តើសង្គ្រាមស៊ីវិលនៅកម្ពុជា នាសម័យសាធារណរដ្ឋខ្មែររយៈពេល ៥ឆ្នាំ ពីឆ្នាំ១៩៧០ ដល់ឆ្នាំ១៩៧៥ បានបង្កវិនាសកម្មអ្វីខ្លះ ដល់ប្រទេសជាតិ ប្រជាជន និងមាតុភូមិ ?

​សង្គ្រាមស៊ីវិលនៅកម្ពុជា នាសម័យសាធារណរដ្ឋខ្មែររយៈពេល ៥ឆ្នាំ ពីឆ្នាំ១៩៧០ ដល់ឆ្នាំ១៩៧៥ បានបង្កវិនាសកម្ម ដល់ប្រទេសជាតិ ប្រជាជន និងមាតុភូមិដូចជា៖

• ប្រទេសជាតិទាំងមូលក្លាយជាទីរហោស្ថាន អំពើចោរកម្ម ហឹង្សា អាណាធិបតេយ្យ ការអត់ឃ្លាន អតិផរណាសាច់ប្រាក់ និង ទំនិញ.......។
• កុមារជាច្រើន ត្រូវបានស្លាប់ជាបន្តបន្ទាប់ ដោយសារការអត់ឃ្លានិងជំងឺ...។
• ប្រជាជន នៅតាមបណ្តារខេត្តមួយចំនួន ភ័យខ្លាច ហើយភៀសខ្លួនមកភ្នំពេញ។
• ប្រជាជន កម្ពុជា​ ជាង ១ លាន នាក់ បានត្រូវស្លាប់ និងរបួស។
• បំផ្លាញ​ ហេដ្ឋារចនា សម្ព័ន្ទ សង្គម និងសេដ្ឋកិច្ច ពី ៧០% ទៅ ៨០% ត្រូវបំផ្លាញទាំងស្រុង ។
• វាលស្រែក្លាយ​ជាចម្ការមីន និងរណ្ដៅគ្រាប់ បែក បេ៥២ (B52)
• បំផ្លាញ ឬសគល់ប្រព័ន្ធអប់រំ ពោលគឺ គ្រឹះស្ថាន សិក្សាទាំងអស់ ត្រូវបានបិទទ្វារ លែងដំណើរការ
• សំណង់អគារសាធារណៈ រោង​​ចក្រឧស្សាហកម្ម និងចម្ការកៅស៊ូ ត្រូវបានបំផ្លិច បំផ្លាញ និងបាត់បង់
• ធ្វើឲ្យសង្គមជាតិ ទាំងមូល មានលក្ខណៈអសកម្មក្នុងការអភិវឌ្ឍន៏ជាតិ៕