វិញ្ញាសាផែនដី សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី៣៣)

សំណួរ

១. ហេតុអ្វីបានជាគេត្រូវអភិរក្សធនធានរ៉ែ ?

២. ដើម្បីអភិរក្សធនធានរ៉ែ តើត្រូវប្រើអធ្យោបាយអ្វីខ្លះ ? ចូររកឧទាហរណ៍បញ្ជាក់ ។

៣. តើមានវិធានការណ៍អ្វីខ្លះក្នុងការកាត់បន្ថយកំណើនឧស្ម័នផ្ទះកញ្ចក់?

៤. ចូររៀបរាប់អំពីលក្ខណៈទូទៅតំបន់អាកាសធាតុប៉ូល ។

៥. ចូរប្រៀបធៀបពីខ្យល់បកប្រចាំទិនិងខ្យល់មូសុង ។

ចម្លើយ

១. បានជាគេត្រូវអភិរក្សធនធានរ៉ែ ព្រោះរ៉ែជាធនធានធម្មជាតិមិនកើតឡើយវិញ ។ រ៉ែកើនឡើងយឺតៗបំផុតដោយប្រើពេលរាប់លានឆ្នាំដើម្បីបង្កើតពំនូករ៉ែនៅក្នុងសំបកផែនដី ។

២. ដើម្បីអភិរក្សធនធានរ៉ែគឺត្រូវ ៖

• រកធនធានដទៃទៀតមកជំនួស
• កំនែច្នៃជាថ្មី
• កាត់បន្ថយការប្រើប្រាស់ និងប្រើប្រាស់ដោយសន្សំសំចៃ ។

ឧទាហរណ៍ គំនូររថយន្ដចាស់ៗ សំបកកំប៉ុងធ្វើពីលោហៈអាចយកមកកែច្នៃជាថ្មី ជាសម្ភារៈប្រើប្រាស់ផ្សេងៗឡើងវិញ ។

៣. ដើម្បីកាត់បន្ថយការកើនឡើងានៃឧស្ម័នផ្ទះកញ្ចក់ យើងមានវិធានការណ៍ដូចខាងក្រោម៖

• រួមគ្នាថែរក្សាការពារព្រៃឈើដែលមានស្រាប់
• ចូលរួមដាំដើមឈើបន្ថែម
• កាត់បន្ថយការប្រើប្រាស់ផូស៊ីលឥន្ទនៈ
• ឈប់ប្រើប្រាស់ប្រេងសាំងដែលមានជាតិសំណ
• ទប់ស្កាត់ផ្សែងចេញពីរោងចក្រ....។

ដូចនេះយើងទាំងអស់គ្នាជាពិសេសរាជរដ្ឋាភិបាល គួរតែនាំគ្នាអនុវត្តនូវមធ្យោបាយខាងលើឪ្យបានល្អដើម្បី ទប់ស្កាត់ការកើនឡើងនៃឧស្ម័នផ្ទះកញ្ចក់ធ្វើឪ្យមាននិរន្ដរភាពបរិស្ថាន។

៤. លក្ខណៈទូទៅតំបន់អាកាសធាតុប៉ូល ៖

អាកាសធាតុតំបន់ប៉ូលលាតសន្ធឹងចាប់ពីរយៈទទឹងទី ៦០ ឡើងទៅអឌ្ឍគោលទាំងពីរ ។ តំបន់នេះមានសីតុណ្ហភាពត្រជាក់ជាងគេបំផុតនៅលើផែនដី ។ សីតុណ្ហភាពមធ្យមប្រចាំឆ្នាំគឺ ក្រោម ០ អង្សាសេ ជានិច្ច ទោះបីជានៅខែក្តៅបំផុតក៏ដោយក៏សីតុណ្ហភាពមិនលើសពី ១០ អង្សាសេ ដែរ ។ តំបន់នេះមានភ្លៀងធ្លាក់តិចតួចណាស់ សីតុណ្ហភាពពិបាកទ្រាំគ្មានរដូវក្តៅ រដូវទឹកកកមានរយៈពេល ល៦ខែ ខ្យល់បកខ្លាំងនិងមិនមានរាត្រីប៉ូល ៦ខែ ។ កាតឹបទឹកកទាំងនេះគ្រប់ដណ្តប់ជាអចិន្រ្តៃយ៍ពេញមួយឆ្នាំ ម៉្យាងទៀតកន្លែងមានព្រិលរលាយនៅរដូវក្តៅ ត្រូវបានគេប្រទះឃើញដូចជា នៅឆ្នេរខាងជើងនៃប្រទេសកាណាដា អាឡាស្តា និងជ្រោយខាងត្បូងនៃទ្វីបអាមេរិចខាងត្បូងជាដើម ។

៥.  ប្រៀធៀបពីខ្យល់ប្រចាំទីនិងខ្យល់មូសុង ៖

• ខ្យល់ប្រចាំទី

• បក់ក្នុងរយៈចម្ងាយខ្លី
• កើតឡើងដោយសារកម្តៅមិនស្មើគ្នានៃផ្ទៃផែនដីក្នុងតំបន់មួយ ។

• ខ្យល់មុសុង

• ជាខ្យល់បក់មួយប្រភេទដែលផ្លាសប្តូរទិសដៅតាមរដូវ
• ប្រព័ន្ធខ្យល់ប​ក់មូសុងស្ថិតនៅចន្លោះមហាសមុទ្រឥណ្ឌានិងទ្វីបអឺរ៉ាស៊ីគ្រប់ដណ្តប់ពីអាស៊ីខាងត្យូង រហូតដល់អាស៊ីខាងកើតរួមទាំងអាស៊ីអាគ្នេយ៍ផងដែរ
• បង្កើតឲ្យមានរដូវពីរ រដូវវស្សានិងរដូវប្រាំង ..... ។

​​​​​​​