ចំណុចចាប់ផ្តើមនៃភាពជោគជ័យ

ការកសាងកម្លាំងជំរុញចិត្តគឺជាកម្លាំងមួយដែលញ៉ាំងឳ្យមនុស្សជាច្រើនទទួលបានជោគជ័យ។ ទស្សនៈគតិក៏ដូចគ្នាដែរ បើយើងយកវាមកច្នៃប្រើប្រាស់ក្នុងការរស់នៅ គិតពីរឿងពិបាកឳ្យទៅជារឿងងាយនិងមើលពិភពលោកក្នុងផ្លូវល្អនោះ គ្រាន់តែប៉ុណ្ណោះជីវិតរបស់យើងក៏នឹងមានសេចក្តីសុខ និងអាចទទួលបានជោគជ័យហើយ។

ភាពជោគជ័យទទួលបានមកពីការជឿជាក់លើខ្លួនឯងនិងមនុស្សគ្រប់គ្នា ការសាងនិស្ស័យប្រៀបដូចជាការសាបព្រោះគ្រាប់ពូជដែរ កាន់តែសាបព្រោះច្រើនប៉ុនណា កាន់តែទទួលផលច្រើនប៉ុណ្ណោះដែរ។ ដូចគ្នានេះដែរ បើយើងបញ្ចូលនូវរឿងល្អៗទៅក្នុងជិវិតនោះ មិនថាធ្វើអ្វី ឬគិតអ្វីទេ រឿងដែលល្អៗនឹងកើតឡើងជាមិនខាន។