សំណួរ-ចម្លើយ គណនេយ្យ (ភាគ២)

សំណួរ-

៦- តើការងារក្នុងការិយបរិច្ឆេទមានអ្វីខ្លះ ? ចូរពន្យល់ដោយលើកយកចំណុចត្រួសៗនៃកិច្ចការនិមួយៗ ?

៧- ដូចម្តេចដែលហៅថាគណនីឥណទេយ្យ (AR) ? តើគណនីឥណទេយ្យកើត ឡើងដោយសារមូលហេតុអ្វី ចូរលើកចំណុចគ្រួសៗនៃមូលហេតុ?

៨- ដូចម្តេចដែលហៅថាបំណុលតឹងទារ ឬពិបាកទារ (Bad Debt Expense) ? តើវិធីសាស្ត្រវាយតម្លៃបំណុលនេះមានអ្វីខ្លះ ? ចូរលើកចំណុចត្រួសៗនៃមូលហេតុ ?

៩- ដូចម្តេចដែលហៅថារបាយការណ៍សាច់ប្រាក់ ? តើរបាយការណ៍សាច់ប្រាក់មានសមាសធាតុសំខាន់ៗអ្វីខ្លះ ? ហេតុអ្វីក្រុមហ៊ុនឯកជនចាំបាច់ត្រូវមានរបាយការណ៍សាច់ប្រាក់ ?

១០- ហេតុអ្វីបានជាអាជីវកម្មត្រូវការ របាយការណ៍ហិរញ្ញវត្ថុ ?

ចម្លើយ

៦- ការងារនៅក្នុងការិយការិយបរិច្ឆេទមានដូចជា ៖

• ការកែតម្រូវមាន៤គឺ Deffered revenues, Deffered expenses, Accrued revenues, Accrued expenses ។
• រៀបចំរបាយការណ៍ហិរញ្ញវត្ថុ មាន ៤ គឺ Balance sheet, Income statement, Retained earnings, Statement of cash flow ។
• ការរៀបចំបិទបញ្ជី មាន ៤ ជំហ៊ានគឺ (១) បិទបណ្ដាគណនីចំណូលដោយផ្ទេរសមតុល្យរបស់វាទៅកាន់គណនីសង្ខេបចំណូល ។ ( ២) បិទបណ្តាគណនីចំណាយដោយផ្ទេរសមតុល្យរបស់វាទៅកាន់គណនីសង្ខេបចំណូល។ (៣) បិទបណ្ដាគណនីសង្ខេបចំណូល ដោយផ្ទេរសមតុល្យរបស់វាទៅកាន់គណនីទ្រព្យម្ចាស់ ។ (៤) បិទគណនីដកប្រាក់ដោយម្ចាស់ ដោយផ្ទេរសមតុល្យរបស់វាទៅកាន់គណនីទ្រព្យម្ចាស់ ។

៧- គណនីឥណទេយ្យ គឺជាគណនីមួយដែលបង្ហាញថាអតិថិជនជំពាក់ប្រាក់ក្រុមហ៊ុន ។ គណនីឥណទេយ្យ កើតឡើងដោយសារការលក់ទំនិញជឿ ឬ ការផ្តល់សេវាកម្មដោយជំពាក់ទៅកាន់អតិថិជន ។

មូលហេតុមានដូចជា ៖

• ការលក់ជំពាក់ គឺដើម្បីបង្កើនការលក់ (លក់ឲ្យបានច្រើន)
• ការលក់ជំពាក់ គឺដើម្បីទាក់ទាញអតិថិជនឲ្យទិញ ឬប្រើសេវា
• ស្រូបទាញអ្នកមានឱនភាពសាច់ប្រាក់ឲ្យទិញផងដែរ​ ។

៨- បំណុលតឹងទារ ឬពិបាកទារ គឺជាគណនីមួយដែលក្រុមហ៊ុនគិតថា មានទឹកប្រាក់ចំនួនណាមួយនោះ អតិថិជនមិនសង ។ វិធីសាស្ត្រាវាយតម្លៃបំណុលនេះ មានវិធីសាស្ត្រភាគរយនៃការលក់ និងវិធីសាស្រ្តអាយុកាលគណនីត្រូវការ ។ មូលហេតុមានដូចជា​ ៖

• អាចមកពីអតិថិជនក្ស័យធន
• មានឱនភាពថវិកា
• លក់មិនដាច់

៩- របាយការណ៍សាច់ប្រាក់ គឺជារបាយការណ៍មួយបង្ហាញអំពីលំហូរសាច់ ប្រាក់ចូល និង លំហូរសាច់ប្រាក់ចេញ ដែលកើតឡើងពាក់ព័ន្ធទៅនឹងសកម្មភាពរបស់អង្គភាពអាជីវកម្មនៅក្នុងអំឡុងពេលមួយ ។

         របាយការណ៍នេះមានសមាសធាតុសំខាន់បីគឺ សកម្មភាពប្រតិបត្តិការ សកម្មភាពវិនិយោគ និង សកម្មភាពហិរញ្ញប្បទាន ។

         ក្រុមហ៊ុនឯកជនមានរបាយការណ៍នេះ ដោយសារតែក្រុមហ៊ុនចង់តាមដានអំពីប្រសិទ្ធភាពនៃការប្រើប្រាស់សាច់ប្រាក់បានត្រឹមត្រូវដែរឬទេ វាចូលពីផ្នែកណាខ្លះ និងចេញទៅលើផ្នែកណាខ្លះ ?

១០- ការរៀបចំរបាយការណ៍ហិរញ្ញវត្ថុ គឺត្រូវការចំណាយពេលច្រើន ។ ទាំងនេះរួមមាន ៖

• សម្រេចចិត្តបានកាន់តែល្អប្រសើរ នេះអាចរៀបចំគោលដៅបានយ៉ាងមានប្រសិទ្ធភាពសម្រាប់ពេលអនាគត ។ វាផ្តល់ឲ្យអ្នកនូវភាពច្បាស់លាស់ និងភាពត្រឹមត្រូវក្នុងអាជីវកម្មរបស់អ្នកថាកំពុងដំណើរការយ៉ាងម៉េច ដូចច្នេះហើយអ្នកអាចធ្វើឲ្យអាជីវកម្មរបស់អ្នកឲ្យមានភាពល្អប្រសើរ ។
• រៀបចំការបង់ពន្ធ វាមានសារៈសំខាន់ហើយចាំបាច់សម្រាប់គ្រប់អាជីវកម្មទាំងអស់ រួមទាំងម្ចាស់អាជីវកម្មបុគ្គលដើម្បីបង់ពន្ធ និងរបាយកាណ៍និងការយកពន្ធ ។ វានឹងរក្សា ព័ត៌មានឲ្យមានសណ្តាប់ធ្នាប់ ។
• ផ្តល់ភ័ស្តុតាងនៃភាពជោគជ័យរបស់អ្នក អ្នកផ្គត់ផ្គង់និងអតិជនអាចចង់ពិនិត្យមើលស្ថេរ ដើម្បីអាចធ្វើការបង់ប្រាក់ ឬមួយក៏ផ្គត់ផ្គង់ទំនិញតាមតំរូវការឬមួយក៏អត់ ។ ហើយផលចំណេញថាតើវាកំពុងដំណើរការយ៉ាងដូចម្តេច ។ ធនាគារប្រហែលជាចង់ដឹងថា តើអាជីវកម្មរបស់អ្នកមានដំណើរការយ៉ាងដូចម្តេច ដើម្បីដឹងថាតើអ្នកមានលទ្ធភាពក្នុងការទូទាត់សងបំណុលបានដែរឬទេ ។

         របាយការណ៍ហិរញ្ញវត្ថុ គឺពិតជាមានសារៈសំខាន់ណាស់សម្រាប់គ្រប់អាជីវកម្មរបស់អ្នក ។ ទោះជាយ៉ាងណាក៏ដោយ នៅក្នុងប្រទេសកម្ពុជាមានអាជីវកម្មជាច្រើន ដែលមិនចាប់អារម្មណ៏ទៅលើរបាយការណ៍ហិរញ្ញវត្ថុ ។ វាពិតជាមានគ្រោះ ថ្នាក់ខ្លាំងណាស់ សម្រាប់អាជីវកម្មដែលមានរយៈពេលវែង ។ អ្នកប្រហែលជាគិតថា អាជីវកម្មរបស់អ្នកមានដំណើរការល្អហើយដូចច្នេះអ្នកមិនត្រូវការវាទេ ។ អ្នកក៏មានអារម្មណ៏ថាទទួលបានការជោគជ័យ គឺពិតជាមានអារម្មណ៏ល្អមែន ប៉ុន្តែ មើលការពិនិត្យមើលតួរលេខនៅចំពោះមុខអ្នក គឺកាន់តែប្រសើជាងមុនដែលទុកជាអំណាចនិងការជោគជ័យដ៏វិសេសមួយរបស់អ្នក ។

         វាមិនមែនជាការងាយស្រួលនោះទេសម្រាប់មនុស្សគ្រប់គ្នាទេ ដូច្នេះតើយើង អាចចាប់ផ្តើមបង្កើតវាដោយរបៀបណា ? មិនចាំបាច់ល្អឥតខ្ចោះពេកនោះទេនៅពេលដំបូងៗ ប៉ុន្តែគ្រាន់តែរៀបចំរបាយការណ៍ហិរញ្ញវត្ថុសាមញ្ញ គឺគ្រប់គ្រាន់ហើយ ។ ប៉ុន្តែប្រសិនបើអ្នកមិនចេះមិនអីទេ ពួកយើងនិងសរសេររៀបរាប់នៅថ្ងៃក្រោយ ។

តភាគ