ហេតុអ្វីបានជាត្រូវមានអនុសញ្ញាស្តីពី”សិទ្ធិកុមារ” បន្ថែមទៅលើកតិកាសញ្ញា និងបន្ថែមលើសេចក្តីថ្លែងការណ៍ជាសាកល ?

បានជាត្រូវមានអនុសញ្ញាស្តីពី “សិទ្ធិកុមារ” បន្ថែមទៅលើកកតិកាសញ្ញា និងបន្ថែមលើសេចក្តីថ្លែងការណ៍ជាសាកលព្រោះ សេចក្តីថ្លែងការណ៍ជាសាកល គ្រាន់តែជាការសម្តែងឆន្ទៈរួមរបស់សហគមន៍ពិភពលោកតែប៉ុណ្ណោះ ពុំទាន់ក្លាយទៅជាឧបករណ៍ច្បាប់ទេ ។ ចំណែកឯកតិកាសញ្ញាគឺជាកម្រងច្បាប់គ្របដណ្តប់លើវិស័យធំៗ មិនទាន់លំអិតអោយបានសមស្របតាមជំពូកនីមួយៗទេ ។ ការបង្កើតអោយមានអនុសញ្ញាស្តីពីសិទ្ធិកុមារ គឺជាលក្ខខ័ណ្ឌចាំបាច់សម្រាប់ឆ្លើយតបទៅនឹងសេចក្តីត្រូវការរបស់កុមារ ដើម្បីអោយគេក្លាយទៅជាអនាគតពលរដ្ឋល្អ ។