តើពាក្យ “អាណត្តិអាជ្ញាបញ្ជា” និង ពាក្យ “អាណត្តិតំណាង” ។ ពាក្យទាំងពីរនេះមានន័យដូចម្តេច ?

អត្ថន័យនៃពាក្យថា​៖

• អាណត្តិអាជ្ញាបញ្ជា គឺជាអាណត្តិនយោបាយ (ចេញពីការបោះឆ្នោត) ដែលអ្នកជាប់ឆ្នោតជាតំណាងរបស់ប្រជាជនទទួលអាណត្តិពីប្រជាជនក្នុងមណ្ឌលរបស់ខ្លួន ត្រូវគោរពតាមសេចក្តីណែនាំរបស់ប្រជាជន ហើយអាចត្រូវប្រជាជនដកហូតតំណែងបាន ។ ទាំងនេះគឺដោយសារគេអនុវត្តតាមបែបអធិបតេយ្យប្រជាជន (Souveraineté populaire) ដែលគេច្រើនអនុវត្តនៅក្នុងរបបប្រជាធិបតេយ្យដោយផ្ទាល់ដូចដែលមានសព្វថ្ងៃនៅតំបន់ខ្លួននៃប្រទេសស្វីស ។
• អាណត្តិតំណាង គឺជាអាណត្តិនយោបាយ ដែលអ្នកជាប់ឆ្នោតទទួលអាណត្តិពីប្រជាជាតិ នៅក្នុងការអនុវត្តន៍តាមបែបបទអធិបតេយ្យប្រជាជាតិ (Souveraineté nationale) ។ ឧទាហរណ៍ តំណាងរាស្រ្តដែលជាប់ឆ្នោតនៅក្នុងមណ្ឌលរបស់ខ្លួន មិនមែនតំណាងឱ្យតែប្រជាជនក្នុងមណ្ឌលបោះឆ្នោតរបស់ខ្លួនទេតែតំណាងឱ្យប្រជាជនទូទាំងប្រទេសតំណាងឱ្យប្រជាជាតិទាំងមូល ។ អ្នកតំណាងដែលជាប់ឆ្នោតអនុវត្តការងារដោយឯករាជ្យពីអ្នកបោះឆ្នោតឱ្យគេ គេអាចមិនទទួលសំណូមពរ ឬសេចក្តីណែនាំរបស់អ្នកបោះឆ្នោត ហើយក៏មិនអាចត្រូវដកតំណែងដោយអ្នកបោះឆ្នោតឱ្យគេដែរ ។