ធ្វើដូចម្ដេចទើបអ្នកក្លាយជាអ្នកជំនាញអានសៀវភៅ?

ការអានសៀវភៅគឺជាការនាំអ្នកទៅរកពិភពមួយថ្មី ដែលអ្នកមិនធ្លាប់បានដឹង មិនធ្លាប់បានលឺ​ និងមិនធ្លាប់ឃើញ។ អ្នកខ្លះអានសៀវភៅដើម្បីតែការកំសាន្ត ចង់ចេះចង់ដឹងពីអ្វីមួយ រឺដើម្បីស្រាវជ្រាវក្នុងការធ្វើកិច្ចការសាលា។ តែអត្ថន័យពិតប្រាកដនៃការអានសៀវភៅអាចមានលើសពីនេះ គឺអាស្រ័យថាអ្នកអាចទាញយកផលប្រយោជន៍ពីវាបានកំរឹតណា។ ជាបទពិសោធន៍របស់ខ្ញុំ ការអានសៀវភៅអាចធ្វើឲ្យខ្ញុំ ហ៊ាននិយាយ ហ៊ានធ្វើ ហានបញ្ចេញមតិ និងចេះត្រិះពិចារណាបានសុីជម្រៅ។ សម្រាប់ផលវិបាកនៃការអានសៀវភៅចំពោះមនុស្សទូទៅគឺ អានសៀវភៅដែលមានប្រយោជន៍មិនយល់ ហើយក៏បោះបង់ការអានសៀវភៅ។ សម្រាប់ខ្ញុំ សៀវភៅដែលខ្ញុំអានមិនយល់ ខ្ញុំអានអានចាប់ពី ពីរទៅបីដង​ហើយខ្ញុំព្យាយាមអានសៀវភៅដែលមានអត្ថន័យស្រាលៗជាមុនសិន និងព្យាយាមស្វែងយល់ពាក្យគន្លឹះដែលមាននៅក្នុងសៀវភៅនោះ។ ម្យ៉ាងទៀតខ្ញុំក៏ស្វែងរកឯកសារយោងផ្សេងដែលទាក់ទងនឹងសៀវភៅនោះផងដែរ។

សៀវភៅពិបាកយល់តែមានផលប្រយោជន៍មានដូចជា សៀវភៅវិទ្យាសាស្ត្រ ទស្សនៈវិជ្ជា ជំនួញ របកគំហើញ និងសម្រង់ពាក្យសម្ដីរបស់អ្នកប្រាជ្ជនិងអ្នកជោគជ័យជំវិញពិភពលោក។