វិញ្ញាសាប្រវត្តិវិទ្យា សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី៥)

សំណួរ

១. តើបទចម្រៀងជាតិនៃព្រះរាជាណាចក្រកម្ពុជាបច្ចុប្បន្នមានចំណងជើងដូចម្ដេច ? ជាស្នាព្រះហស្សរបស់នរណា ? ហើយនិពន្ធនៅថ្ងៃ ខែ ឆ្នាំណា ?

២. តើកម្ពុជាបាលចូលជាសមាជិកអាស៊ាននៅថ្ងៃ ខែ ឆ្នាំណា ?

៣. ចូរពណ៌នាពីអត្ថន័យនៃទង់អាស៊ាន ។

៤. ហេតុអ្វីបានជាគេតែងតាំងព្រះបាទនរោត្តមសីហនុជាព្រះប្រមុខរដ្ឋ ?

៥. ហេតុអ្វីបានជាគេចាត់ទុកថា ការបោះឆ្នោត​សភាថ្ងៃទី ១៨ ខែមីនា ឆ្នាំ ១៩៧០ ជាការធ្វើរដ្ឋប្រហារទម្លាប់ព្រះបាទនរោត្តមសីហនុ ?

ចម្លើយ

១. បទចម្រៀងជាតិនៃព្រះរាជាណាចក្រកម្ពុជាមានចំណងជើងថា “ បទនគររាជ “ ជាស្នាដៃសម្ដេចព្រះសង្ឃរាជ ជួន ណាត និពន្ធនាថ្ងៃទី ២០ ខែកក្កដា ឆ្នាំ ១៩៦១ ។

២. ប្រទេសកម្ពុជាបានចូលជាសមាជិកអាស៊ាននៅថ្ងៃទី៣០ ខែមេសា ឆ្នាំ ១៩៩៩ ។

៣. ពណ៌នាពីអត្ថន័យនៃទង់អាស៊ាន ៖

+ និមិត្តសញ្ញារបស់អាស៊ានមាន៤ ពណ៌គឺ

• ពណ៌ខៀវ តំណាងសន្ដិភាព និងស្ថេរភាព
• ពណ៌ក្រហម តំណាងឪ្យភាពបរិសុទ្ធស្មោះសរ
• ពណ៌លឿង តំណាងឪ្យវិបុលភាព ភាពសម្បូររុងរឿង

+ ដើមស្រូវទាំង១០ តំណាងឪ្យសុបិនរបស់បិតាបង្កើតអាស៊ានដែលមានបំណងប្រមូលផ្ដុំប្រទេសទាំង១០ នៅអាស៊ីអាគ្នេយ៍ឪ្យក្លាយជាសមាគមប្រកបដោយ មិត្តភាព និងសាមគ្គីភាព ។

+ រង្វង់ព័ន្ធជុំវិញតំណាងឪ្យភាពឯកភាពគ្នានៃអាស៊ាន ។

៤. បានជាគេតែងតាំងព្រះបាទ សីហនុជាព្រះប្រមុខរដ្ឋព្រោះ ៖

• ព្រះអង្គជាវិរៈជនដ៏ឆ្នើមក្នុងការទាមទារឯករាជ្យជូនប្រទេសជាតិបានជោគជ័យនៅថ្ងៃទី ៩ ខែវិច្ឆិកា ឆ្នាំ ១៩៥៣
• ប្រជាជនគាំទ្រកម្មវិធីនយោបាយសង្គមរាស្រ្ដនិយមនិងសម្ដេចសីហនុ
• មានការស្នើពីប្រជាជនឪ្យព្រះអង្គឡើងកាន់តំណែងជាប្រមុខរដ្ឋ ដូចជាមានព្យុហយាត្រានៅទីក្រុង ភ្នំពេញ ក្រុងកែប ជាដើម ។

៥. បានជាគេចាត់ទុកការបោះឆ្នោតសភាថ្ងៃទី ១៨ ខែមីនា ឆ្នាំ ១៩៧០ ជាការធ្វើរដ្ឋប្រហារទម្លាប់ព្រះបាទនរោត្តម សីហនុ ព្រោះតែការបោះឆ្នោតនេះ ប្រព្រឹត្តទៅក្នុងសភាពស្ងប់ស្ងាត់ជាទីបំផុត ដោយមានគម្រោងទុកជាមុន ហើយចាត់ទុកសភាពគ្រាន់តែជាឧបករណ៍ពង្រីងអំណាចតែប៉ុណ្ណោះ ។ ពេលនោះមានការគាំទ្រ៨៦ ក្នុងចំណោម៨៩សំឡែង ដើម្បីដកព្រះបាទសម្ដេចនរោត្តម​ សីហនុចេញពីតំណែង ។