Ask
Websites Login

តើគោលនយោបាយជាយុទ្ធសាស្រ្តសំខាន់៤នៃវិស័យអប់រំមានអ្វីខ្លះ ?

217 1 comments:0 0
ចម្លើយពី ចំណេះដឹងទូទៅ

គោលនយោបាយជា យុទ្ធសាស្ត្រសំខាន់ៗទាំង៤ នៃវិស័យអប់រំមាន ៖

  • សកលកម្មអប់រំ ចំណេះទូទៅមូលដ្ឋាន ៩ឆ្នាំ និងអភិវឌ្ឍន៍អក្ខរកម្មវិជ្ជាជីវៈ និងបំពេញវិជ្ជា
  • ទំនើបកម្ម និងកំណែលម្អគុណភាពអប់រំតាមរយៈកំណែទម្រង់ដ៏មានប្រសិទ្ធភាព
  • ការផ្សារភ្ជាប់ការអប់រំបណ្តុះបណ្តាលទៅនឹងតម្រូវការទីផ្សារពលកម្ម និងសង្គម
  • ការស្តារ និងអភិវឌ្ឍការងារយុវជន និងកីឡា ។

ចូររៀបរាប់ប្រភេទគ្រឿងឥស្សរិយយស នៃព្រះរាជាណាចក្រកម្ពុជា ។

511 1 comments:0 0
ចម្លើយពី ចំណេះដឹងទូទៅ

ប្រភេទគ្រឿងឥស្សរិយយស នៃព្រះរាជាណាចក្រកម្ពុជាមាន ៤ប្រភេទគឺ

១.​ ប្រភេទ មាតុប្រទេស គឺសម្រាប់ផ្តល់ជូនវរៈជនដែលមានគុណូបការ ដ៏ឩត្តុង្គឩត្តម ជូនមាតុប្រទេស ដើម្បីជាបុព្វហេតុក្នុងការសាមគ្គីភាពឯករាជ្យជាតិ និងសន្តិភាព ។ មេដាយនេះមាន៣ដូចខាងក្រោម ៖

          ១. មេដាយជាតូបការ

          ២.​​មេដាយព្រះរាជាណាចក្រកម្ពុជា មាន៥គឺ

  • មេដាយ មហាសេរីវឌ្ឍន៍
  • មេដាយ ធិបឌិន្ទ
  • មេដាយ មហាសេនា
  • មេដាយ សេនា
  • មេដាយអស្សឬទ្ធិ

៣. មេដាយ ឯកភាពជាតិ ។

២. ប្រភេទ រាជបល្ល័ង ៖ គឺសម្រាប់ផ្តល់ជូនវរៈជនដែលមានគុណបំណាច់ចំពោះរាជបល្ល័ង ព្រះមហាក្សត្រផ្ទាល់ព្រះរាជវង្សានុវង្ស ព្រះមហាក្សត្រ ជាពិសេស ជូនជាអនុស្សាវរីយ៍ពីព្រះមហាក្សត្រ ។ មេដាយនេះមាន ៣ ដូចខាងក្រោម ៖

          ១. មេដាយរាជសម្បត្តិ

          ២. មេដាយ រជ្ជកាលមាន ៣ គឺ មាស ប្រាក់ និង​សំរិទ្ធ

          ៣. មេដាយអនុស្សារា ។

៣. ប្រភេទ ការពារជាតិ គឺសម្រាប់ផ្តល់ជូនពលទាហាន នាយទាហានរង នាយទាហាន កងកម្លាំងប្រដាប់អាវុធ ឬនគរបាល ក្នុងកិច្ចការពារព្រំដែន​ និងសន្តិសុខជូនប្រទេសជាតិក្នុងពេលសង្រ្គាម ។ មេដាយនេះមាន ២ ដូចខាងក្រោម ៖

          ១. មេដាយសេនាជ័យសិទ្ធ

          ២. មេដាយការពារជាតិ មាន ៣ ថ្នាក់គឺ មាស ប្រាក់ និងសំរិទ្ធ ។

៤. ប្រភេទ ចម្រុះមាន ៧គឺ ៖

          ១. មេដាយ សហមេត្រី គឺសម្រាប់បំពាក់ជូនអង្គ ទូតឬតំណាងប្រទេសជាមិត្ត ។ មេដាយនេះមាន ៣ ប្រភេទដូចខាងក្រោម ៖

  • មេដាយធិបឌិន្ទ
  • មេដាយសេនា
  • មេដាយអស្សឬទ្ធិ

២. មេដាយសុវត្ថារា គឺបំពាក់ជូនអ្នកមានស្នាដៃខាងកសិកម្ម សេដ្ឋកិច្ច ។ មេដាយ នេះមាន ៣ ប្រភេទ គឺ

  • មេដាយធិបឌិន្ទ
  • មេដាយសេនា
  • មេដាយអស្សឬទ្ធិ

៣. មេដាយមុនីសារភ័ណ្ឌ គឺបំពាក់ជូនខាងសិក្សាធិការ វិស័យផ្សេងៗ ។ មេដាយនេះមាន ៣ ប្រភេទ គឺ

  • មេដាយធិបឌិន្ទ
  • មេដាយសេនា
  • មេដាយអស្សឬទ្ធិ

៤. មេដាយការងារ គឺបំពាក់ជូនអ្នកមានស្នាដៃការងារល្អក្នុងការបំពេញភារកិច្ច ។ មេដាយនេះមាន ៣ ប្រភេទគឺ ៖

  • មេដាយ មាស
  • មេដាយ ប្រាក់
  • មេដាយ សំរិទ្ធ

៥. មេដាយស្ថាបនាជាតិ មេដាយនេះមាន ៣ប្រភេទគឹ

  • មេដាយ មាស
  • មេដាយ ប្រាក់
  • មេដាយ សំរិទ្ធ

៦. មេដាយខេមរាកីឡាឬទ្ធិ មេដាយនេះមាន ៣ ប្រភេទ គឺ

  • មេដាយ មាស
  • មេដាយ ប្រាក់
  • មេដាយ សំរិទ្ធ

៧. មេដាយស្រ្តីវឌ្ឍនា មេដាយនេះមាន ៣ ប្រភេទ គឺ

  • មេដាយ មាស
  • មេដាយ ប្រាក់
  • មេដាយ សំរិទ្ធ ។

ចូររៀបរាប់ឈ្មោះក្របខណ្ឌ ប្រភេទក្របខណ្ឌនិង ឋានន្តរស័ក្តិ នៃក្របខណ្ឌស៊ីវិល ។

505 1 comments:0 0
ចម្លើយពី ចំណេះដឹងទូទៅ

ឈ្មោះក្របខណ្ឌ ប្រភេទក្របខណ្ឌនិង ឋានន្តរស័ក្តិថ្នាក់នៃក្របខណ្ឌស៊ីវិល ៖

១. ក្របខណ្ឌរដ្ឋបាលទូទៅ ៖

  • មន្ត្រីគ្រប់គ្រងរដ្ឋបាល

                   + ឩត្តមមន្ត្រី    មាន៦ថ្នាក់

                   + វរៈមន្រ្តី       មាន១០ថ្នាក់

                   + អនុមន្ត្រី       មាន១៤ថ្នាក់

  • មន្ត្រីក្រមការ

                   + នាយក្រមការ          មាន៦ថ្នាក់

                    + ក្រមការដើមខ្សែ      មាន១០ថ្នាក់

              ​       + ក្រមការ                មាន១៤ថ្នាក់

  • លេខាធិការរដ្ឋបាល

                       + នាយលេខាធិការ      មាន៦ថ្នាក់

                        + លេខាធិការដើមខ្សែ  មាន១០ថ្នាក់

                         + លេខាធិការរដ្ឋបាល   មាន១៤ថ្នាក់

  • ភ្នាក់ងាររដ្ឋបាល

                          + នាយភ្នាក់ងាររដ្ឋបាល          មាន៦ថ្នាក់

                            + ភ្នាក់ងាររដ្ឋបាលដើមខ្សែ       មាន១០ថ្នាក់

                           ​​​+ ភ្នាក់ងាររដ្ឋបាល                មាន១៤ថ្នាក់

  • អនុរក្សពន្ធនាគារ​

                          + នាយអនុរក្ស           មាន៦ថ្នាក់

                          + អនុរក្សដើមខ្សែ       មាន១០ថ្នាក់

                           + អនុរក្ស                 មាន១៤ថ្នាក់

  • ភ្នាក់ងាររដ្ឋបាល

                        ​​+ នាយភ្នាក់ងាររដ្ឋបាល          មាន៦ថ្នាក់

                       + ភ្នាក់ងាររដ្ឋបាលដើមខ្សែ       មាន១០ថ្នាក់

                        + ភ្នាក់ងាររដ្ឋបាល                មាន១៤ថ្នាក់

៣. ក្របខណ្ឌ ការទូត

  • មន្ត្រីការទូតជាន់ខ្ពស់

                          ​+ ឩត្តមមន្រ្តីការបរទេស         មាន៦ថ្នាក់

                           + វរៈមន្ត្រីការបរទេស             មាន១០ថ្នាក់

                            ​​+ អនុមន្ត្រីការបរទេស            មាន១៤ថ្នាក់

  • មន្ត្រីក្រមការ

                           + នាយក្រមការបរទេស         មាន៦ថ្នាក់

                           + ក្រមការដើមខ្សែការបរទេស  មាន១០ថ្នាក់

                            + ក្រមការការបរទេស            មាន១៤ថ្នាក់

៤. ក្របខណ្ឌអប់រំ

  • គ្រូបង្រៀនកម្រិតឩត្តម

                          + គ្រូបង្រៀនកម្រិតឩត្តម ដើមខ្សែពិសេស មាន៦ថ្នាក់ ។ ឩទាហរណ៍ (ក ១-៦ , ក១-៥ , ក១-១)

                            + គ្រូបង្រៀនកម្រិតឩត្តម ដើមខ្សែ មាន១០ថ្នាក់ ។ ឩទាហរណ៍ (ក២-១០ , ក២-៩...,ក២-១)

                             + គ្រូបង្រៀនកម្រិតឩត្តម មាន១៤ ថ្នាក់ ។ ឩទាហរណ៍ (ក៣-១៤,​ក៣-១៣..,ក៣-១)

  • គ្រូបង្រៀនកម្រិតមូលដ្ឋាន

                               + គ្រូបង្រៀនកម្រិតមូលដ្ឋាន ដើមខ្សែពិសេស មាន៦ថ្នាក់ ។ ឩទាហរណ៍ (ខ១-៦, ខ១-៥....ខ១-១)

                                 + គ្រូបង្រៀនកម្រិតមូលដ្ឋាន ដើមខ្សែ មាន១០ថ្នាក់ ឩទាហរណ៍ (ខ២-១០ , ខ២-៩...., ខ២-១)

                                + គ្រូបង្រៀនកម្រិតមូលដ្ឋាន មាន១៤ថ្នាក់ ឩទាហរណ៍ (ខ៣១៤ , ខ៣-១៣....,ខ៣-១)

  • គ្រូបង្រៀនកម្រិតបឋម

                                  + គ្រូបង្រៀនបឋម ដើមខ្សែពិសេស មាន៦ថ្នាក់ ឩទាហរណ៍ (គ១-៦ , គ១-៥....,គ១-១)

                                   + គ្រូបង្រៀនកម្រិតបឋម ដើមខ្សែ មាន១០ថ្នាក់ ឩទាហរណ៍ (គ២-១០ , គ២-៩..., គ២-១)

                                 + គ្រូបង្រៀនកម្រិតបឋម មាន១៤ថ្នាក់ ឩទាហរណ៍ (គ៣-១៤ , គ៣-១៣....,គ៣-១)

៥. ក្របខណ្ឌ សុខាភិបាល

មន្ត្រីសុខាភិបាលជាន់ខ្ពស់

  • មន្រ្តីសុខាភិបាលជាន់ខ្ពស់ដើមខ្សែពិសេស មាន៦ថ្នាក់
  • មន្ត្រីសុខាភិបាលជាន់ខ្ពស់ ដើមខ្សែមាន១០ថ្នាក់
  • មន្ត្រីសុខាភិបាលជាន់ខ្ពស់ មាន១៤ថ្នាក់

មន្ត្រីសុខាភិបាលមធ្យម

  • មន្រ្តីសុខាភិបាលមធ្យម ដើមខ្សែពិសេស មាន៦ថ្នាក់
  • មន្ត្រីសុខាភិបាលមធ្យម ដើមខ្សែ មាន១០ថ្នាក់
  • មន្រ្តីសុខាភិបាលមធ្យម មាន១៤ថ្នាក់

មន្ត្រីសុខាភិបាលបឋម

  • មន្ត្រីសុខាភិបាលបឋម ដើមខ្សែពិសេស មាន៦ថ្នាក់
  • មន្ត្រីសុខាភិបាលបឋម ដើមខ្សែ មាន១០ថ្នាក់
  • មន្ត្រីសុខាភិបាលបឋម មាន១៤ថ្នាក់

៦. ក្របខណ្ឌ បច្ចេកទេស

មន្ត្រីបច្ចេកទេសជាន់ខ្ពស់

  • មន្ត្រីបច្ចេកទេសជាន់ខ្ពស់ ដើមខ្សែពិសេស មាន៦ថ្នាក់
  • មន្ត្រីបច្ចេកទេសជាន់ខ្ពស់ ដើមខ្សែ  មាន១០ថ្នាក់
  • មន្ត្រីបច្ចេកទេសជាន់ខ្ពស់ មាន១៤ថ្នាក់

មន្ត្រីបច្ចេកទេសមធ្យម

  • មន្ត្រីបច្ចេកទេសមធ្យម ដើមខ្សែពិសេស មាន៦ថ្នាក់
  • មន្ត្រីបច្ចេកទេសមធ្យម ដើមខ្សែ មាន១០ថ្នាក់
  • មន្ត្រីបច្ចេកទេសមធ្យម មាន១៤ថ្នាក់

មន្រី្តបច្ចេកទេសបឋម

  • មន្ត្រីបច្ចេកទេសបឋម ដើមខ្សែពិសេស មាន៦ថ្នាក់
  • មន្ត្រីបច្ចេកទេសបឋម ដើមខ្សែ មាន១០ថ្នាក់
  • មន្ត្រីបច្ចេកទេសបឋម មាន១៤ថ្នាក់ ។

ចូរនិយាយអំពីប្រព័ន្ធគ្រប់គ្រងរដ្ឋាបាលតាមបែបមជ្ឈការ និងវិមជ្ឈការ ។

252 1 comments:0 0
ចម្លើយពី ចំណេះដឹងទូទៅ

រដ្ឋទាំងអស់មានប្រព័ន្ធគ្រប់គ្រងរដ្ឋបាលដាច់ដោយឡែកពីគ្នា រវាងមជ្ឈការ និង វិមជ្ឈការ

ក. មជ្ឈការ (អំណាចមជ្ឈិម ឬអំណាចកណ្តាល) ៖

  • គ្មាននីតិបុគ្គល (បុគ្គល គឺជាក្រុមមនុស្ស)
  • រាល់ការសម្រេច បញ្ជាទាំងអស់ចេញពីអំណាចកណ្តាលតែមួយគត់ គឺមនុស្សម្នាក់ដែលធំជាងគេ
  • មានឋានន្តរស័ក្តិពីធំ ដល់តូច
  • អង្គភាពមជ្ឈការដែលធំជាងគេ គឺរាជរដ្ឋាភិបាលមាន ៖

                     + នាយករដ្ឋមន្ត្រី

                     + ឩបនាយករដ្ឋមន្ត្រី

                      + ទេសរដ្ឋមន្ត្រី

                      + រដ្ឋមន្ត្រី

                       + រដ្ឋលេខាធិការ

  • នៅពេលសមាជិកមជ្ឈការណាម្នាក់ធ្វើខុសសមាជិកនោះត្រូវទទួលខុសត្រូវខ្លួនឯង
  • មានរចនាសម្ព័ន្ធអំណាចតាមឋានានុក្រម
  • នៅកម្ពុជាមជ្ឈការមាន សហមជ្ឈការ និងវិសហការមជ្ឈការ
  • ទោះជាមជ្ឈការ សហមជ្ឈការ វិសហមជ្ឈការ ក៏អំណាចស្ថិតនៅលើថ្នាក់កណ្តាលដដែល
  • ថ្នាក់លើបញ្ជា និងសម្រេចហើយមូលដ្ឋានជាអ្នកអនុវត្ត
  • នៅក្នុងវិសហមជ្ឈការ គេប្រើពាក្យថា ចែករំលែក សិទ្ធិអំណាច ។

ខ. វិមជ្ឈការ (អំណាចមូលដ្ឋាន) ៖

  • ជានីតិបុគ្គល
  • ផ្ទេរសិទ្ធិអំណាចសម្រេចទៅថ្នាក់ក្រោម
  • ផ្តល់សិទ្ធិអំណាចឱ្យសម្រេចដើម្បីប្រជាជន
  • មានប្រជាជនចូលរួម
  • ពុំមាននរណានៅលើទេ ព្រោះជាក្រុមមនុស្ស
  • អង្គភាពមជ្ឈការធំជាងគេ គឺរដ្ឋហើយមានដូចជា

                    + ក្រុមប្រឹក្សារាជធានី ខេត្ត

                      + ក្រុមប្រឹក្សា ស្រុក ខណ្ឌ និងក្រុង​

                      + ក្រុមប្រឹក្សាឃុំ សង្កាត់

  • នៅពេលដែលសមាជិកណាម្នាក់នៃវិមជ្ឈការធ្វើខុសរដ្ឋជាអ្នកប្តឹង និងដោះស្រាយ
  • គ្មានរចនាសម្ព័ន្ធអំណាចតាមឋានានុក្រមទេ
  • នៅប្រទេសកម្ពុជាវិមជ្ឈការមាន ៖ វិមជ្ឈការមុខងារ វិមជ្ឈការបច្ចេកទេស
  • ក្រុមប្រឹក្សានីមួយៗ មិនក្រោមគ្នាទេ
  • ការបង្កើតសិទ្ធិសម្រេចការបម្រើសេវាសាធារណៈទៅឱ្យជិតអ្នកប្រើប្រាស់
  • នៅក្នុងវិមជ្ឈការ គេប្រើពាក្យថា ផ្ទេរសិទ្ធិអំណាច ។

ដើម្បីមានឈ្មោះថាជារដ្ឋមួយ តើត្រូវមានធាតុផ្សំសំខាន់ៗប៉ុន្មាន ? គឺអ្វីខ្លះ ?

361 1 comments:0 0
ចម្លើយពី ចំណេះដឹងទូទៅ

ដើម្បីមានឈ្មោះថា ជារដ្ឋមួយ ត្រូវមានធាតុផ្សំសំខាន់ៗ ចំនួន៤ ដែលមិនអាចខ្វះបានគឺ ៖

  • ដែនដី ឬទឹកដី ៖ ដែនដី ដែនទឹកដែលជាសមត្ថកិច្ចរបស់រដ្ឋ មានទីតាំងច្បាស់លាស់ ព្រំប្រគល់ អធិបតេយ្យភាពជាតិ ។
  • ប្រជាជន ប្រជារាស្ត្រ ៖ មានមនុស្សរស់នៅទោះច្រើនឬតិច មានវប្បធម៌ សាសនា ភាសា ពូជសាសន៌
  • អំណាចគ្រប់គ្រងរដ្ឋ ឬរដ្ឋាភិបាល ៖ មានរចនាសម្ព័ន្ធគ្រប់គ្រងរដ្ឋត្រឹមត្រូវ ។
  • អធិបតេយ្យភាពជាតិ ៖ មានសិទ្ធិសម្រេចខាងកិច្ចការនយោបាយ សេដ្ឋកិច្ច យោធា ការទូត និងមានការទទួលស្គាល់ពីអង្គការសហប្រជាជាតិ ។

ចូរបង្ហាញអំពីទំនាក់ទំនងរវាងសិទ្ធិ សេរីភាព និងច្បាប់ដោយលើកឩទាហរណ៍មកបញ្ជាក់ផង ។

140 1 comments:0 0
ចម្លើយពី ចំណេះដឹងទូទៅ

ទំនាក់ទំនងរវាងសិទ្ធិ សេរីភាព និងច្បាប់មនុស្សត្រូវមានសិទ្ធិ និងសេរីភាពស្មើគ្នា ដោយឥតប្រកាន់ពូជសាសន៍ពណ៍សម្បុរ ភេទ ភាសា ជំនឿនិន្នាការនយោបាយ ដើមកំណើតជាតិ ឋានៈសង្គម ធនធាន ឬស្ថានភាពឯទៀតឡើយ ។ រីឯ ច្បាប់ ជានិយាមជាកាតព្វកិច្ចបំផុតរបស់មនុស្សសម្រាប់ការពារសិទ្ធិនិងសេរីភាពដែលធម្មជាតិបានសម្អិតសម្អាងឡើងដើម្បីជីវិតរស់នៅក្នុងសង្គម ។ ដូច្នេះការប្រើសិទ្ធិសេរីភាពផ្ទាល់ខ្លួនរបស់បុគ្គលិកម្នាក់ៗមិនត្រូវឱ្យប៉ះពាល់ដល់សិទ្ធិសេរីភាពអ្នកដទៃឡើយគឺ ត្រូវប្រព្រឹត្តតាមលក្ខខណ្ឌកំណត់ក្នុងច្បាប់ ។

តើមាត្រា៣៤ថ្មី ក្នុងរដ្ឋធម្មនុញ្ញនៃព្រះរាជាណាចក្រកម្ពុជាបានចែងថាដូចម្តេច ?

ចម្លើយពី ចំណេះដឹងទូទៅ

មាត្រា៣៤ថ្មី ក្នុងរដ្ឋធម្មនុញ្ញនៃព្រះរាជាណាចក្រកម្ពុជាបានចែងថា ៖

  • ប្រជាពលរដ្ឋខ្មែរ ទាំងពីរភេទមានសិទ្ធិបោះឆ្នោត និងអាចឈរឈ្មោះឱ្យគេបោះឆ្នោត ។
  • ប្រជាពលរដ្ឋទាំងពីរភេទដែលមានអាយុយ៉ាងតិច១៨ឆ្នាំ មានសិទ្ធិទៅបោះឆ្នោត។
  • ប្រជាពលរដ្ឋទាំងពីរភេទដែលមានអាយុយ៉ាងតិច២៥ ឆ្នាំ អាចឈរឈ្មោះឱ្យគេបោះឆ្នោតជ្រើសរើសតាំងជាតំណាងរាស្ត្រ
  • ប្រជាពលរដ្ឋខ្មែរទាំងពីរភេទ​ដែលមានអាយុយ៉ាងតិច៤០ឆ្នាំ អាចឈរឈ្មោះឱ្យគេបោះឆ្នោតជ្រើសរើសតាំងជាសមាជិកព្រឹទ្ធសភា
  • បទប្បញ្ញាត្តិបន្ថយសិទ្ធិបោះឆ្នោត និងសិទ្ធិឈរឈ្មោះឱ្យគេបោះឆ្នោតត្រូវចែងក្នុងច្បាប់បោះឆ្នោត ។

ដូចម្តេចដែលហៅថាការរើសអើងប្រឆាំងនារីភេទ ? រកឩទាហរណ៍មកបញ្ជាក់ ។

ចម្លើយពី ចំណេះដឹងទូទៅ

ការរើសអើងប្រឆាំងនារីភេទគឺបានចែកការផាត់ចេញ ឬការកំហិតណាដែលធ្វើឡើងលើមូលដ្ឋានភេទហើយដែលបង្កឡើង ឬដែលមានទិសដៅធ្វើឱ្យស្រ្តីខូចខាត ឬបាត់បង់នូវការទទួលស្គាល់ ការទទួលបានឬការប្រើបា្រស់សិទ្ធិនិងសេរីភាពជាគ្រឹះរបស់ស្រ្តីនៅក្នុងវិស័យនយោបាយ វិស័យសេដ្ឋកិច្ច វប្បធម៌ពលរដ្ឋ ឬក៏ក្នុងវិស័យផ្សេងៗទៀតលើមូលដ្ឋានស្មើភាពរវាងបុរសនិងស្រ្តី ។

តើជនជាតិភាគតិចមានសិទ្ធិដូចម្តេចខ្លះ ?

ចម្លើយពី ចំណេះដឹងទូទៅ

ជនជាតិភាគតិចមានសិទ្ធិដូចជា ៖

  • សិទ្ធិមានវត្ត
  • សិទ្ធិឱ្យមានការគោរពដល់សញ្ញាណជាតិ និងសញ្ញាណវប្បធម៌
  • សិទ្ធិស្វ័យសម្រេច
  • សិទ្ធិរួចផុតពីអំពើប្រល័យពូជសាសន៍
  • សិទ្ធិប្រើប្រាស់សម្បត្តិ និងធនធានធម្មជាតិ
  • សិទ្ធិរួមចំណែកក្នុងការលូតលាស់នៃបច្ចេកវិទ្យា និងវិទ្យាសាស្ត្រអន្តរជាតិ
  • សិទ្ធិដើម្បីវប្បធម៌រួមមានការប្រើភាសា និងសេរីភាពខាងវប្បធម៌
  • សិទ្ធិរក្សាការពារបរិស្ថាន
  • សិទ្ធិមិនឱ្យមានការរើសអើងមកលើខ្លួន ។

ដូចម្តេចដែលហៅថាអំពើហិង្សាក្នុងគ្រួសារ ?

119 1 comments:0 0
ចម្លើយពី ចំណេះដឹងទូទៅ

អំពើហិង្សាក្នុងគ្រួសារ គឺជាអំពើទាំងឡាយណាដែលកើតមានទៅលើប្តី ឬប្រពន្ធ កូនក្នុងបន្ទុក ឬជនទាំងឡាយដែលរស់នៅក្រោមដំបូលផ្ទះ និងក្នុងបន្ទុកគ្រួសារ ។

×

×

One more step

Please login to share your idea

Register Login