តើទន្លេវែងបំផុតមានឈ្មោះអ្វី ?

គេសង្កេតឃើញទន្លេវែងៗច្រើនហូរកាត់តំបន់ទំនាបធំល្វឹងល្វើយ។ ទ្វីបដែលមានទន្លេធំៗហូរកាត់មាន ៖ អាស៊ី អាព្រិច អាមេរិច និងទ្វីបអឺរ៉ុប។ នៅទ្វីបអឺរ៉ុបទន្លេភាគច្រើនតូចហើយខ្លី។ ជាទូទៅតំបន់នៅក្បែរដងទន្លេមានប្រជាជនរស់នៅច្រើន។ តេសង់ផ្ទះលើត្រើយសងខាងទន្លេហើយធ្វើការទាក់ទងគ្នាដោយទូកសាឡាង និងស្ពាន ដែលជាមធ្យោបាយងាយស្រួលធ្វើទំនាក់ទំនងពាណិជ្ជកម្មគ្រប់ប្រភេទ។ ទន្លេវែងបំផុតក្នុងពិភពលោកគឺទន្លេនីល ប្រវែង ៦៦៩៥គីឡូម៉ែត្រ ហើយទន្លេដទៃតាមលំដាប់បន្ត គឺទន្លេអាប់ភឺរអាម៉ាសូន (អាមេរិចខាងត្បូង) ប្រវែង៦៥៧០គីឡូម៉ែត្រ មីស៊ីស៊ីបពី មីស៊ូរី (អាមេរិចខាងជើង) ប្រវែង ៦០២០គីឡូម៉ែត្រ ទន្លេចាងយ៉ាង​ រឺយ៉ង់សេ (អាស៊ី) ប្រវែង ៥៤៧១គីឡូម៉ែត្រ ទន្លេអុបអ៊ីទឹស (រូស៊ី អាស៊ីខាងជើង) ប្រវែង៥៤១០គីឡូម៉ែត្រ ទន្លេ រីយ៉ូដឺឡាប្លាតា (នៅអាហ្សង់ទីន) ប្រវែង៤៧០០គីឡូម៉ែត្រ ទន្លេមេគង្គប្រវែង ៤៥០០គីឡូម៉ែត្រ និងទន្លេវុលហ្គា (រូស៊ី) ប្រវែង ៣៥៣០គីឡូម៉ែត្រ ចំពោះទន្លេវែងៗនៅអឺរ៉ុបមានទន្លេដានុប ប្រវែង ២៨៦០គីឡូម៉ែត្រ ទន្លេរុំាង ប្រវែង ១០២០គីឡូម៉ែត្រ និងទន្លេល័រ ប្រវែង ១០២០គីឡូម៉ែត្រ។