Ask
Websites Login
user icon
សីលធម៌
នៅ 2018-05-22
សួរអំពី៖នយោបាយ រដ្ឋាភិបាល

ការបង្កើតគោលនយោបាយសាធារណៈរបស់រដ្ឋាភិបាលមានន័យដូចម្តេច?

1059 1 comments:0 0
ចម្លើយពី សីលធម៌

ការបង្កើតគោលនយោបាយសាធារណៈរបស់រដ្ឋាភិបាលមានន័យថា៖

ការខិតខំប្រឹងប្រែងឯកភាពជាតិ រួមកម្លាំងគ្នាប្តូរផ្តាច់ក្នុងការកសាង និងការពារប្រទេសឱ្យបានស្ថិតស្ថេរគង់វង្សក្នុងឯករាជ្យ អធិបតេយ្យភាព បូរណភាពទឹកដី សន្តិភាព ប្រជាធិបតេយ្យ អព្យាក្រឹត្យ វឌ្ឃនភាព និង ខិតខំពង្រឹងផ្នែកសន្តិភាព ស្ថេរភាព នយោបាយសន្តិសុខ និងសណ្តាប់ធ្នាប់សង្គមឱ្យកាន់តែរឹងមាំហើយជំរុំការអភិវឌ្ឃសេដ្ឋកិច្ចជាតិឱ្យកាន់តែរីកចម្រើនខ្លាំងក្លាជាលំដាប់។

user icon
សីលធម៌
នៅ 2018-05-22
សួរអំពី៖ព្រហ្មទណ្ឌ

ហេតុអ្វីបានជាបណ្តឹងព្រហ្មទណ្ឌមិនមានដំណាក់ផ្សះផ្សា?

383 1 comments:0 0
ចម្លើយពី សីលធម៌

បានជាបណ្តឹងព្រហ្មទណ្ធមិនមានដំណាក់កាលផ្សះផ្សាពីព្រោះថា

  • បណ្តឹងនេះមានលក្ខណៈធ្ងន់ធ្ងរ
  • ជាបណ្តឹងដែលទាក់ទងដល់ខូចខាត ការបំផ្លាញដល់សណ្តាប់សាធារណៈ
  • ជាបណ្តឹងដល់បញ្ហាដែលបង្កចលាចលដល់សង្គមជាតិ។
user icon
សីលធម៌
នៅ 2018-05-22
សួរអំពី៖រដ្ឋប្បវេណី

ហេតុអ្វីបានជាបណ្តឹងរដ្ឋប្បវេណីមានដំណាក់ផ្សះផ្សា?

416 1 comments:0 0
ចម្លើយពី សីលធម៌

បានជាបណ្តឹងរដ្ឋប្បវេណីមានដំណាក់ផ្សះផ្សាពីព្រោះថា

  • ការផ្សះផ្សាអាចឱ្យភាគីទាំងពីរបានត្រូវរូវគ្នាឡើងវិញ
  • ការផ្សះផ្សាអាចរួមគ្នា ដើម្បីបង្កើនសេដ្ឋកិច្ចគ្រួសារឱ្យប្រសើរឡើងថែមទៀត
  • ការផ្សះផ្សានឹងជំរុញការបង្កបង្កើនផលបានប្រសើរឡើងវិញ
  • ការផ្សះផ្សាអាចថែរក្សាស្ថេរភាពនៃជីវភាពរបស់គ្រួសារខ្លួន
  • ការផ្សះផ្សាអាចធ្វើឱ្យអនាគតរបស់កូនចៅជំនាន់ក្រោយបានល្អ
  • ដំណាក់កាលផ្សះផ្សាច្រើនធ្វើឡើងក្នុងរឿងអាពាហ៍ពិពាហ៍ និងគ្រួសារ។
user icon
សីលធម៌
នៅ 2018-05-22
សួរអំពី៖បណ្តឹងរដ្ឋប្បវេណី

ចូរបង្ហាញពីដំណើរការដំបូងនៃបណ្តឹងរដ្ឋប្បវេណី។

166 1 comments:0 0
ចម្លើយពី សីលធម៌

ដំណើរការដំបូងនៃបណ្តឹងរដ្ឋប្បវេណី

  • ដំណាក់កាលទី១ ៖ ការដាក់ពាក្យបណ្តឹងត្រូវធ្វើឡើងនៅការិយាល័យទទួលពាក្យបណ្តឹងនៃតុលាការរាជធានី ខេត្ត
  • ដំណាក់កាលទី២៖ ដំណាក់កាលផ្សះផ្សា
  • ដំណាក់កាលទី៣៖ ការចុះបញ្ជីបណ្តឹងនឹងប្រាក់ប្រដាប់ក្តី
  • ដំណាក់កាលទី៤៖ ដំណាក់កាលអង្គេតស៊ើបសួរ
  • ដំណាក់កាលទី៥៖ ការប្តឹងដិតចិត្តជាការប្តឹងជំទាស់ទៅនឹង សមាភាពចៅក្រមក្នុងពេលជំនុំជម្រះ។

តើមន្ត្រីតុលាការតែងតាំងដោយស្ថាប័នណា?

399 1 comments:0 0
ចម្លើយពី សីលធម៌

មន្ត្រីតុលាការតែងតាំងដោយ ឧត្តមក្រុមប្រឹក្សានាអង្គចៅក្រម។ ឧត្តមប្រឹក្សានៃអង្គចៅក្រមមានករណីកិច្ចសម្រេច និងស្នើថ្វាយព្រះមហាក្សត្រអំពីការតែងតាំង ការផ្លាស់ប្តូរ ការដកហូតមុខងារ ការតម្លើងឋានន្តរសក្តិរបស់ចៅក្រម និងព្រះរាជអាជ្ញាទាំងអស់។

ចូរពន្យល់ពីភាពខុសគ្នានៃវិសាលភាពនិងសមត្ថកិច្ចរបស់សាលាជម្រះក្តីនៃព្រះរាជាណាចក្រកម្ពុជានីមួយៗ។

381 1 comments:0 0
ចម្លើយពី សីលធម៌

សាលាជម្រះក្តីនៃព្រះរាជាណាចក្រកម្ពុជារួមមាន៖

  • សាលាជម្រះក្តីថ្នាក់ទាបៈ តុលាការរាជធានី ខេត្ត ឬសាលាដំបូង និងតុលាការយោធា
  • សាលាជម្រះក្តីថ្នាក់ខ្ពស់ៈ សាលាឧទ្ធរណ៍ និងតុលាការកំពូល។

ក.តុលាការរាជធានី ខេត្ត

  • វិសាលភាពៈ គ្រប់ដណ្តប់លើផែនដីរាជធានី ខេត្តសាមីទាំងមូល
  • សមត្ថកិច្ចៈ

     ១.ជំនុំជម្រះគ្រប់រឿងក្តីដែលកើតឡើងក្នុងភូមិសាស្ត្ររាជាធានី ខេត្ត។
     ២.ជំនុំជម្រះរឿងក្តីដែលគ្មានលក្ខណៈយោធាទោះបង្កដោយយោធិនក៏ដោយ។
     ៣.ចេញសាលក្រមបើកផ្លូវឧទ្ធរណ៍។

ខ.តុលាការយោធា

  • វិសាលភាពៈ គ្រប់ដណ្តប់លើផ្ទៃប្រទេសទាំងមូល
  • សមត្តកិច្ចៈ

     ១.ជំនុំជម្រះតែរឿងក្តីមានលក្ខណៈយោធា បង្កដោយយោធិន
     ២.ជំនុំជម្រះរឿងក្តីឡើងវិញតែមិនបន្ថែមទម្ងន់ទោសទៅលើជនជាប់ចោទឡើយ។
     ៣.ចេញសាលក្រមបើផ្លូវឧទ្ធរណ៍។

គ.តុលាការឧទ្ធរណ៍

  • វិសាលភាពៈ លាតសន្ធឹងលើផ្ទៃប្រទេសទាំងមូល
  • សមត្តកិច្ចៈ

     ១.ជំនុំជម្រះក្តីឡើងវិញ មិនបន្ថែមទម្ងន់ទោសទោលើជនជាប់ចោទឡើយ។
     ២.ជំនុំជម្រះតែក្នុងករណីមានបណ្តឹងឧទ្ធរណ៍មិនសុខចិត្ត និងសាលក្រមជំនុំជម្រះក្តីជាប់ទាប។
     ៣.ចេញសាលដីកា

ឃ.តុលាការកំពូល

  • វិសាលភាពៈ លាតសន្ធឹងលើផ្ទៃប្រទេសទាំងមូល
  • សមត្តកិច្ចៈ

     ១.ជំនុំជម្រះតែក្នុងករណីមានបណ្តឹងសារទុក្ខមិនសុខចិត្ត និងសាលដីការសាលាឧទ្ធរណ៍។
     ២.ជំនុំជម្រះតែអង្គច្បាប់ មិនជំនុំជម្រះលើអង្គហេតុទេ លើកលែងតែក្នុងករណីមានបណ្តឹងសារទុក្ខលើកទី២ និងករណីមួយចំនួនដែលកំណត់ក្នុងច្បាប់។
     ៣.មានពីរផ្នែកគឺៈ

     - ផ្នែករដ្ឋប្បវេណី និងសង្គមកិច្ចៈ ដោះស្រាយទំនាស់រដ្ឋប្បវេណី បញ្ហាអាពាហ៍ពិពាហ៍ និងគ្រួសារ និងទំនាស់ការងារពាណិជ្ជកម្ម

     - ផ្នែកព្រហ្មទណ្ឌៈ ដោះស្រាយតែបញ្ហាព្រហ្មទណ្ឌប៉ុណ្ណោះ។

user icon
សីលធម៌
នៅ 2018-05-22
សួរអំពី៖ស្ថាប័នតុលាការ

ស្ថាប័នតុលាការជាអ្វី? មាននាទីដូចម្តេចខ្លះ?

3339 1 comments:0 0
ចម្លើយពី សីលធម៌
  • ស្ថាប័នតុលាការ ជាស្ថាប័នមួយមានអំណាចឯករាជ្យហើយមានតួនាទីការពារសេរីភាពរបស់ប្រជាពលរដ្ឋ។
  • តួនាទីរបស់តុលាការ គឺការពារសិទ្ធិសេរីភាពជួនដល់ប្រជាពលរដ្ឋគ្រប់ស្រទាប់វណ្ណៈ។ សម្រេចសេចក្តីដោយឆន្ទានុសិទ្ធិរបស់តុលាការ ដោយមិនស្ថិតនៅក្រោមឥទ្ធិពលរបស់បុគ្គលណាមួយ ឬក្រុមណាមួយឡើង។ តុលាការកាត់ត្តីដោយឈរលើភាពមិនលំអៀង មិននិយមបក្សពួក។ តុលាការមានសមត្ថកិច្ច ឬអំណាចគ្រប់ដណ្តប់លើរឿងក្តីទាំងអស់ រួមទាំងរឿងក្រីរដ្ឋបាលផង។
user icon
សីលធម៌
នៅ 2018-05-22
សួរអំពី៖មុខងារ ក្រុមប្រឹក្សា

តើមុខងារសំខាន់ៗរបស់ក្រុមប្រឹក្សាឃុំ សង្កាត់មានអ្វីខ្លះ?

885 1 comments:0 0
ចម្លើយពី សីលធម៌

មុខងារសំខាន់ៗរបស់ក្រុមប្រឹក្សាឃុំ សង្កាត់គឺត្រូវធ្វើការបោះឆ្នោតអនុម័ត ដោយសំឡេងភាគច្រើនដាច់ខាតនៃសមាជិកក្រុមប្រឹក្សាទាំងមូល ដើម្បីសម្រេចបញ្ហាណាមួយដូចខាងក្រោម៖

  • គម្រោងផែនការអភិវឌ្ឃឃុំ​ សង្កាត់
  • គម្រោងថវិកាឃុំ សង្កាត់
  • កំណត់តម្លៃសារពើពន្ធមូលដ្ឋាន និងមិនមែនសារពើពន្ធមូលដ្ឋាន និងកម្រៃផ្សេងៗ។
  • បទបញ្ជាផ្ទៃក្នុង និងដីការឃុំ សង្កាត់
  • កិច្ចការផ្សេងៗទៀតដែលកំណត់ដោយរដ្ឋមន្រ្តីក្រសួងមហាផ្ទៃ។

ដើម្បីសម្របសម្រួលនិងគាំទ្រដល់ដំណើរការនៃកំណែទម្រង់វិមជ្ឃការ និងវិសហមជ្ឃការនាំឱ្យមានប្រសិទ្ធភាព តើរដ្ឋាភិបាលត្រូវមានវិធានការដូចម្តេចខ្លះ?

342 1 comments:0 0
ចម្លើយពី សីលធម៌

រដ្ឋាភិបាលត្រូវមានវិធានការដូចតទៅ៖

  • រៀបចំកម្មវិធីជាតិមួយក្នុងកំណែទម្រង់វិមជ្ឃការ និងវិសហមជ្ឃការ
  • រៀបចំឡើងវិញនូវរចនាសម្ព័ន្ធគ្រប់គ្រងនៅរដ្ឋបាលមូលដ្ឋាន
  • បន្តពង្រឹងប្រព័ន្ធគ្រប់គ្រងនាពេលបច្ចុប្បន្នរបស់ក្រុមនីមួយៗ។
user icon
សីលធម៌
នៅ 2018-05-22
សួរអំពី៖វិមជ្ឃការ វិស័យ

តើវិមជ្ឃការឃុំ សង្កាត់មានអំណាចលើវិស័យអ្វីខ្លះ?

632 1 comments:0 0
ចម្លើយពី សីលធម៌

វិមជ្ឃការឃុំ សង្កាត់មានអំណាចដូចជា៖

  • ការអនុម័តលើគម្រោងផែនការអភិវឌ្ឃឃុំ សង្កាត់
  • ការអនុម័តលើថវិការឃុំ សង្កាត់
  • ការកំណត់តម្លៃលើសារពើពន្ធមូលដ្ឋាន និងកម្រៃសេវាផ្សេងៗ
  • ការអនុម័តបទបញ្ជាផ្ទៃក្នុង និងដីការឃុំ សង្កាត់
  • កិច្ចការផ្សេងៗទៀតដែលកំណត់ដោយក្រសួងមហាផ្ទៃ។
×

×

One more step

Please login to share your idea

Register Login