សំណួរ
១. តើប្រដាប់លូតលាស់របស់រុក្ខជាតិ មានអ្វីខ្លះ ?
២. តើឫសរុក្ខជាតិមាននាទីធ្វើអ្វីខ្លះ ?
៣. តើឫសរុក្ខជាតិមានប៉ុន្មានប្រភេទ ? អ្វីខ្លះ ?
៤. តើដើមរបស់រុក្ខជាតិមានចែកចេញជាប៉ុន្មានប្រភេទ ? អ្វីខ្លះ ?
៥. តើស្លឹករុក្ខជាតិមានប៉ុន្មានប្រភេទ ? អ្វីខ្លះ ?
ចម្លើយ
១. ប្រដាប់លូតលាស់របស់រុក្ខជាតិរួមមាន ៖
២. ឫសរុក្ខជាតិមាននាទីដូចទៅ ៖
- នាទីទ្រទ្រង់ ៖ ភ្ជាប់ដើមទៅនឹងស្លឹក
- នាទីស្រូប ៖ ស្រូបទឹកនិងអំបិលខនិជរលាយពីក្នុងដី
- នាទីដឹកនាំ ៖ ដឹកនាំទឹកនិងអំបិលខនិជទៅដើម
- នាទីផ្ទុកអាហារបម្រុង ៖ ផ្ទុកអាហារចិញ្ចឹម ។
៣. ឫសរុក្ខជាតិមានពីរប្រភេទរួមមាន ៖
- ឫសស្នឹង រួមមានឫសកែវនិងឫសរយោង ។ ភាគច្រើនមាននៅលើរុក្ខជាតិឌីកូទីលេដូន ។ ឧទាហរណ៍ ៖ ដើមសណ្តែក ។
- ឫសស្ញែ ៖ គឺជាឫសគ្មានឫសកែវ ហើយភាគច្រើនស្ញែមាននៅលើរុក្ខជាតិម៉ូណូកូទីលេដូន ហើយឫសលូតលាស់ស្មើគ្នាទាំងអស់ ។ ឧទាហរណ៍ ៖ ស្មៅ ។
៤. ដើមរបស់រុក្ខជាតិមានចែកចេញជាបីបែបគឺ ៖
ក. ដើមលើដី
- ដងដើម ៖ លម្អដោយមែកសាខាដូចជាដើមពោធិ៍
- ដើមទោល ៖ រឹង ខ្ពស់ គ្មានមែក មានតែស្លឹកមួយកញ្ចំនៅខាងចុងដូចជាដើមដូង ស្លា
- ដើមបំពង់ ៖ ដើមនេះប្រហោងក្នុងនៅផ្នែកចន្លោះថ្នាំង ឯថ្នាំងវិញណែនហើយតាន់ ដូចយ៉ាងដើមស្រូវ ពោត ស្មៅ ឬស្សី
- ដើមវារ ៖ មានឬសព្រយោងដុះនៅតាមថ្នាំងនិងពន្លកមែន ហើយអាចឱ្យកំណើតជារុក្ខជាតិថ្មីដែលអាចរស់ដោយខ្លួនឯង កាលណាវាដាច់ចេញពីរុក្ខជាតិមេ ។ ឧទាហរណ៍ ៖ ដើមឪឡឹក ដំឡូងជ្វា
- ដើមតោង ៖ វារតោងលើជន្លង់ តោងទៅនឹងជញ្ជាំងឬដើមឈើផ្សេងទៀត ដោយឬសព្រយោងរបស់វា ។ ឧទាហរណ៍ ៖ ដើមម្រះ ដើមស្ពៅ ននោងវល្លិ៍ជន្លង់ ។
ខ. ដើមក្នុងដី
- មើម ៖ ជាដើមនៅក្នុងដីដែលមានផ្ទុកសារធាតុបម្រុង ជាឧទាហរណ៍ដើមដំឡូងបារាំង
- មើមស្រកាស្លឹក ៖ ជាប្រភេទដើមក្នុងដីដែលផ្សំឡើងដោយពន្លក មើម និងស្រកាស្លឹកយ៉ាងច្រើនព្រមជាមួយឬសស្ញែនៅពីក្រោម ដូចយ៉ាងរុក្ខជាតិខ្ទឹមបារាំង
- មើមក្តៀង ៖ ជាដើមក្នុងដីដែលមានថ្នាំង ចន្លោះថ្នាំងក្នុងស្រកាស្លឹក ហើយថ្នាំងនិងពន្លកមានឬសស្ញែតូចៗបុះពីក្រោមដី ពោលគឺប្រភេទខ្ញី ។
គ. ដើមក្នុងទឹក ៖ ដើមដុះកប់ក្នុងភក់ដែលមានទឹកលិច ។ ដើមប្រភេទនេះច្រើនក្រាស់ហើយទន់ មានរន្ធខ្យល់ ។ ឧទាហរណ៍ ៖ ក្តៀងឈូក ។
៥. ស្លឹករុក្ខជាតិមានពីរប្រភេទគឺ ៖
- ស្លឹកទោល ៖ តួស្លឹកមានបន្ទះតែមួយ ហើយក្នុងចំណោមស្លឹកទោលគេចែកជាស្លឹកពេញ ស្លឹកឆែក ស្លឹកធ្មេញ និងស្លឹកគន្លាក់ ។
- ស្លឹករួម ៖ តួស្លឹកមានបន្ទះជាច្រើនដែលមានរាងដូចស្លឹកតូចៗហៅថាកូនស្លឹក ។ គេចែកស្លឹករួមជាស្លឹកស្និត ស្លឹកកង្ហារ ។
