សំណួរ-ចម្លើយ ច្បាប់ការទូត (ភាគ៧)

សំណួរ

៣១- តើមុខងារនៃបេសកកម្មទូតមានប៉ុន្មាន ? អ្វីខ្លះ ?

៣២- ដើម្បីធ្វើឲ្យទំនាក់ទំនងការទូតមានប្រសិទ្ធិភាព តើមានចំណុចសំខាន់ៗអ្វីខ្លះ ?

៣៣- តើការងារការទូតមានអ្វីខ្លះសម្រាប់ចរចា ?

៣៤- តើគេបានគិតអំពីការប្រើភាសាត្រឹមត្រូវ និងមានប្រយោជន៍ជាអាទិភាពចម្បងក្នុងការទំនាក់ទំនងការទូតទេ ?

៣៥- តើការចរចាការទូតអាចធ្វើឡើងតាមរយៈវិធីសាស្ត្រប៉ុន្មានយ៉ាង ?

ចម្លើយ

៣១- មុខងារនៃបេសកកម្មទូតមានដូចជា ៖

• តំណាងឲ្យរដ្ឋដាក់ទូត ប្រចាំនៅរដ្ឋម្ចាស់ផ្ទះ
• ការពារផលប្រយោជន៍របស់ដាក់ទូត និងការពារអណិកជនខ្លួននៅក្នុងរដ្ឋម្ចាស់ផ្ទះ ក្នុងក្របខណ្ឌច្បាប់អន្តរជាតិបានអនុញ្ញាត ។
• ចរចាជារដ្ឋាភិបាលរដ្ឋម្ចាស់ផ្ទះ
• ត្រូវស្វែងយល់គ្រប់មធ្យោបាយស្របច្បាប់ អំពីលក្ខខណ្ឌនិងការអភិវឌ្ឍនៃព្រឹត្តិការណ៍ក្នុងរដ្ឋម្ចាស់ផ្ទះ និងរាយការណ៍រឿងនេះជូនទៅរដ្ឋាភិបាលរបស់រដ្ឋដាក់ទូត ។
• ជំរុញទំនាក់ទំនងសេដ្ឋកិច្ច វប្បធម៌និងវិទ្យាសាស្រ្ត រវាងរដ្ឋដាក់ទូតនិងរដ្ឋម្ចាស់ផ្ទះ ។

៣២- ដើម្បីធ្វើឲ្យទំនាក់ទំនងការទូតមានប្រសិទ្ធិភាព មានចំណុចសំខាន់ៗ៧យ៉ាងគឺ ៖

• ត្រូវមានលក្ខណៈជាក់លាក់
• ចៀសវាងប្រកាន់នូវមតិមានះរបស់ខ្លួន
• ត្រូវចេះស្វែងយល់ការពិតពីភាគីម្ខាងទៀត
• ត្រូវស្វែងរកផលប្រយោជន៍រួម
• ត្រូវចេះសម្របសម្រួលចំពោះបញ្ហា ដែលអាចធ្វើទៅបាន
• ត្រូវចេះអត់ធ្មត់
• ត្រូវទុកច្រកសម្រាប់ខ្លួនឯង និងសម្រាប់ភាគីម្ខាងទៀតសម្រាប់ចេញបាន ។

៣៣- ការងារការទូតមានធាតុផ្សំសំខាន់ៗបីយ៉ាងគឺ ៖

• ការចរចា
• ការផ្តល់សញ្ញា និង
• ធ្វើសកម្មភាពការទូតជាសាធារណៈ ។

៣៤- ជាទូទៅ អ្នកការទូតដែលមានអាជីព គេតែងតាំងគិតដល់ការប្រើប្រាស់ភាសាណាដែលត្រឹមត្រូវ និងមានប្រយោជន៍ជាអាទិភាពចម្បងមួយក្នុងការទំនាក់ទំនងការទូត ។ ការប្រើប្រាស់ភាសាមិនបានត្រឹមត្រូវ មិនត្រឹមតែខាតប្រយោជន៍ប៉ុណោ្ណះទេ ជួនកាលអាចបង្កមហន្តរាយមួយផ្នែកធំដល់រដ្ឋដាក់ទូតខ្លួនឯងទៀតផង ។ សរុបសេចក្តីមក អ្នកការទូតកាន់តែមានឋានៈខ្ពស់ រាល់ការប្រើប្រាស់ភាសាមានការប្រុងប្រយ័ត្នកាន់តែខ្លាំងឡើង ព្រោះភាសារបស់ថ្នាក់ដឹកនាំ វាបានឆ្លុះបញ្ចាំងអំពីទិដ្ឋភាពនយោបាយរបស់ប្រទេសនោះតែម្តង ។

៣៥- ការចរចាការទូតអាចធ្វើឡើងតាមរយៈវិធីសាស្ត្រ២យ៉ាងគឺ ៖

• ការចរចាដោយផ្ទាល់
• ការចរចាដោយប្រយោល ។

តភាគ