វិញ្ញាសាត្រៀមប្រលង បាក់ឌុបមុខវិជ្ជាផែនដីវិទ្យា ( វិញ្ញាសាទី២៩ )

សំនួរ

១. តើអ្នកវិទ្យសាស្រ្តចាត់ថ្នាក់សិលាដូចម្តេច ?

២. តើសិលាមានប៉ុន្មានប្រភេទ ? អ្វីខ្លះ ?

៣. តើកំអែភ្នំភ្លើងខុសពីម៉ាក់ម៉ាយ៉ាងដូចម្តេច ?

៤. តើអត្រាចុះត្រជាក់នៃកំអែភ្នំភ្លើង និងម៉ាក់ម៉ាជះឥទ្ធិពលដល់វាយភាពសិលាម៉ាក់ម៉ាដូចម្តេចខ្លះ ?

៥. ចូរពណ៌នាពីដំណើរនៃកំណកំណើតសិលាកម្ទេចកំណ ?

ចម្លើយ

១. អ្នកវិទ្យសាស្រ្តចាត់ថ្នាក់សិលាដូចខាងក្រោមៈ

• សមាសធាតុផ្សំៈ គឺជាសមាសធាតុរ៉ែ ដែលផ្សំបានជាសិលា ។
• វាយភាពរបស់សិលាៈ ត្រូវបានគេកំណត់ដោយទំហំរូបរាងនិងទីតាំងនៃគ្រាប់ដែលវាកើតឡើង ។ វាយភាពរបស់សិលាមានបីគឺ គ្រាប់ម៉ត់ គ្រាប់ មធ្យម និងគ្រាប់ធំ ។

២. សិលាមានបីប្រភេទ គឺ សិលាម៉ាក់ម៉ា សិលាកម្ទេចកំណ និងសិលាប្រែកំណើត ។

៣. កំអែភ្នំភ្លើងខុសពីម៉ាក់ម៉ាត្រង់ៈ

• កំអែភ្នំភ្លើងកើតនៅលើសំបកផែនដីតាមរយៈការផ្ទុះចេញនៃភ្នំភ្លើង
• ម៉ាក់ម៉ាមាននៅក្នុងសំបកផែនដីដែលមិនទាន់ផ្ទុះចេញ ។

៤. អត្រាចុះត្រជាក់នៃកំអែភ្នំភ្លើង និងម៉ាក់ម៉ាជះឥទ្ធិពលដល់វាយភាពសិលាម៉ាក់ម៉ាដូចជាកាលណាវាចុះត្រជាក់កាន់តែយឺតនោះក្រាមរបស់វាកាន់តែធំ ។

៥. ដំណើរនៃកំណកំណើត​សិលាកម្ទេចកំណគឺជាកម្ទេចសិលាបានបង្ខាំ ហើយភ្ជាប់គ្នា ។ កម្ទេចកំណដែលបានបង្កើតសិលាកម្ទេចកំណបានគឺ បណ្តាលមកពីសំណឹក និងការហូរច្រោះនៃសិលា ភ្នំភ្លើងសិលាប្រែកំណើតឬសិលាកម្ទេចកំណផ្សេងៗទៀត ។ 

វិញ្ញាសាទី៣០