តើតំបន់សេដ្ឋកិច្ចពិសេសជាអ្វី? ចូររៀបរាប់តំបន់សេដ្ឋកិច្ចឱ្យបាន៥យ៉ាងតិច។

តំបន់សេដ្ឋកិច្ចពិសេសសំដៅទៅលើមជ្ឈមណ្ឌលពិសេសសម្រាប់អភិវឌ្ឍន៍វិស័យសេដ្ឋកិច្ចដែលប្រមូលផ្តុំនូវសកម្មភាពឧស្សាហកម្មនិងសកម្មភាពពាក់ព័ន្ធដទៃទៀតហើយអាចមានតំបន់ឧស្សាហកម្មទូទៅ និងតំបន់ផលិតកែច្នៃនាំចេញ។ តំបន់សេដ្ឋកិច្ចពិសេសនីមួយៗត្រូវមានមណ្ឌលផលិតកម្ម និងអាចមានមណ្ឌលផលិតកម្មសេរី មណ្ឌលសេវាកម្ម មណ្ឌលលំនៅដ្ឋាននិងមណ្ឌលទេសចរណ៍។ តំបន់សេដ្ឋកិច្ចកិច្ចពិសេសជាគោលនយោបាយរបស់រដ្ឋាភិបាលក្នុងគោលបំណងទាក់ទាញអ្នកវិនិយោគតាមរយៈការអនុគ្រោះពន្ធផ្សេងៗនិងការលើកទឹកចិត្តច្រើនជាងតំបន់ផ្សេងៗទៀតក៏ដូចជាការផ្តល់នូវនយោបាយច្រកចេញចូលតែមួយក្នុងការនាំចេញនិងនាំចូលដោយមានមន្ត្រីរដ្ឋាភិបាលជាអ្នកផ្តល់នូវសេវារដ្ឋបាល។ តំបន់សេដ្ឋកិច្ចពិសេសខេត្តព្រះសីហនុ តំបន់សេដ្ឋកិច្ចពិសេស ប៉ោយប៉ែត អូរនាង (បន្ទាយមានជ័យ)តំបន់សេដ្ឋកិច្ចពិសេសតាយសេង (ស្វាយរៀង) តំបន់សេដ្ឋកិច្ចពិសេសហ្គីហ្គា រីសស៍ (ស្វាយរៀង) តំបន់សេដ្ឋកិច្ចពិសេស ឈីលូ ជានពូចាយ តំបន់សេដ្ឋកិច្ចពិសេសម៉ាន់ហាតាន់ (ស្វាយរៀង)។