ការបំពុលអាកាស

សំណួរ

១. ដូចម្តេចដែលហៅថាការបំពុលអាកាស ?

២.ចូររៀបរាប់សារធាតុបំពុលអាកាសសំខាន់ៗ ។

៣. តើការបំពុលអាកាសបង្កឲ្យមានបាតុភូតអ្វីខ្លះកើតឡើង ?​     

៤.ចូររៀបរាប់ពីផលប៉ះពាល់ ចំពោះសុខភាពប្រជាជនដែលបណ្តាលមកពីការបំពុលអាកាស ។

៥.តើយើងអាចកាត់បន្ថយការបំពុលអាកាស ដោយវិធីអ្វីខ្លះ ?

ចម្លើយ

១. ដែលហៅថាការបំពុលអាកាស គឺជាការបន្ថែមសារធាតុបំពុលទាំងឡាយចូលក្នុងបរិយាកាស និងបង្កឲ្យមានបាតុភូត ភ្លៀងអាស៊ីត ស្រទាប់អូសូនស្តើង និងការឡើងកម្តៅលើផែនដី ។

២. រៀបរាប់សារធាតុបំពុលអាកាសសំខាន់ៗមាន៖

• ឧស្ម័នការបូនិច
• ស្ពាន់ធ័រឌីអុកស៊ីត ស្ពាន់ធ័រទ្រីអុកស៊ីត
• អាសូតម៉ូណូអុកស៊ីត អាសូតឌីអុកស៊ីត ឌីអាសូតម៉ូណូអុកស៊ីត
• សមាសធាតុសរីរាង្គហើរៈ មេតាន បង់សែនក្លរ៉ូភ្លុយអរ៉ូកាបូន
• ភាគល្អិតអណ្តែតវិលវល់ៈ ភាគល្អិតរឹងដូចជា ធូលី សំណ ប្រេង ថ្នាំសម្លាប់សត្វល្អិតចង្រៃ...។

៣. ការបំពុលអាកាសបង្កឲ្យមានបាតុភូត កើតឡើងដូចជា៖ ភ្លៀងអាស៊ីត ស្រទាប់អូសូនស្តើង និងកំណើននៃការឡើងកម្តៅលើផែនដី ។

៤. រៀបរាប់ពីផលប៉ះពាល់ ចំពោះសុខភាពប្រជាជនដែលបណ្តាលមកពីការបំពុលអាកាស ការបំពុលអាកាសមានបញ្ហាយ៉ាងធ្ងន់ធ្ងរ ដល់សុខភាពមនុស្សដូចជា ជម្ងឺ ផ្លូវដង្ហើម ជម្ងឺមហារីក បេះដូងសួតនិងជម្ងឺខួរក្បាលចំពោះកុមារ ...។

៥. យើងអាចកាត់បន្ថយការបំពុលអាកាស ដោយវិធី៖

• មិនត្រូវដុតសំរាមក្រៅឡ នៅតាមលំនៅស្ថាន
• ប្រើប្រាស់ប្រេងសាំងគ្មានជាតិសំណ
• ដាំដើមឈើតាមបណ្តោយផ្លូវ ដែលមានចរាចរណ៍មមាញឹក
• កាត់បន្ថយយានយន្តប្រើប្រាស់ឥន្ធនៈផូស៊ីល
• តំបន់ឧស្សាហកម្ម និងកន្លែងចាក់សំរាមត្រូវនៅឆ្ងាយនៅទីប្រជុំជន
• សាងសង់ផ្លូវធំៗ និងអាគារទាបៗ...។