វិញ្ញាសាវប្បធម៌ទូទៅ ត្រៀមប្រឡងចូលពេទ្យ (វិញ្ញាសាទី៨)

សំនួរ

១. តើចម្រៀងជាតិខ្មែរជាស្នាព្រះហស្ថរបស់ព្រះអង្គណា ? និពន្ធនៅពេលណា ? មានចំណងជើងដូចម្តេច ? ចែកជាប៉ុន្មានវគ្គ ? គឺអ្វីខ្លះ ?

២. តើគណៈកម្មាធិការអចិន្រ្តៃយ៍នៃរដ្ឋសភានិងព្រឹទ្ធសភានាបច្ចុប្បន្ននេះមានប៉ុន្មាន ? គឺអ្វីខ្លះ ? តើគណៈកម្មការនីមួយៗកើតឡើងយ៉ាងដូចម្តេច ?

៣. នៅពេលដែលកម្ពុជាធ្វើសមាហរណកម្មវិស័យអប់រំទៅក្នុងសមាគមអាស៊ាន តើកម្ពុជាមានបញ្ហាប្រឈមអ្វីខ្លះ ?

៤. តើគេចែកតំបន់នៅប្រទេសកម្ពុជាជាប៉ុន្មាន ? អ្វីខ្លះ ?

ចម្លើយ

១. ចម្រៀងជាតិខ្មែរជាស្នាព្រះហស្ថរបស់សម្តេចព្រះមហាសុមេធាធិបតី ជួន ណាត (ព្រះសង្ឃរាជថ្នាក់ទី១គណៈមហានិកាយ) ។ តាក់តែងនិពន្ធនៅក្នុងសម័យអាណានិគមនិយមបារាំង ថ្ងៃទី២០ កក្កដា ១៩៤១ ។ មានចំណងជើងថា “នគររាជ” ។ បទនេះចែកជាបីវគ្គ ៖

• វគ្គទី១ ៖ រំឭកដល់ទេវតា សូមជួយថែរក្សាព្រះមហាក្សត្រ ។
• វគ្គទី២ ៖ រំឭកដល់សម្បត្តិវប្បធម៌មានប្រាសាទ បុរាណជាដើម ។
• វគ្គទី៣ ៖ រំឭកដល់គុណព្រះពុទ្ធសាសនា ។

២. រដ្ឋសភានិងព្រឹទ្ធសភាកម្ពុជា មានគណៈកម្មការនីមួយៗចំនួន ១០ ដូចគ្នា គឺ ៖

        ១. គណៈកម្មការ ការពារសិទ្ធិមនុស្ស និងទទួលពាក្យបណ្តឹង

        ២. គណៈកម្មការ ហិរញ្ញវត្ថុ និងធនាគារ

        ៣. គណៈកម្មការ សេដ្ឋកិច្ច ផែនការវិនិយោគ កសិកម្ម អភិវឌ្ឍន៌ជន និងបរិស្ថាន

       ៤. គណៈកម្មការ មហាផ្ទៃ ការពារជាតិ អង្កេតការ និងបោសសម្អាត

       ៥.​ គណៈកម្មការ កិច្ចការបរទេស សហប្រតិបត្តិការ អន្តរជាតិ ឃោសនាការ និងព័ត៌មាននៃរដ្ឋសភានឹងព្រឹទ្ធសភា

      ៦. គណៈកម្មការ នីតិកម្ម នៃរដ្ឋសភា និងព្រឹទ្ធសភា

     ៧. គណៈកម្មការ អប់រំធម្មការ វប្បធម៌ និងទេសចរណ៌

     ៨. គណៈកម្មការ សុខាភិបាល សង្គមកិច្ចការងារ និងកិច្ចការនារី

     ៩. គណៈកម្មការ សាធារណៈការដឹកជញ្ជូនទូរគមនាគមន៍ ប្រៃសណីយ៌ ឩស្សាហកម្មថាមពល និងពាណិជ្ជកម្ម

     ១០.​ គណៈកម្មការ ប្រយុទ្ធប្រឆាំងអំពើពុករលួយ ។

៣. នៅពេលដែលកម្ពុជាធ្វើសមាហរណកម្មវិស័យអប់រំទៅក្នុងសមាគមអាស៊ាន កម្ពុជានឹងជួបនូវបញ្ហាប្រឈមមួយចំនួនដូចជា ៖

• ភាសាបរទេស (អង់គ្លេស ចិន...)
• ឯកសារស្រាវជ្រាវផ្សេងៗនៅមានកម្រិត
• កម្មវិធីសិក្សានៅមិនទាន់មានលក្ខណៈស្តង់ដារនៅឡើយ
• គ្រឹះស្ថានរដ្ឋមួយចំនួននៅខ្វះខាតអាគារសិក្សាខ្វះសម្ភារសិក្សា ខ្វះធនធានមនុស្ស (នាយកប្រកបដោយសមត្ថភាព គ្រូបង្រៀន...) ថ្នាក់រៀននៅមិនទាន់គ្រប់កម្រិត ខ្វះសៀវភៅសិក្សាគោលសម្រាប់សិស្សឈ គ្រូ និងសម្ភាររូបវន្តផ្សេងៗ
• បៀរវត្សសាស្រ្តចារ គណៈគ្រប់គ្រង គ្រូបង្រៀននៅមិនទាន់ឆ្លើយតបទៅនឹងជីវភាពនៅឡើយ
• និស្សិត សាស្រ្តចារ្យ នៅមិនទាន់មានកុំព្យូទ័រប្រើប្រាស់ មិនទាន់ចេះប្រើប្រាស់់ និងមិនទាន់មានការទម្លាប់ក្នុងការស្រាវជ្រាវតាមប្រព័ន្ធ lnternet ឬឯកសារផ្សេងៗ
• បច្ចេកទេស (lT...) នៅមានកម្រិត ទាំងធនធានមនុស្សជាដើម
• ភ្លើងអគ្គិសនី នៅមិនទាន់មានគ្រប់គ្រាន់ជាពិសេសនៅតាមបណ្តាខេត្តមួយចំនួន ឬតម្លៃចរន្តអគ្គិសនីមានតម្លៃខ្ពស់
• មានការប្រកួតប្រជែងរវាងយុវជនជាតិ និងបរទេស នៅលើទីផ្សារការងារ...។

៤. គេចែកតំបន់នៅក្នុងប្រទេសកម្ពុជាយើងជា ៤តំបន់គឺ

• តំបន់វាលរាប
• តំបន់ទន្លេសាប
• តំបន់ឆ្នេរសមុទ្រ
• តំបន់ខ្ពង់រាបនិងតំបន់ភ្នំ ។