ប្រសិនបើការពង្រីកប្រព័ន្ធផលិតកម្ម ដោយមិនបានយកចិត្តទុកដាក់ដល់ទំនាក់ទំនងនៃធាតុទាំងបី(ការដាំដុះ អាជីវកម្មព្រៃឈើ និង នេសាទ) ទេនោះ វានឹងនាំឈានទៅដល់ការបំផ្លិចបំផ្លាញយ៉ាងធ្ងន់ធ្ងរដល់បរិស្ថាន សេដ្ឋកិច្ចនិងជីវិតមនុស្សសត្វជាដើម ។ ចូរអ្នកបកស្រាយឱ្យបានច្បាស់លាស់ ដោយលើកជាឧទាហរណ៍ផង ។

ប្រសិនបើការពង្រីកប្រព័ន្ធកសិកម្មមិនបានយកចិត្តទុកដាក់ដល់ទំនាក់ទំនងនៃធាតុគន្លឹះទាំង៣(ការដាំដុះ អាជីវកម្មព្រៃឈើ និង នេសាទ)នោះទេ  វានឹងនាំមកនូវការបំផ្លិចបំផ្លាញបរិស្ថាន សេដ្ឋកិច្ច ជីវិតមនុស្សសត្វយ៉ាងធ្ងន់ធ្ងរ ។ ឧទាហរណ៍៖

• ដើម្បីបំពេញតម្រូវការផលិតកម្មនិងតម្រូវការផ្សេងៗ ឬទីផ្សារ មនុស្សនាំគ្នាកាប់ព្រៃឈើ ធ្វើឱ្យមានបម្រែបម្រួលអាកាសធាតុ ប៉ះពាល់ជីវិតមនុស្សសត្វ...។
• បម្រែបម្រួលអាកាសធាតុ ធ្វើឱ្យប៉ះពាល់ដល់ទិន្នផលក្នុងវិស័យកសិកម្ម សេដ្ឋកិច្ចនិងចំណូលធ្លាក់ចុះ។ ដូចនេះ ដើម្បីបង្កើនទិន្នផល កសិករងាកទៅប្រើប្រាស់ជីគីមី... ។
• ពេលកសិករប្រើជីគីមីកាន់តែច្រើន ថ្នាំសត្វល្អិត ជាតិគីមី ហូរចូលទន្លេ បឹង ស្ទឹង ធ្វើឱ្យពូជត្រីកាន់តែថមថយ ប៉ះពាល់ដល់សេដ្ឋកិច្ចរយៈពេលយូរអង្វែង រួមទាំងបង្កទៅជាគ្រោះថ្នាក់យ៉ាងធ្ងន់ធ្ងរដល់សុខភាពអ្នកប្រើប្រាស់ ។      (បញ្ជាក់៖ សំណួរខាងលើក៏ដូចនិងសំណួរ  "ការដាំដុះ អាជីវកម្មព្រៃឈើ និងនេសាទ មានអន្តរអំពើលើគ្នាទៅវិញទៅមក" ។