តើគេដឹងថាផែនដីមានរាងមូលនៅពេលណា ?

នៅថ្ងៃទី ២០ ខែកញ្ញា ១៥១៩ មានសំពៅ៥ គ្រឿងនិងមនុស្ស ២៣៧នាក់បានធ្វើដំណើរចេញពីតំបន់សាន់លូការ នៃប្រទេសអេស៉្បាញក្រោមការដឹកនាំពីអ្នកស្រាវជ្រាវម្នាក់ជនជាតិ ប៉ទុយហ្គាល ឈ្មោះហ្វែឌីណង់ម៉ាសេឡង់។ ពួកគេប្តូរពីការធ្វើដំណើរទៅទិសខាងលិច របស់លោកគ្រិស្តុបកូឡំ (១៤៩២) ដោយធ្វើដំណើរទៅមុខរហូតដល់ទ្វីបអាមេរិកភាគខាងត្បូងចូលតាមច្រកទ្វារមួយ បន្ទាប់មកឆ្លងកាត់មហាសមុទ្រប៉ាស៊ីភិច។ ពួកគេបានប្តូរជាជីវិត និងសម្បត្តិទ្រព្យយ៉ាងសម្បើម បន្ទាប់មកលោកម៉ាសេឡង់បានចូលចតលើកោះនៃប្រទេសភីលីពីន។ នៅទីនោះមានការប្រយុទ្ធគ្នាជាមួយនិងជនម្ចាស់ស្រុកបណ្តាលអោយនាវិកជាច្រើនបានបាត់បង់ជីវិត។ ប៉ុន្តែក្នុងដំណើរបន្តមកទៀតនៅឆ្នាំ ១៥២២ មានមនុស្ស១៨ នាក់បានត្រឡប់មកស្រុកកំណើតវិញរួមទាំងលោក អង់តូនីញ៉ូហ្គាហេ្វតា ជនជាតិអ៊ីតាលីម្នាក់ផងដែរ ដែលគាត់បានសរសេរក្នុងតំនត់ហេតុរបស់គាត់ថា “ដំណើរជុំវិញពិភពលោកលើកទី១” ក្នុងការធ្វើដំណើរនេះ បានបញ្ជាក់ថាផែនដីមានរាងមូល។