ដូចម្តេចហៅថាប័ណ្ណសារ ?

ប័ណ្ណសារ គឺជាសំណុំឯកសារ ដែលពាក់ព័ន្ធនឹងប្រវត្តិរបស់ទីក្រុង គ្រួសារមួយ ។ល។ ឬជាសំណុំឯកសារផ្ទាល់របស់សហគ្រាសមួយ របស់អង្គភាពរដ្ឋបាលមួយ ។ ម្យ៉ាងទៀតពាក្យប័ណ្ណសារក៏មានន័យថា ជាកន្លែងដែលគេតំកល់សំណុំឯកសារ របស់អង្គភាពរដ្ឋបាលមួយ ឬស្ថាប័នរដ្ឋបាលមួយ ។ ឯកសាររដ្ឋបាលដែលស្ថិតនៅក្នុងប័ណ្ណសារ ដូចជា សារាចរ លិខិតឆ្លើយតប របាយការណ៍ កំណត់ហេតុ ។ល។

            សាកលវិទ្យាល័យ អគ្គនាយកដ្ឋាន ឬនាយកដ្ឋាននីមួយៗ មន្ទីរពេទ្យនីមួយៗ ឬការិយាល័យនីមួយៗ ត្រូវរៀបចំប័ណ្ណសារផ្ទាល់របស់ខ្លួនដែលរួមមាន ៖

• ឯកសារបញ្ជូនមកពីខាងក្រៅ ហៅថា ឯកសារចូល
• ឯកសារដែលនាយកដ្ឋាន ឬមន្ទីរ ឬការិយាល័យធ្វើផ្ទាល់ ហៅថាឯកសារចេញ ។