តើអគ្គនាយកដ្ឋានពន្ធដារមានបេសសកម្មអ្វីខ្លះ ?

អគ្គនាយកដ្ឋានមានបេសសកម្មធ្វើឱ្យសម្រេចការអនុវត្តច្បាប់ និងបទបញ្ញតនានាស្តីពីពន្ធដារដូចជា ៖

• ផ្តល់សេវាអ្នកជាប់ពន្ធរួមមានការផ្តល់ព័ត៌មាន អប់រំ ពន្យល់ណែនាំ
• អនុវត្តកម្មវិធីចាប់បង្ខំដោយការធ្វើសវនកម្ម ការអនុវត្តវិធានការតឹងទារ និងអនុវត្តទោសទ័ណ្ឌ តាមការអនុវត្តនៃច្បាប់ ពន្ធដារចំពោះអ្នកជាប់ពន្ធដែលមិនបានប្រព្រឹត្តត្រឹមត្រូវតាមច្បាប់
• ប្រមូលចំណូលពន្ធ និងបង់ប្រាក់ពន្ធចូលថវិកាជាតិតាមការកំណត់នៃច្បាប់
• ផ្តល់សេវា និងអប់រំអ្នកជាប់ពន្ធ ដើម្បីធានាថាច្បាប់ស្តីពីពន្ធដារត្រូវបានអនុវត្ត និងគោរពត្រឹមត្រូវ
• អនុវត្តកម្មវិធីចាប់បង្ខំឱ្យមានការទទួលខុសត្រូវ និងស្មើភាពចំពោះអ្នកជាប់ពន្ធដែលមិនគោរពច្បាប់
• អនុវត្តគោលការណ៍យុត្តិធម៌ក្នុងការអនុវត្តច្បាប់ស្តីពីពន្ធដារ ដើម្បីបង្កើនជំនឿទុកចិត្តចំពោះរដ្ឋបាលសារពើពន្ធ
• បន្ថយការចំណាយរបស់រដ្ឋបាលសារពើពន្ធក្នុងការរៀបចំកម្មវិធី និងកិច្ចដំណើរការរបស់ខ្លួន ដើម្បីធ្វើឱ្យមានភាពសាមញ្ញចំពោះតម្រូវការផ្សេងៗ
• បង្កើនសមត្ថភាពចំណេះដឹងដល់មន្ត្រីពន្ធដារជាប្រចាំ
• បង្កើនប្រសិទ្ធភាពក្នុងការគ្រប់គ្រងតាមរយៈគោលនយោបាយ កិច្ចដំណើរការការងារ និងប្រព័ន្ធការងារដែលមានភាពច្បាស់លាស់ទំនើប និងការទទួលខុសត្រូវខ្ពស់ ។