តើរបាយការណ៍ហិរញ្ញវត្ថុមានប៉ុន្មានប្រភេទ? អ្វីខ្លះ? ចូររៀបរាប់ត្រួសៗ?

របាយការណ៍ហិរញ្ញវត្ថុមានចំនួន៤សំខាន់ៗដូចជា ៖

ក. របាយការណ៍លទ្ធផល ៖ បង្ហាញនូវគ្រប់ផលចំណូល និងបន្ទុកចំណាយ និងបង្ហាញនូវលទ្ធផលជាប្រាក់ចំណេញឬខាតបង់របស់ក្រុមហ៊ុនក្នុងអំឡុងពេលជាក់លាក់ណាមួយ។ ប្រសិនបើចំណូលធំជាងចំណាយមានន័យថាចំណេញសុទ្ធ តែបើចំណាយធំជាងចំណូល មានន័យថាខាតសុទ្ធ។

ខ. របាយការណ៍ដើមទុនម្ចាស់ ជារបាយការណ៍បង្ហាញពីបម្រែបម្រួលកើនឡើង ឬថយចុះនៃដើមទុនម្ចាស់ សម្រាប់អំឡុងពេលជាក់លាក់ណាមួយ។ ទ្រព្យម្ចាស់គឺជាការអះអាងរបស់ម្ចាស់លើទ្រព្យសកម្មរបស់ក្រុមហ៊ុន វាជាអត្ថប្រយោជន៍របស់ម្ចាស់លើទ្រព្យសកម្មរបស់ក្រុមហ៊ុនបន្ទាប់ពីដកបំណុលចេញ។ ទ្រព្យម្ចាស់ក៏ត្រូវបានគេហៅថាទ្រព្យសកម្មសុទ្ធផងដែរ។ ការវិនិយោគរបស់ម្ចាស់ និងចំណូលបង្កើតដើមទុនម្ចាស់។ហើយដើមទុនម្ចាស់នោះថយដោយសារការដកដើមទុនរបស់ម្ចាស់ និងបន្ទុកចំណាយឥទ្ធិពលនៃការឡើងឬចុះនៃដើមទុនម្ចាស់។

គ.របាយការណ៍តុល្យការ៖គឺរបាយការណ៍ដែលរាយការណ៍នូវទ្រព្យសកម្មបំណុកនិងដើមទុនម្ចាស់របស់ក្រុមហ៊ុនអាជីវកម្មក្នុងកាលបរិច្ឆេទជាក់លាក់ណាមួយ។តារាងតុល្យការគឺជាតារាងមួយដែលគេរៀបចំឡើងនៅចុងការិយបរិច្ឆេទបង្ហាញពីទ្រព្យបំណុល និងមូលធនចៅកែពិតប្រាកដដែលមាននៅក្នុងក្រុមហ៊ុន។

ឃ. របាយការណ៍លំហូរសាច់ប្រាក់៖ មានវិធីសាស្រ្តពីរយ៉ាង ដើម្បីបង្កើតលំហូរសាច់ប្រាក់គឺ៖

• វិធីសាស្ត្រផ្ទាល់
• វិធីសាស្រ្តមិនផ្ទាល់ ។ គោលបំណងដ៏សំខាន់នៃរបាយការណ៍លំហូរសាច់ប្រាក់គឺ ផ្តល់ព័ត៍មានអំពីCash Receipts, Cash Payments, Net Change in Cash បណ្តាល មកពីសកម្មភាពវិនិយោគ និងសកម្មភាពហិរញ្ញប្បទាននៃក្រុមហ៊ុនក្នុងរយៈពេលមួយ។ ឯកសារយោងKH Study Online