ដើម្បីងាយស្រួលក្នុងការទំនាក់ទំនង និងស្វែងរកតម្លៃគិតពន្ធអចលនទ្រព្យ តើអគ្គនាយកដ្ឋានពន្ធដារ មានវិធានការបែបណាដែរ ?

ដើម្បីបង្កលក្ខណៈងាយស្រួលដល់ម្ចាស់អចលនទ្រព្យក្នុងការទំនាក់ទំនង និងស្វែងរកតម្លៃគិតពន្ធ អគ្គនាយកដ្ឋានពន្ធដារបានណែនាំអោយបិទផ្សាយតារាងតម្លៃអចលនទ្រព្យ នៅតាមសាលាខណ្ឌ-សង្កាត់ នៃរាជធានី-ខេត្ត ហើយសាលាសង្កាត់ក៏បានកសាងផែនទីផ្លូវក្នុងសង្កាត់របស់ខ្លួន ព្រមទាំងបានដាក់តម្លៃគិតពន្ធនៅតាមផ្លូវទាំងនោះ ដោយយោងប្រកាសលេខ ៣៧១ សហវ.ប្រក ចុះថ្ងៃ០៥ ខែឧសភា ឆ្នាំ២០១១ ស្ដីពីតម្លៃគិតពន្ធលើអចលនទ្រព្យធ្វើជាមូលដ្ឋាន និងអាចទំនាក់ទំនងទៅសាខាពន្ធដារខេត្ត-ខណ្ឌ ក្រុមការងារសង្កាត់ មេភូមិ ឬប្រធានក្រុម ដែលនៅជិតនោះ ។