វិញ្ញាសាវប្បធម៌ទូទៅត្រៀមប្រឡងក្របខណ្ឌផ្ទៃក្នុងនិងសិស្សពូកែ (វិញ្ញាសាទី៦)

សំណួរ

១. ប្រសិនបើមាននរណាម្នាក់ បង្ខំឱ្យអ្នកប្រើគ្រឿងញៀន តើអ្នកត្រូវមានវិធីបដិសេធដូចម្តេច ?

២. តើជនដែលប្រព្រឹត្តគ្រឿងញៀន និងត្រូវមានទោសដូចម្តេចខ្លះ ?

៣. តើមានវិធីណាខ្លះ ដើម្បីចៀសវាងគ្រឿងញៀន ?

ចម្លើយ

១. ប្រសិនបើមាននរណាម្នាក់បង្ខំឱ្យអ្នកប្រើគ្រឿងញៀនយើងត្រូវមានវិធីបដិសេធដោយនិយាយថា ៖

• សុំទោស ! ខ្ញុំមានជម្ងឺ
• សុំទោស ! ខ្ញុំប្រញាប់ណាស់
• សុំទោស ! ខ្ញុំតមចំណី
• ទេ ! ខ្ញុំអរគុណច្រើនណាស់ ខ្ញុំមិនអាចទេ ។​

២. ជនដែលប្រព្រឹត្តគ្រឿងញៀន និងត្រូវមានទោសដាក់ពន្ធដាគារពី ១ឆ្នាំដល់៥ឆ្នាំចំពោះ ៖

ក. ជនណាដែលសម្រួលដោយចេតនាឱ្យជនណាម្នាក់ប្រើប្រាស់គ្រឿងញៀនដោយខុសច្បាប់ដែលបណ្តាលឱ្យមានគ្រោះថ្នាក់ធ្ងន់ធ្ងរ ទោះយកថ្ងៃក្តី មិនយកថ្លៃក្តី ។

ខ. ជនណាដែលលួចដាក់គ្រឿងញៀនដែលបណ្តាលឱ្យមានគ្រោះថ្នាក់ធ្ងន់ធ្ងរ ក្នុងអាហារ ក្នុងភេសជ្ជៈ ឬក្នុងសម្ភារៈផ្សេងៗទៀតដោយមិនឱ្យអ្នកបរិភោគ ឬអ្នកប្រើប្រាស់ដឹង ។ ក្រៅពីទោសដាក់ពន្ធនាគារ ជនល្មើសអាចទទួលបន្ថែមនៅទោសពិន័យជាប្រាក់ពី ៥លានរៀលទៅដល់ ១០ លានរៀល ។ ជនណាប្រព្រឹត្តដោយចេតនាទាក់ទងនឹងការនាំចេញការនាំចូល ការដឹកជញ្ជូនអន្តរជាតិនូវគ្រឿងញៀនដែលបណ្តាលឱ្យមានគ្រោះថ្នាក់ធ្ងន់ធ្ងរ ត្រូវផ្តន្តាទោសពី ១០ ទៅ២០ ឆ្នាំ និងផ្តន្ទាទោសពិន័យជាប្រាក់ពី ១០លាន រៀល ដល់ ៥០ លានរៀល (ច្បាប់ស្តីពីការត្រួតពិនិត្យគ្រឿងញៀន ឆ្នាំ ១៩៩៦) ។

៣. វិធីសំខាន់ៗក្នុងការចៀសវាងគ្រឿងញៀនមាន ៖

• កុំសាកល្បងប្រើប្រាស់គ្រឿងញៀន សូម្បីតែម្តងក៏កុំប្រើដែរ ?
• មិនត្រូវជឿតាមការញុះញង់របស់ឈ្នួញលក់គ្រឿងញៀនឬអ្នកញៀនគ្រឿងញៀនឡើយ
• បើមានគេបបួល អ្នកត្រូវនិយាយពាក្យ “ទេ” យ៉ាងជាក់ច្បាស់
• បដិសេធដោយមិនប្រព្រឹត្តគ្រឿងញៀនជាដាច់ខាត
• មិនសេបគប់ជាមួយអ្នកញៀនគ្រឿងញៀន
• ផ្តល់ព័ត៌មានដល់អាជ្ញាធរមានសមត្ថកិច្ច នៅពេលឃើញជនចែកចាយ ឬប្រើគ្រឿងញៀន ។