Ask
Websites Login
user icon
Scholarships
នៅ 2019-01-10

Brunei Darussalam Scholarship on Enhancing Professional Communication Skills for ASEAN 209


UBD-FPT Global Center

Vietnam

Short Course

Deadline: 2019-01-18

345 0 0
user icon
Scholarships
នៅ 2019-01-10

Teacher training students in Japan 2019


University in Japan

Japan

Exchange Program

Deadline: 2019-01-29

117 0 0
user icon
Scholarships
នៅ 2019-01-03

Scholarship 2019 - 2020 Shaanxi Normal University for International Student


Shaanxi Normal University

China

Master/Doctor or PhD

Deadline: 2019-04-10

125 0 1
user icon
Scholarships
នៅ 2018-12-27

HKBU Full Scholarship for International Scholarship in Hong Kong, 2019


Hong Kong Baptist University

Hong Kong

Master

Deadline: 2019-05-31

106 0 0
user icon
Scholarships
នៅ 2018-12-27

The UCSI University Trust Graduate Scholarship 2019 for International Student


UCSI University

Malaysia

Master/Doctor or PhD

Deadline: 2019-03-22

79 0 0

តាមទ្រឹស្តីបដិច្ចសមុប្បាទបានពន្យល់ថា មនុស្សកើតស្លាប់ ក្នុងវាលវដ្តសង្សារ ដោយអវិជ្ជា ។ ចូរពន្យល់ន័យអវិជ្ជាតាមពុទ្ធសាសនា ។

ចម្លើយពី ចំណេះដឹងទូទៅ

តាមទ្រឺស្តីបដិស​ច្ចសមុប្បាទ បានព​ន្យល់​ថា មនុស្សកើតស្លាប់ ក្នុង​វាលវដ្តសង្សារដោយអវិជ្ជា ជាប្រភពធំបំ​ផុត ។

 អវិជ្ជា តាមន័យធ​ម្មតាពន្យល់ថា គ្មានពុទ្ធិ គ្មានចំណេះដឹង ។ តែតាមទស្ស​នៈព្រះពុទ្ធសាសនាពន្យល់ថា អវិជ្ជាសំ​ដៅលើ​ការដែលនៅមានតណ្តា លោកៈ ទោសៈ មោឃៈ ។ ប្រសិនបើមានចំណេះ​​ដឹង និង​មានសញ្ញាបត្រធំប៉ុនណាក៏ដោយ តែ​បើនៅមានតណ្តា លោកៈ ទោសៈ ...គឺនៅតែស្ថិ​តនៅក្នុងភាពអវិជ្ជា ។

ទានបារមីរបស់ព្រះវេស្សន្តបានញុំាងឱ្យផែនដីកក្រើកចំនួន៦លើក តើនៅពេលណាខ្លះ ?

ចម្លើយពី ចំណេះដឹងទូទៅ

ទានបារមីរបស់ព្រះវេស្សន្តបោនញុំាងឱ្យផែនដីកក្រើកចំនួន៦លើក គឺនៅពេលព្រះអង្គ

  • ប្រកាសបរិច្ចាកអជ្ឍកិ្តកទាន (ទានខាងក្នុង)
  • ព្រះអង្គបរិច្ចាកចេញផុតពីរាជរាំង
  • ព្រះអង្គធ្វើភរិយាបរិច្ចាក
  • ព្រះអង្គបរិច្ចាកសត្តសតកមហាទាន ។

តើកូនប្រុសកូនស្រីត្រូវមានវិន័យ និងឥរិយាបថដូចម្តេចខ្លះ ក្នុងគ្រួសារ ?

ចម្លើយពី ចំណេះដឹងទូទៅ

នៅក្នុងគ្រួសារកូនប្រុសស្រីត្រូវមានវិន័យ និងឥរិយាបថដូចតទៅ ៖

  • គោរពស្តាប់ដំបូន្មាន មាតាបិតា
  • កតញ្ញូកតវេទី ចំពោះអ្នកមានគុណ
  • ជួយសម្រាលបន្ទុកការងារមាតាបិតា
  • ស្រឡាញ់បងប្អូន មានសាមគ្គីភាពផ្ទៃក្នុងល្អ
  • ចេះជួយទុក្ខធុរៈក្នុងគ្រួសារ
  • ថែរក្សាសុខភាព និងបរិស្ថានភាពគ្រួសារ
  • រក្សាវង្សត្រកូល និងកិត្តិយសគ្រួសារ
  • មានសម្តី កាយវិការទន់ភ្លន់ សុភាពរាបសារ និងអំណត់អត់ធ្មត់
  • គោរពពេលវេលានិងវិន័យក្នុងគ្រួសារ មិនភូតកុហក
  • ជួយរក្សាទ្រព្យសម្បត្តិ​សន្សំសំចៃ មិនខ្ជះខ្ជាយ ។

ដូចម្តេចដែលហៅថា អរិយធម៌សច្ចៈ ៤ ?

ចម្លើយពី ចំណេះដឹងទូទៅ

ក្រោយពេលបានសំរេចសម្មាធិញ្ញាណ ព្រះពុទ្ធអង្គបានរកនូវសច្ចធម៌ ៤ ប្រការ ​ដែលហៅថា អរិធម៌សច្ចបួន រឺ ​ហៅថា ចតុរារិសច្ចៈ ដែលជា​សច្ចៈដ៏​ប្រសើរខ្ពង់ខ្ពស់ រឺសេចក្តីពិ​តដ៏ប្រ​សើរ ។

+ ទុក្ធសច្ចៈ គឺ ​ទុ​ក្ធជាសេចក្តីពិតដែលកើ់ត ​មានដល់រូបរាងកាយមនុស្សសត្វគ្រ​ប់រូ​ប ​។​

+ ​សមុទយសច្ជៈ គឺហេតុដែលនាំអោយកើតទុក្ខ ជាសេចក្តីពិតបានដល់តណ្តាបីប្រការគឺ កាមតណ្តា ភវតណ្កា ​និងវិភតណ្ណា ។

+ មគ្គសច្ចៈ គឺ ជាមាគ៌ានាំអោយផុតទុក្ខ នាំអោយអស់ទុក្ខជាការពិត ។

+ និរោធសច្ចៈ គឺការរ​​លត់ទុក្ខ រួចចាកទុក្ខជា សេចក្តីពិត ​។

សង្គមខ្មែរបុរាណដែលមិនទាន់មានសាលារៀនចំពោះទូទៅ ។ តើដូនតាយើងអប់រំកូនតាមរបៀបណាខ្លះ ? ចូររៀបរាប់ពន្យល់ ។

ចម្លើយពី ចំណេះដឹងទូទៅ

សង្គមខ្មែរបុរាណមានប្រពៃណីអប់រំកូនកូនប្រុសតាមរយៈការបួសរៀននិងអប់រំកូនស្រីតាមរយៈការចូលម្លប់ ។

ក. ការបួសរៀន

  • ក្មេងប្រុសដឹងក្តីត្រូវបានបញ្ជូនឱ្យទៅបម្រើព្រះសង្ឃ ឬក្មេងប្រុស ពេញវ័យត្រូវបានបញ្ជូនឱ្យរៀនធម៌បួស ។
  • ស្របពេលបម្រើព្រះសង្ឃ ក្មេងប្រុសត្រូវបានព្រះសង្ឃបង្រៀនអក្សរលេខនព្វន្ត និងបង្រៀនសូត្រធម៌ផង ។ ចំពោះក្មេងប្រុសពេញវ័យត្រូវរៀនធម៌បួសផង និងរៀនអក្សរលេខនព្វន្តផងដំណាលគ្នា ។ ផ្អែកលើផ្នត់គំតិន (បួសដើម្បីសងគុណមាតាបិតា) ទាំងក្មេងប្រុសតូចៗដែលនោបម្រើព្រះសង្ឃ ទាំងក្មេងប្រុសពេញវ័យ ។ ដល់ដំណាក់កាលមួយកំណត់ត្រូវសាងផ្នួសដែលយ៉ាងតិចមួយវស្សាដែរ ។
  • ការបួសរៀន គឺជាការទទួលការអប់រំផ្លូវចិត្ត អប់រំអារម្មណ៍មួយដ៏មានប្រសិទ្ធភាព ដែលសង្គមខ្មែរបុរាណទទួលស្គាល់ ជាទូទៅបន្ថែមលើការអប់រំផ្នែកចំនេះដឹងទូទៅ ចំណេះ ជំនាញ ការអប់រំសុខភាព ។
  • ក្មេងប្រុសដែលធ្លាប់បានបួសរៀន ជាទូទៅតែងតែមានឧត្តមគតិមានវិចារណញ្ញាណចេះគ្រប់គ្រងខ្លួនឯង និងគ្រប់គ្រងគ្រួសារបានល្អ ។

ខ. ការចូលម្លប់

  • ពេលក្មេងស្រីចាប់ផ្តើមគ្រប់ការ (ពេញក្រមុំ) ត្រូវម្តាយឪពុកប្រារព្ធពិធីចូលម្លប់
  • ផ្អែកលើផ្នត់គំនិត (ចូលម្លប់ដើម្បីសងគុណមាតាបិតា) ការចូលម្លប់គឺជាកាតព្វកិច្ចរបស់កូនស្រីដែលអាចមានថេរវេលា​៣ ខែ ឬ ៦ខែ ឬ៩ខែ អាស្រ័យទៅលើស្ថានភាពជីវភាពគ្រួសារ
  • ពេលចូលម្លប់កូនស្រីបានរៀនអក្សរ លេខនព្វន្តច្បាប់ផ្សេងៗពីម្តាយឬម្តាយធំ មីង ឬបងស្រី​
  • រៀនរៀបចំខ្លួនធ្វើជាមេផ្ទះ ក្រមសីលធម៌ ជាភរិយាល្អ ចេះមើលការខុសត្រូវក្នុងគ្រួសារ ការរៀបចំទុកដាក់ទ្រព្យសម្បត្តិជាដើម
  • រៀនវិជ្ជាជីវៈដាំស្ល ដេរប៉ាក់ ចាក់ជុល ត្បាញរវៃ ។

ចូរបង្ហាញពីទស្សនៈកម្មផលរបស់ព្រះពុទ្ធសាសនា ?

ចម្លើយពី ចំណេះដឹងទូទៅ ទស្សនៈកម្មផលនៃពុទ្ធលទ្ធិ មានទំនាក់ទំនងទៅនិងការវិលកើតស្លាប់របស់មនុស្សសត្វ ។ ទស្សនៈពុទ្ធនិយម បានពន្យល់ថា មនុស្សសត្វទាំងឡាយ រមែងវិលកើតស្លាប់មិនចេះរស់ មិនចេះហើយ ដែលបណ្តោយមកពីកម្មផលដែលជាថាមពល រឺ តំហយនៃជីវិតចាស់ ដែលជះឥទ្ធិពលដល់ជីវិតថ្មីទៀត ។ ពាក្យកម្មមានន័យថាអំពី សកម្មភាព រឺ ការងារ កិច្ចការ ដែលមនុស្សម្នាក់៣ៗ បានធ្វើដោយកាយ វាចា ចិត្ត ។ តាមកម្មជាកម្មដែលមនុស្សបានធ្វើមាន៣យ៉ាង ៖ + កុសលកម្ម គឺ អំពើជាកុសល + អកុសលកម្ម គឺ ជាអំពើជាអកុសល + អព្យាកតកម្ម គឺ អំពើជាអព្យាក្រឹត្យ ។ ឯពាក្យថាផល គឺជាផ្កែផ្កា ដែលលេចចេញមកអំពើកម្ម ។ ពោលគឺកម្មល្អ បានផលល្អ កម្មអាក្រក់ បានអាក្រក់ ។ អ្នកដែលបានធ្វើកម្ម ត្រូវតែទទួលយកជានិច្ច ហើយអកុសលកម្មពុំអាចលុបលាង និង សងដោយកុសលកម្មបានឡើយ ។

ដើម្បីសំរេចបរមសុខ តើមនុស្សត្រូវដើរតាមមាគ៌ា ណា ?

ចម្លើយពី ចំណេះដឹងទូទៅ

​​ដើ​ម្បីសំរេចបរមសុខ មនុស្សត្រូវដើរតាមមាគ៌ា​មជ្ឈឹម​បដិបទា ៨ ​ប្រ​ការ ៖

+ សម្មាទិដ្ឋិ យល់ក្នុងផ្លូ​វត្រូវ យល់ត្រូវ ។

+ ​សម្មាសង្កប្បៈ ត្រិះរិះក្នុងផ្លូវត្រូវ ត្រិះរិះត្រូវ ។

+  ​សម្មាវាចា ​​និយាយក្នុងផ្លូវត្រូវ និយាយត្រូ​វ​ ។

+ សម្មាកម្មន្ត ប្រក​បការងារក្នុងផ្លូ​វត្រូវ ការងារត្រូវ

+ សម្មាអាជីវៈ ចិញ្ចឹមជិ​វិតក្នុងផ្លូវត្រូវ ចិញ្ចឹមជិវិត​ត្រូវ ។

+ ​សម្មាវាយាម ព្យាយាមក្នុងផ្លូវត្រូវ

+ សម្មាសតិ ភ្ងាក់រេលឹកក្នុងផ្លូវត្រូវ រំលឹកត្រូវ

+ សម្មាសម្មាធិ តំកល់ចិត្តក្នុងផ្លូវត្រូវ តំកល់ត្រូវដែលរួមបានដល់សីលសមាធិបញ្ញា ​។​

តើវត្តអារាមពុទ្ធសាសនាមាននាទីចំពោះការអភិវឌ្ឍសហគមន៍ដូចម្តេចខ្លះ ? ឬអាចសួរថា តើវត្តអារាមកមានតួនាទីអ្វីខ្លះ ក្នុងផ្នែកអប់រំ និងផ្នែកសង្គម ?

ចម្លើយពី ចំណេះដឹងទូទៅ

វត្តអារាមពុទ្ធសាសនាមាននាទីអភិវឌ្ឍសហគមន៍តាំងពីអតីតកាលរហូតដល់បច្ចុប្បន្ន មានដូចជា ៖

ក. ផ្នែកអប់រំ

  • ជាកន្លែងប្រៀនប្រដៅអ្នកស្រុកដែលជាពុទ្ធបរិស័ទ
  • អប់រំមនុស្សឱ្យប្រព្រឹត្តតែអំពើល្អ
  • ជាថ្នាលបណ្តុះនូវចំណេះដឹង និងជំនាញវិជ្ជាជីវៈផ្សេងៗ
  • ផ្តល់ជាកន្លែងស្ងប់ស្ងាត់រំងាប់ចិត្ត
  • ឃ្លាំងចំណេះដឹង ជាបណ្ណាល័យ ជាសារមន្ទីរវប្បធម៌អក្សសាស្រ្តជាតិ ។

ខ. ផ្នែកវប្បធម៌

  • រក្សា និងផ្ទុកនូវសម្បត្តិវប្បធម៌របស់ជាតិ
  • ជាកន្លែងរក្សានូវមរតកវប្បធម៌ ប្រពៃណី និងទំនៀមទំម្លាប់ជាតិ
  • កន្លែងបណ្តុះសីលធម៌ គុណធម៌ និងបណ្តុះពូជនៃបុណ្យកុសល
  • កន្លែងពឹងពាក់នៃអ្នកភ័យខ្លាចនឹងសេចក្តីស្លាប់ ស្អប់ខ្ពើមអំពើបាបនិងអ្នកចង់កសាងអំពើល្អ
  • ជាកន្លែងសក្តិសិទ្ធិ ជាទីសក្ការៈបូជា
  • ជាកន្លែងធ្វើបុណ្យទានផ្សេងៗដូចជា បុណ្យកឋិន បុណ្យភ្ជុំបិណ្ឌបុណ្យមាឃបូជា បុណ្យចូលឆ្នាំ
  • ជាការប្រមូលផ្តុំសាមគ្គីភាពនិងកិច្ចសហប្រតិបត្តិការយ៉ាងស្អិតរមួត ។

គ. ផ្នែកសង្គមកិច្ច និងសុខាភិបាល

  • ជាកន្លែងជួយសង្រ្គោះអ្នកស្រុក (កុមារកំព្រា កុមារក្រីក្រ ចាស់ជរាគ្មានទីពឹង)
  • ជាកន្លែងពឹងពាក់នៃអ្នកភ័យខ្លាច អ្នកក្រខ្សត់
  • ជាមណ្ឌលព្យាបាលជំងឺផ្លូវចិត្ត អភិវឌ្ឍផ្លូវចិត្ត ឬសមាធិ
  • កន្លែងស្ងប់រំងាប់ចិត្តឱ្យផុតកង្វល់ក្នុងជីវិត
  • ជារណ្តៅកប់ចោលទំនាស់ ជម្លោះ និងជាកន្លែងដែលមនុស្សទាំងអស់មានភាពស្មើគ្នា
  • ជាឧទ្យានដ៏ជាទីមនោរម្យ ជារមណីយដ្ឋាន ជាកន្លែងសន្តិភាព
  • ជាប្រភពនៃការកសាងហេដ្ឋារចនាសម្ព័ន្ធ (ផ្លូវ ប្ររឡាយ ទំនប់ ស្ពាន សាលារៀន មន្ទីរពេទ្យ អណ្តូងទឹក )
  • ជាកន្លែងរកយុត្តិធម៌ជូនអ្នកស្រុកក្រៅប្រព័ន្ធតុលាការ ។

ឃ. ផ្នែកសេដ្ឋកិច្ច បរិស្ថាន

  • បណ្តុះវិជ្ជាជីវៈដល់និសិត្ស ក្មេងវត្តឱ្យចេះរកប្រាក់តាមរយៈចំណេះដឹងរបស់ពួកគេ (ធ្វើតុទូ កៅអី)
  • ជួយថែរក្សា និងដាំកូនឈើ (បំបួសដើមឈើ) ។

តើខេត្តណាខ្លះដែលមានទីតាំងស្ថិតនៅជាប់នឹងតំបន់សមុទ្រ ? តើខេត្តទាំងនោះមានភោគទ្រព្យធម្មជាតិអ្វីខ្លះដែលទាក់ទាញភ្ញៀងវទេសចរសំខាន់ជាងគេ ?

ចម្លើយពី ចំណេះដឹងទូទៅ

ខេត្តដែលមានទីតាំងស្ថិតនៅជាប់ និងតំបន់មាត់សមុទ្រមានខេត្តកែបកំពត កោះកុង និងព្រះសីហនុ ។ ខេត្តទាំងនោះមានភោគទ្រព្យ ទេសចរណ៍ធម្មជាតិទាក់ទាញភ្ញៀវទេសចរណ៍សំខាន់ៗជាងគេគឺ ឆ្នេរសមុទ្រខ្យល់អាកាសបរិសុទ្ធ ព្រៃភ្នំ ព្រៃកោងកាង ទឹកធ្លាក់ ។

ចូរបង្ហាញពីត្រៃលក្ខណ៍តាមទស្សនៈនៃពុទ្ធនិយម ?

ចម្លើយពី ចំណេះដឹងទូទៅ

ត្រៃលក្ខណ៍ រឺ គេហៅថាលក្ខណៈបីយ៉ាងនៃ ធម្មជាតិ ។ ទស្សនៈនៃពុទ្ធលទ្ធិបានអាងថា មនុស្សសត្វក្តី ធម្មជាតិក្តី លោកៈក្តី ..​សុទ្ធតែស្ថិត នៅក្នុងលក្ខណៈ ៣យ៉ាងគឺ ៖

+ អនិច្ចំ ប្រែថាមិនទៀងទាត់ មិនស្ថិតស្ថេរ ​។

+ ទុក្ខំ ជាទុក្ខលំបាកវេទនាពិបាកនិងទ្រាំទ្រ ។

+ អនត្តា​ ពុំស្តាប់បង្គាប់ មិនមែនជារបស់ខ្លួន ។

×

×

One more step

Please login to share your idea

Register Login