នៅក្នុងព្រះពុទ្ធសាសនា ពុំបានណែនាំឱ្យជឿនូវជំនឿឥតសមហេតុផលទេ ។ ព្រះពុទ្ធទ្រង់បានទេសនាទុកនៅក្នុងកាលាមសូត្រមានសេចក្តីយ៉ាងដូចម្តេចខ្លះ ?

ព្រះពុទ្ធទ្រង់បានទេសនាក្នុងកាលាមសូត្រ ដែលមានសេចក្តីថា ៖

• អនុស្សវា ៖ កុំប្រកាន់ជឿអ្វីដែលឮតៗគ្នាមិនមានហេតុផល ។
• បរម្បរា ៖ កុំប្រកាន់ជឿអ្វីដែលគេធ្វើមកតៗគ្នា ។
• ឥតិកិរ ៖ កុំប្រកាន់ជឿអ្វីដោយអាងថាបានឮគេនិយាយមក ។
• បិដកសម្បទាន ៖ កុំប្រកាន់ជឿតាមក្បួនរបស់ខ្លួន ។
• នយហេតុ ៖ កុំប្រកាន់ជឿដោយអាងហេតុនិងស្មានយក ។
• តក្កហេតុ ៖ កុំប្រកាន់ជឿដោយអាងលើការគ្នេរគ្នាន់កាត់តម្រូវ ។
• អាការបិរិវិតក្ក ៖ កុំប្រកាន់ជឿដោយអាងលើការលើការត្រិះរិះតាមអាការៈដែលបានឃើញ ។
• ទិដ្ឋិនិជ្ឈានក្ខន្ត ៖ កុំប្រកាន់ជឿដោយអាងថាខ្លួនពេញចិត្ត ។
• ភព្វរូបតា ៖ កុំប្រកាន់ជឿថាអ្នកនេះជាបញ្ញាវន្តល្មមជឿតាមបាន ។
• សមណោ នោ គរុ ៖ កុំប្រកាន់ជឿដោយអាងថាសមណៈនេះជាគ្រូរបស់អញ ។