វិញ្ញាសាត្រៀមប្រឡងជ្រើសរើសគ្រូបង្រៀនកម្រិតមូលដ្ឋានប្រវត្តិវិទ្យា(វិញ្ញាសាទី១)

សំនួរ

១. តើការបែកបន្ទាយលង្វែកបណ្តាលមកពីំមូលហេតុអ្វី ? ហើយការបែកបន្ទាយនេះវាផ្តល់ផលវិបាកអ្វីខ្លះ ?

២. ក្រោយថ្ងៃទី១៧ មេសា ១៩៧៥ តើកងកម្លាំងប្រដាប់អាវុធរំដោះជាតិកម្ពុជាបានអនុវត្តតាមបញ្ជារបស់លេខាបក្សកុំមុសនីយកម្ពុជាប្រជាធិបតេយ្យប៉ុន្មានប្រការ ? អ្វីខ្លះ ?

៣. តើសន្ធិសញ្ញាសឺណឺវឆ្នាំ ១៩៥៤ បានអនុម័តលើកិច្ចព្រមព្រៀង សេចក្តីប្រកាសនិងសេចក្តីថ្លែងការណ៍អ្វីខ្លះ ?

៤. តើសង្រ្គាមត្រជាក់កើតឡើង និងបញ្ចប់នៅពេលណា ? ចូររកមូលហេតុនៃសង្គ្រាមត្រជាក់ ? ចូរលើកយកព្រឹត្តិការណ៍ធំៗក្នុងពេលមានសង្រ្គាមត្រជាក់​ឱ្យបានបួនយ៉ាងតិច ​។

៥. ហេតុអ្វីបានជាអង្គការសហប្រជាជាតិ(UN) ត្រូវបានបង្កើតឡើង ? តើអង្គការសហប្រជាជាតិ(UN)

មានគោលការណ៍អ្វីខ្លះ ? តើអង្គការសហប្រជាជាតិ (UN) បានជួយដោះស្រាយបញ្ហាអ្វីខ្លះដល់ប្រទេសកម្ពុជាចាប់តាំងពីប្រទេសកម្ពុជាបានចូលជាសមាជិកនៃអង្គការសហប្រជាជាតិនេះរហូតមកដល់បច្ចុប្បន្ន ?

ចម្លើយ

១. មូលហេតុនៃការបែកបន្ទាយលង្វែក ៖

• ព្រះរាជា ៖ សត្ថាទី១ ទៅជួយរំដោះក្រុងអយុធ្យាពីការត្រួតត្រារបស់ភូមា
• សៀម ៖ រមិលគុណ ប្រើល្បិចបញ្ជូនសង្ឃមកយកការណ៍ និងប្រើល្បិចបាចប្រាក់ដូង
• ប្រជារាស្រ្ត ៖ នាំគ្នាកាប់ឆ្ការឫស្សី
• សាមគ្គី ៖ ប្រជាជនគ្មានឯកភាពជាតិ ។

ការបែកបន្ទាយលង្វែកនេះផ្តល់ផលវិបាក ៖

• ប្រទេសធ្លាក់ក្នុងវិបត្តិកាន់តែធ្ងន់ធ្ងរ
• ប្រទេសធ្លាក់ទៅជារដ្ឋទន់ខ្សោយមួយនៅអាស៊ីអាគ្នេហ៍ (បាត់បង់ឬទ្ធានុភាព)
• កម្ពុជាបាត់បង់កេតនភ័ណ្ឌជាតិ គ្រោះទុរភិក្សកើតពេញផ្ទៃប្រទេស
• បាត់បង់ទឹកដីដូចជា ខេត្តចន្ទបុរី បញ្ចឹមបុរី នគរាជសីមា បាត់ដំបង សៀមរា​​ប ពោធិសាត់
• ប្រជារាស្រ្តបាត់បង់ជំនឿលើព្រះរាជា (ក្សត្រ៤អង្គ គ្មានទសពិធរាជធម៍) ។

២. ក្រោយថ្ងៃទី១៧ មេសា ១៩៧៥ កងកម្លាំងប្រដាប់អាវុធរំដោះជាតិកម្ពុជាបានអនុវត្តតាមបញ្ជារបស់លេខាបក្សកុំមុយនីសកម្ពុជាប្រជាធិបតេយ្យ ៨ ប្រការគឺ ៖

1. ជម្លៀសប្រជាជនចេញពីទីក្រុងទាំងអស់
2. លុបបំបាត់ទីផ្សារ
3. លុបបំបាត់រូបិយបណ្ណរបស់ លន់ នល់ ហើយដកទុករូបិយបណ្ណបដិវត្តដែលបានបោះពុម្ភរូចហើយ
4. ផ្សឹកព្រះសង្ឃដែលកាន់ព្រះពុទ្ធសាសនាទាំងអស់ អោយទៅធ្វើស្រែចម្ការតាមទិសដែលពួកគេទៅដល់តាមមូលដ្ឋាននីមួយៗ
5. ប្រហារជីវិតមេដឹកនាំរបស់របប លន់ នល់
6. បង្កើតសហករណ៍កម្រិតខ្ពស់ទូទាំងប្រទេស
7. បណ្តេញជនជាតិវៀតណាមឱ្យចេញទាំងអស់
8. បញ្ជូនទ័ពទៅតាមព្រំប្រទល់ ជាពិសេសព្រំប្រទល់ប្រទេសវៀតណាម ។

៣. សន្ធិសញ្ញាសឺណឺវឆ្នាំ ១៩៥៤ បានអនុម័តលើកិច្ចព្រមព្រៀង សេចក្តីប្រកាសនិងសេចក្តីថ្លែងការណ៍ទាក់ទងនិងកម្ពុជាដូចជា ៖

• កិច្ចព្រមព្រៀងការណ៍ស្តីពីការបញ្ឈប់បទបាញ់គ្នានៅក្នុងប្រទេសកម្ពុជា
• សេចក្តីប្រកាសរបស់រដ្ឋាភិបាលកម្ពុជាទាក់ទងនឹងសម្ព័ន្ធភាពយោធា ការតាំងមូលដ្ឋានទ័ពបរទេស និងការជួយឩបត្ថមកម្លាំងយោធាពីបរទេស
• សេចក្តីប្រកាសរបស់រដ្ឋាភិបាលបារាំងស្តីពីការដកកម្លាំងទ័ពបារាំងចេញពីទឹកដីប្រទេសឥណ្ឌចិន
• សេចក្តីថ្លេងការណ៍របស់សន្និសិទ្ធិទាក់ទងនឹងកិច្ចព្រមព្រៀងសឺណែវ
• សេចក្តីថ្លែងការណ៍បិទសន្និសិទ្ធិ(សមាជិកទាំងអស់បានប្រកាសស្តីពីកាតព្វកិច្ចរបស់ខ្លួន គោរពនូវឯករាជ្យនិងអធិបតេយ្យភាពរបស់ប្រទេសកម្ពុជានៅក្នុងឥណ្ឌចិន) ​។

៤. សង្រ្គាមត្រជាក់កើតឡើងនៅឆ្នាំ ១៩៤៧ និងបញ្ចប់នៅឆ្នាំ ១៩៩១ ។  មូលហេតុនៃសង្គ្រាមត្រជាក់ គឺការប្រឈមមុខដាក់គ្នារវាងមនោគមវិជ្ជាកុំមុយនីស និងមនោគមវិជ្ជាសេរី ។  ព្រឹត្តិការណ៍សំខាន់ៗក្នុងពេលមានសង្រ្គាមត្រជាក់មាន ៖

• ការបែងចែករូបិយបណ្ណអាឡឺម៉ង់ខាងលិច និងអាឡឺម៉ង់ខាងកើត
• ការបង្កើតបក្សសម្ព័ន្ធអូតង់ និងវ៉ាសូវី
• ការក្រកួតប្រជែងខាងបច្ចេកវិទ្យា និងសព្វាវុធ
• សង្រ្គាមនៅឩបទ្វីបកូរ៉េ ។

៥. បានជាអង្គការសហប្រជាជាតិ(UN)ត្រូវបានបង្កើតឡើងព្រោះ ៖

• ពិភពលោកចង់បានសន្តិភាព
• សង្រ្គាមលោកលើកទី២ រាលដាលពេញពិភពលោក
• សង្គមប្រជាជាតិគ្មានឥទ្ធិពល ។

អង្គសហប្រជាជាតិ(UN) មានគោលការណ៍ដូចជា ៖

• UN ផ្អែកលើសមភាព និងអធិបតេយ្យភាពរវាងសមាជិកទាំងអស់
• សមាជិកទាំងអស់ត្រូវដោះស្រាយរាល់ជម្លោះអន្តរជាតិ ដោយមធ្យោបាយសន្តិភាពនៅក្នុងលក្ចខណ្ឌដោយមិនឱ្យខូចខាតដល់សន្តិភាព សន្តិសុខ និងយុត្តិធម៍
• សមាជិកទាំងអស់ត្រូវតែបំពេញកាតព្វកិច្ច ដោយជឿជាក់រដ្ឋធម្មនុញ្ញនៃ UN
• ត្រូវអត់ធ្មត់រាល់អំពើគំរាមកំហែង និងការប្រើប្រាស់កម្លាំងប្រឆាំងនឹងប្រទេសណាមួយក្នុងទំនាក់ទំនងអន្តរជាតិរបស់ខ្លួន ។
• ធម្មនុញ្ញមិនអនុញ្ញាតិឱ្យអង្គការសហប្រជាជាតិធ្វើអន្តរាគមន៍កិច្ចការផ្ទៃក្នុងរបស់ប្រទេសណាមួយឡើយ ។

អង្គការសហប្រជាជាតិ (UN) បានជួយដោះស្រាយបញ្ហាដល់ប្រទេសកម្ពុជាចាប់តាំងពីប្រទេសកម្ពុជាបានចូលជាសមាជិកនៃអង្គការនេះរហូតមកដល់បច្ចុប្បន្នដូចជា ៖

• ១៥ មិថុនា ១៩៦២ ជួយដោះស្រាយរឿងក្តីប្រាសាទព្រះវិហារ
• ២៣ តុលា ១៩៩១ កិច្ចព្រមព្រៀងសន្តិភាពទីក្រុងប៉ារីស
• ២៣-២៦ ឩសភា ១៩៩៣ រៀបចំការបោះឆ្នោតនៅកម្ពុជា
• ០៧ កក្កដា ១៩៩៣ បញ្ចូលប្រាសាទព្រះវិហារក្នុងបញ្ជីបេតិកភណ្ឌពិភពលោក
• ក្រុមប្រឹក្សាសេដ្ឋកិច្ច និងសង្គម​ (អប់រំ សុខាភិបាល)
• ១៨ តុលា ២០១១ តុលាការអន្តរជាតិបានបញ្ជា​ឱ្យទ័ពថៃ និងកម្ពុជាដកចេញពីតំបន់ប្រាសាទព្រះវិហារ ។​