តើក្រោយសង្រ្គាមលោកលើកទី១ ប្រទេសជប៉ុនមានស្ថានភាពនយោបាយសេដ្ឋកិច្ចដូចម្តេច ?

ក្រោយសង្រ្គាមលោកលើកទី១ ប្រទេសជប៉ុនមានស្ថានភាពនយោបាយសេដ្ឋកិច្ចដូចជា ៖

• នៅឆ្នាំ ១៩២០-១៩២១ វិបត្តិសេដ្ឋកិច្ចបានកើតឡើង នៅក្នុងប្រទេសជប៉ុន ក៏ដូចនៅក្នុងសហរដ្ឋអាមេរិកដែរ
• នៅឆ្នាំ ១៩២៣ គ្រោះធម្មជាតិបានកើតឡើង ដោយការរញ្ជួយដីប៉ះចំលើតំបន់មានមនុស្សរស់នៅកកកុញ ។ រាជធានីតូក្យូខ្ទេចខ្ចីទាំងស្រុង មនុស្ស ១៥០ ពាន់នាក់បាត់បង់ជីវិត
• នៅឆ្នាំ ១៩២៤ ស្ថានភាពបានប្រសើរឡើងវិញ ប៉ុន្តែពុំបានបន្តពេលយូរទេនៅឆ្នាំ ១៩២៩ ជប៉ុនបានជួបប្រទះនឹងវិបត្តិសេដ្ឋកិច្ចជាថ្មីដូចជាប្រទេសមូលធននិយមដទៃទៀតដែរ
• មេដឹកនាំជប៉ុនបានមើលឃើញផ្លូវដំណោះស្រាយមានតែម៉្យាងគឺឈានទៅរករបបយោធានិយមបែបថ្មីមួយទៀតដោយពង្រឹងគោលនយោបាយឈ្លានពានទឹកដីប្រទេសចិនខាង ហើយបង្កើតរចនាសម្ព័ន្ធដឹកនាំចក្រពត្តិអាណានិគមនិយមក្នុងទិសដៅស្តារ និងលើកកម្ពស់សេដ្ឋកិច្ចប្រទេសជាតិរបស់ខ្លួនដោយដំណាក់កាលចន្លោះសង្រ្គាមលោកទាំងពីរលើកចេញមកពីជួរយោធា ឩត្តមសេនីយ៍ ឬឩត្តមនាវី ។