរាជកាចាប់ពីប្រធាននាយកដ្ឋាន វេសនីយ៍ឯក និងថ្នាក់ប្រហាក់ប្រហែលឡើងទៅ តាមសំណើររបស់ប្រធានស្ថាប័ន ។

          មុខតំណែងក្នុងមុខងារសាធារណៈដែលត្រូវតែងតាំងកឬប្រគល់ភារកិច្ចដោយអនុក្រឹត្យមានៈ អគ្គលេខាធិការរងក្រសួង អគ្គនាយករង អគ្គធិការរង អភិបាលរងរាជធានី ខេត្ត សាកលវិទ្យាធិការរង ព្រឹទ្ធបុរសមហាវិទ្យាល័យ ប្រធាននាយកដ្ឋាន អធិការ អភិបាលក្រុង ស្រុក ខណ្ឌ អគ្គកុងស៊ុល និងមុខតំណែងឯទៀតដែលមានថ្នាក់ស្មើ ឬប្រហាក់ប្រហែលនេងមុខតំណែងខាងលើដែលមាននៅក្នុងអង្គការលេខនៃរចនាសម្ព័ន្ធរបស់ក្រសួង ស្ថាប័ន ។ (គ្រប់មុខដំណែងក្នុងឋានន្តរស័ក្កិទី ២នៃក្របខណ្ឌប្រភេទ ««ក» ) ។

ការតែងតាំង ឬប្រគល់ភារកិច្ចដោយព្រះមហាក្សត្រក្នុងមុខតំណែងមុខងារសាធារណៈដែលតែងតាំងដោយព្រះរាជក្រឹត្យមានៈ អគ្លេខាធិការ ឬអគ្គលេខាធិការរង រាជរដ្ឋាភិបាល អគ្គលេខាធិការក្រសួង អគ្គនាយក អគ្គធិការសាកលវិទ្យាធិការ អភិបាលរាជធានី ខេត្ត ឯកអគ្គរាជទូត ប្រេសិតវិសាមញ្ញ និងពេញសមត្ថភាព និងមុខតំណែងឯទៀតដែលមានថ្នាក់ស្មើនឹងមុខតំណែងខាងលើ និងមាននៅក្នុងអង្គលេខ នៃរចនាសម្ព័ន្ធរបស់ក្រសួង ស្ថាប័ន ។ (គ្រប់មុខតំណែងក្នុងឋានន្តរស័ក្កិទី ១នៃក្របខណ្ឌប្រភេទ«ក» ) ។