Ask
Websites Login
user icon
Scholarships
នៅ 2019-01-10

Brunei Darussalam Scholarship on Enhancing Professional Communication Skills for ASEAN 209


UBD-FPT Global Center

Vietnam

Short Course

Deadline: 2019-01-18

345 0 0
user icon
Scholarships
នៅ 2019-01-10

Teacher training students in Japan 2019


University in Japan

Japan

Exchange Program

Deadline: 2019-01-29

117 0 0
user icon
Scholarships
នៅ 2019-01-03

Scholarship 2019 - 2020 Shaanxi Normal University for International Student


Shaanxi Normal University

China

Master/Doctor or PhD

Deadline: 2019-04-10

125 0 1
user icon
Scholarships
នៅ 2018-12-27

HKBU Full Scholarship for International Scholarship in Hong Kong, 2019


Hong Kong Baptist University

Hong Kong

Master

Deadline: 2019-05-31

106 0 0
user icon
Scholarships
នៅ 2018-12-27

The UCSI University Trust Graduate Scholarship 2019 for International Student


UCSI University

Malaysia

Master/Doctor or PhD

Deadline: 2019-03-22

79 0 0
user icon
Geo
នៅ 2017-07-26
សួរអំពី៖អាស៊ាន សង្គម

តើ​សេច​ក្តី​ថ្លៃង​ការណ៍​ស្តី​អំពី​ការ​ព្រម​ព្រៀង​រួម​រស់​ជា​មួយ​គ្នា​នៃ​សមា​គម​ប្រជា​ជាតិ​អាស៊ី​អាគ្នេយ៍ ធ្វើ​ឡើង​នៅថ្ងៃ ខែ ឆ្នាំណា? នៅទីណា? សេចក្តី​ថ្លែង​ការណ៍​នេះ​បាន​ប្រកាស​យ៉ាង​ដូចម្តេច?

162 1 comments:0 0
ចម្លើយពី Geo

សេចក្តី​ថ្លែង​ការ​ណ៍​ស្តី​អំពី​ការ​ព្រម​ព្រៀង​រួម​រស់​ជា​មួយ​គ្នា​នៃ​សមាគម​ប្រជា​ជាតិ​អាស៊ី​អាគ្នេយ៍​ធ្វើ​ឡើង​នៅ​កោះ​បាលី ថ្ងៃទី២៤ ខែ​កុម្ភៈ ឆ្នាំ១៩៧៦។

សេចក្តី​ថ្លែង​ការណ៍​នេះ​បាន​ប្រកាស​ថាៈ កិច្ច​សហ​ប្រតិ​បត្តិ​ការ​របស់​អា​ស៊ាន​ត្រូវ​យក​ចិត្ត ទុក​ដាក់​លើ​គោល​បំណង​និង​គោល​ការណ៍​នានា​ដូច​ខាង​ក្រោម​នេះ​ក្នុង​ការ​ស្វែង​រក​ស្ថិរ​ភាព​នយោ​បាយ៖

  1. ស្ថិរ​ភាព​នៃ​រដ្ឋ​ជា​សមា​ជិក​អាស៊ាន​និមួយៗនិង​នៅ​ក្នុង​តំបន់​អាស៊ាន គឺ​ជា​ការ​រួម​វិភាគ​ទាន យ៉ាង​សំខាន់​សម្រាប់​សន្តិភាព និង​សន្តិ​សុខ​អន្តរ​ជាតិ។ រដ្ឋ​ជា​សមា​ជិក និមួយៗ​រិះ​រក​ដំណោះ​ស្រាយ​ដើម្បី​លុប​បំបាត់​ចោល​នូវ​ការ​គំរាម​កំហែង​ទាំង​ឡាយ​ ដែល​បង្ក​ឡើង​ដោយ​វិទ្ធង្សនា​ចំពោះ​ស្ថិរភាព​របស់​ខ្លួន​ដូច្នេះ​ត្រូវ​ពង្រឹង​ភាព​រឹង​មាំ​របស់​ជាតិ និង​របស់អាស៊ាន។
  2. រដ្ឋ​ជា​សមា​ជិក​ទាំង​ឡាយ​ជា​ឯក​រដ្ឋ និង​ជា​សមូហ​រដ្ឋ​ត្រូវ​ចាត់​វិធាន​ការ​ឲ្យ​បាន​សកម្ម​ដើម្បី​បង្កើត​ឲ្យ​បាន​ឆាប់​នូវ​តំបន់​សន្តិភាព សេរីភាព អព្យាក្រិតភាព។
  3. ការ​លុប​បំបាត់​ចោល​ភាព​ក្រីក្រ ការ​ស្រេក​ឃ្លាន ជំងឺ​និង​អនក្ខរកម្ម គឺ​ជា​កង្វល់​ដ៏​ចម្បង​របស់​រដ្ឋ​ជា​សមា​ជិក។ ដូច្នេះ​រដ្ឋ​ជា​សមា​ជិក​ទាំង​អស់​ត្រូវ​ពង្រឹង​កិច្ច​សហ​ប្រតិ​បត្តិ​ការ​ក្នុង​ការ​អភិវឌ្ឍ សង្គម និង​សេដ្ឋ​កិច្ច​ដោយ​សង្កត់​ធ្ងន់​លើ​ការ​បង្កើន​យុត្តិ​ធម៌​សង្គម និង​ការ​ធ្វើ​ឲ្យ​ប្រសើរ​ឡើង​នូវ​កម្រិត​ជីវ​ភាព​របស់​ប្រជា​ពល​រដ្ឋ​របស់​ខ្លួន។
    • គ្រោះ​ធម្ម​ជាតិ និង​មហន្ត​រាយ​ធំៗអាច​ពន្យល់​ដំណើរ​ការ​អភិ​វឌ្ឍ​របស់​ប្រទេស​ជា​សមា​ជិក។ ប្រទេស​ជា​សមា​ជិក​ត្រូវ​ផ្តល់​ជំនួយ​សង្គ្រោះ​ទៅ​តាម​លទ្ធ​ភាព​ដល់​បណ្តា​ប្រទេស​ជា​សមា​ជិក​ ដែល​កំពុង​ជួប​ការ​លំ​បាក។
    • បណ្តា​ប្រទេស​ជា​សមា​ជិក​ត្រូវ​ចាត់​វិ​ធាន​ការ​រួម​គ្នា​នៅ​ក្នុង​កម្ម​វិធី​អភិ​វឌ្ឍ​ជាតិ និង​តំបន់​ដោយ ប្រើ​ប្រាស់​ឲ្យ​អស់​លទ្ធ​ភាពនូវ​ធន​ធានដែល​មាន​នៅ​ក្នុង​តំបន់​អាស៊ាន ដើម្បី​ពង្រីក​សេដ្ឋ​កិច្ច នៅ​ក្នុង​ប្រទេស​ជា​សមា​ជិក​នីមួយៗឲ្យ​បាន​ពេញ​បរិបូណ៌។
    • ដោយ​ឈរ​លើ​ស្មារតី​សាមគ្គីភាព​នៅ​ក្នុង​តំបន់​អាស៊ាន​រដ្ឋ​សមា​ជិក​ត្រូវ​ប្រើ​ប្រាស់​មធ្យោ​បាយ សន្តិ​វិធី​ជា​ដាច់​ខាត​ដើម្បី​ដោះ​ស្រាយ​រាល​ការ​ខ្វែង​គំនិត​គ្នា​ក្នុង​រង្វង់​តំបន់។
    • រដ្ឋ​ជា​សមា​ជិក​ទាំង​អស់​ត្រូវ​ខិត​ខំ​ប្រឹង​ប្រែង​ជា​លក្ខ​ណៈឯក​រដ្ឋ និង​សមូ​ហរដ្ឋ​ដើម្បី​បង្ក​លក្ខណៈ​អនុ​គ្រោះ​ដល់​ការ​ព្រីក្សា​កិច្ច​សហ​ប្រតិ​បត្តិ​ការ​ប្រកប​ដោយ​ សន្តិភាព​ក្នុង​ចំណោម​ប្រជា​ជាតិ​នៅ​អាស៊ី​អាគ្នេយ៍​ដោយ​ឈរ​លើ​មូល​ដ្ឋាន​គោរព​គ្នា​ទៅវិញ​ទៅ​មក និង​ផ្តល់​ផល​ប្រយោជន៍​ឲ្យ​គ្នា​ទៅ​វិញ​ទៅមក។
    • រដ្ឋ​ជា​សមា​ជិក​ត្រូវ​បង្ករ​កង្កើន​ការ​យល់​ដឹង​អំពី​អត្តសញ្ញាណ​តំបន់ និង​ខំ​ប្រឹង​ប្រែង​យ៉ាង​ពេញ ទំហឹង​ដើម្បី​បង្កើត​សមា​គម​អាស៊ាន​ដ៍​ខ្លាំង​ក្លា​មួយ​ដែល​ត្រូវ​បាន​ទទួល​ការ​គោរព​ពី​គ្រប់​ប្រជា​ជាតិ ហើយ​ត្រូវ​គោរព​ប្រជា​ជាតិ​ទាំង​នោះវិញ ដោយ​ឈរលើ​មូលដ្ឋាន​ទំនាក់​ទំនង​ផ្តល់​ផល ប្រយោជន៍​ឲ្យ​គ្នា​ទៅ​វិញ​ទៅ​មក និង​ស្រប​ទៅតាម​គោល​ការណ៍​សិទ្ធិ​ស្វ័យ​សម្រេច ស្មើ​ភាព លើ​អធិប​តេយ្យ​ភាព និង​ការមិ​ន​ជ្រៀត​ជ្រែក​ចូល​កិច្ច​ការ​ផ្ទៃ​ក្នុង​ផង​គ្នា។
user icon
Geo
នៅ 2017-07-26
សួរអំពី៖អាស៊ាន សង្គម

តើ​សេចក្តី​ថ្លែង​ការណ៍​ស្តី​ពី​តំបន់​សន្តិភាព សេរីភាព និងអព្យាក្រឹត របស់​អាស៊ាន​ធ្វើ​ឡើង​នៅ​ថ្ងៃ ខែ ឆ្នាំណា? នៅទីណា?

157 1 comments:0 0
ចម្លើយពី Geo

សេចក្តី​ថ្លែង​ការណ៍​ស្តីពី​តំបន់​សន្តិភាព សេរីភាព និង​អព្យា​ក្រឹត​របស់​អាស៊ាន​ធ្វើ​ឡើង នៅ​ទី​ក្រុង​កូឡា​ឡាំពួ នៅ​ថ្ងៃ២៧ ខែវិច្ឆិកា ឆ្នាំ១៩៧១។

user icon
Geo
នៅ 2017-07-26
សួរអំពី៖អាស៊ាន សង្គម

តើ​ច្បាប់​ស្តី​អំពី​ការ​អនុវត្ត​ទំនាក់​ទំនង​ក្រៅ​តំបន់​របស់​អាស៊ាន​បាន​ចែង​ដូច​ម្តេច?

116 1 comments:0 0
ចម្លើយពី Geo

​ច្បាប់​ស្តី​អំពី​ការ​អនុវត្ត​ទំនាក់​ទំនង​ក្រៅ​តំបន់​របស់​អាស៊ាន​បាន​ចែង​ដូច​ខាងក្រោម៖

  • អា​ស៊ាន​ត្រូវ​អភិវឌ្ឍ​ទំនាក់​ទំនង​ជា​មិត្ត​ភាព និង​កិច្ច​សន្ទនា​ដែល​បាន​ផ្តល់​ផល​ប្រយោជន៍​ទៅ វិញ​ទៅ​មក​ក្នុង​កិច្ច​សហ​ប្រតិ​បត្តិ​ការ និង​ជា​ដៃ​គូជា​មួយ​បណ្តា​ប្រទេស និង​អនុ​តំបន់ និង​អង្គការ​អន្តរ​ជាតិ និង​ស្ថាប័ន​ដទៃ​ទៀត
  • ទំនាក់​ទំនង​ក្រៅ​តំបន់​របស់​អាស៊ាន​ត្រូវ​ប្រកាន់​ខ្ជាប់​នូវ​គោល​បំណង​ទំាង​ឡាយ​ ដែល​មាន​ចែង​ក្នុង​ធម្ម​នុញ្ញ​នេះ។
  • អាស៊ាន​ត្រូវ​តែ​ជា​កម្លាំង​នាំមុខ​ជា​ចម្បង​មួយ​នៅ​ក្នុង​ការ​រៀប​ចំ​តំបន់​ដែល​ខ្លួន​ផ្តួច​ផ្តើម និង​រក្សា ភាព​ជា​ស្នូល​របស់​ខ្លួន​ក្នុង​កិច្ច​សហ​ប្រតិ​បត្តិ​ការ​តំបន់ និង​ការ​កសាង​សហ​គមន៍
  • ក្នុង​ការ​អនុវត្ត​ទំនាក់​ទំនង​ក្រៅ​តំបន់​អាស៊ាន រដ្ឋ​សមា​ជិក​ត្រូវ​សម្រប​សម្រួល និង​ខិត​ខំ​ប្រឹង ប្រែង​អភិវឌ្ឍ​ជំហរ​រួម និង​ធ្វើ​សកម្មភាព​រួម​គ្នា​លើ​មូល​ដ្ឋាន​នៃ​ឯក​ភាព និង​សាមគ្គី​ភាព។
  • ទិស​ដៅ​គោល​នយោ​បាយ​ជា​យុទ្ធ​សាស្រ្ត​នៃ​ទំនាក់​ទំនង​ក្រៅ​តំបន់​អាស៊ាន​ ត្រូវ​បាន​ដាក់​ចេញ​ដោយ​កិច្ច​ប្រជុំ​កំពូល​អាស៊ាន​តាម​អនុសាសន៍​របស់​កិច្ចប្រជុំ​រដ្ឋ​មន្ត្រី​ការ​បរទេស​អាស៊ាន។
  • កិច្ច​ប្រជុំ​រដ្ឋ​មន្ត្រី​ការបរទេស​អាស៊ាន​ត្រូវ​ធានា​ឲ្យ​មាន​ភាព​ស្របគ្នា និង​ភាព​រលូន​ក្នុង​ការ​អនុវត្ត​ទំនាក់​ទំនង​ក្រៅ​តំបន់​របស់​អាស៊ាន។
  • អាស៊ាន​អាច​សម្រេច​កិច្ច​ព្រម​ព្រៀង​ជា​មួយ​បណ្តា​ប្រទេស ឬអនុតំបន់ តំបន់ និងអង្គការអន្តរជាតិ និង​ស្ថាប័ន​ទាំងឡាយបាន។ និតិ​វិធី​នៃ​ការ​សម្រេច​កិច្ច​ព្រម​ព្រៀង​នេះ​ត្រូវ​បញ្ញតិ្ត​ ដោយ​ក្រុម​ប្រឹក្សា​សម្រប​សម្រួល​​អាស៊ាន ដោយ​មាន​ការ​ពិ​គ្រោះ​យោបល់​ជា​មួយ​ក្រុម​ប្រឹក្សា​សហគមន៍។
user icon
Geo
នៅ 2017-07-26
សួរអំពី៖អាស៊ាន សង្គម ច្បាប់

តើ​ច្បាប់​ស្តី​ពី​គោល​ការណ៍​ទូទៅ​ក្នុង​ការ​ដោះ​ស្រាយ​ជម្លោះ​អាស៊ាន​បាន​ចែង​យ៉ាង​ដូច​ម្តេច?

146 1 comments:0 0
ចម្លើយពី Geo

គោលការណ៍ទូទៅក្នុងការដោះស្រាយជម្លោះរបស់អាស៊ានៈ

  • រដ្ឋ​សមា​ជិក​អាស៊ាន​ ត្រូវ​ខិត​ខំ​ប្រឹង​ប្រែង​ដោះ​ស្រាយ​ជម្លោះ​ទំាង​ឡាយ​ ដោយ​សន្តិ​វិធី​ឲ្យ​ទាន់​ពេល​វេលា​តាម​រយៈ​កិច្ច​សន្យា ការ​ប្រឹក្សា​យោ​បល់ និង​ចរចា។
  • អាស៊ាន​ត្រូវ​រក្សា និង​បង្កើត​យន្ត​ការ​ដោះ​ស្រាយ​ជម្លោះ​លើ​គ្រប់​វិស័យ​នៃ​កិច្ច​សហ​ប្រតិ​បត្តិ ការ​របស់​ខ្លួន។
user icon
Geo
នៅ 2017-07-26
សួរអំពី៖អាស៊ាន សង្គម

តើ​អង្គ​ភាព​ថ្នាក់​រដ្ឋ​មន្ត្រី​ជំនាញ​តាម​ផ្នែក​របស់​អាស៊ាន​មាន​ភារៈ​កិច្ច​អ្វី​ខ្លះ?

147 1 comments:0 0
ចម្លើយពី Geo

អង្គ​ភាព​ថ្នាក់​រដ្ឋ​មន្ត្រី​ជំនាញ​តាម​ផ្នែក​របស់​អាស៊ាន​ត្រូវ៖

  1. ដំណើរ​ការ​មុខ​ងារ​ស្រប​តាម​អាណត្តិ​របស់​ខ្លួន
  2. អនុវត្ត​កិច្ច​ព្រមព្រៀង និង​សេចក្តី​សម្រេច​នៃ​កិច្ច​ប្រជុំ​កំពូល​អាស៊ាន​ដែល​ស្ថិត​នៅ​ក្រោម សមត្ថកិច្ច​របស់​ខ្លួន។
  3. ពង្រឹង​កិច្ច​សហ​ប្រតិ​បត្តិ​ការ​ក្នុង​ផ្នែក​របស់​ខ្លួន​នីមួយៗ ដើម្បី​ទ្រ​ទ្រង់​សមាហរណ​កម្ម​អាស៊ាន និង​ការ​កសាង​សហ​គមន៍
  4. ដាក់​រ​បាយការណ៍ និង​អនុសាសន៍​ជូន​ក្រុម​ប្រឹក្សា​សហ​គមន៍​អាស៊ាន​នីមួយៗ។
user icon
Geo
នៅ 2017-07-26
សួរអំពី៖អាស៊ាន សង្គម

តើ​ក្រុម​ប្រឹក្សា​សម្រប​សម្រួល​អាស៊ាន​មាន​ភារៈ​កិច្ច​អ្វី​ខ្លះ?

305 1 comments:0 0
ចម្លើយពី Geo

ក្រុម​ប្រឹក្សា​សម្រប​សម្រួល​អាស៊ាន​មាន​ភារៈកិច្ច ៖

  1. រៀប​ចំ​កិច្ច​ប្រជុំ​កំពូល​អាស៊ាន
  2. សម្រប​សម្រួល​ការ​អនុវត្ត​កិច្ច​ព្រម​ព្រៀង និងសេចក្តី​សម្រេច​របស់​កិ​ច្ច​ប្រជុំ​កំ​ពូល​អាស៊ាន
  3. សម្រប​សម្រួល​ជា​មួយ​ក្រុម​ប្រឹក្សា​សហ​គមន៍​អាស៊ាន​ដើម្បី​លើក​កម្ពស់​ភាព​រលូន​នៃ​គោល នយោ​បាយ ប្រសិទ្ធ​ភាព និង​សហ​ប្រតិ​បត្តិការ​ក្នុង​ចំណោម​គ្នា និង​គ្នា
  4. សម្រប​សម្រួល​របាយការណ៍​នានា​របស់​ក្រុម​ប្រឹក្សា​សហ​គមន៍​អាស៊ាន​ជូន​កិច្ច​ប្រជុំ​កំពូល​អាស៊ាន
  5. ពិនិត្យ​ពិចារណាលើរបាយការណ៍ប្រចាំឆ្នាំ​របស់​អគ្គ​លេខា​ធិការ​ស្តីពី​ការងារ​អាស៊ាន
  6. ពិនិត្យ​ពិចារណាលើ​របាយការណ៍​របស់​អគ្គលេខា​ធិការ​ស្តី​ពី​មុខងារ និង​ប្រតិបត្តិការនៃ អគ្គ​លេខា​ធិការ​ដ្ឋាន​អាស៊ាន និង​អង្គភាពពាក់ព័ន្ធផ្សេងទៀត
  7. ឯកភាព​ចំពោះការតែងតំាង និងការបព្ចាប់អាណត្តិ អគ្គ​លេខា​ធិការ​រង​បន្ទាប់​ពី​បាន​ទទួល​អនុសាសន៍​របស់​អគ្គ​លេខា​ធិការ
  8. អនុ​វត្ត​ការងារ​ផ្សេងៗ​ទៀត​ដែល​កំណត់​ឡើង​ក្នុង​ធម្ម​នុញ្ញ​នេះ ឬ មុខ​នាទី​ផ្សេង​ទៀត​ដែល​អាច​កំណត់​ឡើង​ដោយ​កិច្ច​ប្រជុំ​កំពូល​អាស៊ាន។
user icon
Geo
នៅ 2017-07-26
សួរអំពី៖គ្រួសារ

តើអំពើហិង្សា​ក្នុងគ្រួសារ​ផ្ដល់ផលប៉ះពាល់អ្វីខ្លះ?

843 1 comments:0 0
ចម្លើយពី Geo

អំពើហិង្សា​ក្នុងគ្រួសារ​ផ្ដល់ផលប៉ះពាល់ដូចខាងក្រោម៖

  • ផ្លូវកាយ - របួសស្នាម ពិការ បាត់បង់ជីវិត បាត់បង់ធនធានមនុស្ស
  • ផ្លូវចិត្ត​ - ភ័យខ្លាច បាក់ស្បាត អារម្មណ៍មិនហ្នឹងនរ អស់សង្ឃឹម ឡប់សតិ វិកលវរិក អាចធ្វើអត្តឃាត
  • ផ្លូវសេដ្ឋកិច្ច - ខូចខាតទ្រព្យសម្ភារៈ វិបត្តិជីវភាពគ្រួសារ បង់ខាតលើការចំណាយលើការព្យាបាលរបួស ចំណាយលើការជួសជុល ឬ ទិញរបស់ប្រើប្រាស់
  • ផ្លូវភេទ - បង្ករ​ការឈឺចាប់ផ្លូវចិត្ត មានភាពភ័យខ្លាច ភាពតក់ស្លុត រស់នៅមិនស្ងប់ អារម្មណ៍មិនល្អ អាចធ្លាក់ទៅ​ក្នុង​ការជួញដូរ​ផ្លូវភេទ អាចធ្វើអត្តឃាត ឬ ចងគំនុំសងសឹក។
user icon
Geo
នៅ 2017-07-26
សួរអំពី៖គ្រួសារ

តើ​រូបភាព​នៃអំពើហិង្សា​ក្នុងគ្រួសារ​មាន​អ្វីខ្លះ?

408 1 comments:0 0
ចម្លើយពី Geo

រូបភាពនៃអំពើហិង្សាក្នុងគ្រួសារមានដូចជា៖

  • ផ្លូវកាយ - ការវាយដំ បង្ករឲ្យមានរបួសស្នាម
  • ផ្លូវចិត្ត​ - បង្ករ​ការឈឺចាប់ បញ្ឈឺ មានៈ រឹងតឹង ជេរបញ្ចោរ ដផមដាម ប្រមាថ រើសអើង
  • ផ្លូវសេដ្ឋកិច្ច - វាយបំផ្លាញទ្រព្យសម្បត្តិ សម្ភារៈ លួច​របស់របរក្នុងផ្ទះ​យកទៅលក់ បង្ខាំង​មិនឲ្យចេញទៅប្រកបមុខរបរ
  • ផ្លូវភេទ - បង្ខំ​ចាប់​រំលោភ​ផ្លូវភេទ មិនរវល់ផ្លូវភេទ។ 
user icon
Geo
នៅ 2017-07-26
សួរអំពី៖គ្រួសារ

តើមានមូលហេតុអ្វីខ្លះដែលនាំឲ្យ​មាន អំពើហិង្សា​ក្នុង​គ្រួសារ?

396 1 comments:0 0
ចម្លើយពី Geo

មូលហេតុ​ដែល​នាំឲ្យ​មានអំពើហិង្សាក្នុងគ្រួសារ​មានដូចជា៖

  • ភាពអវិជ្ជា - អនក្ខរជន ភាពល្ងង់ខ្លៅ ដែលគ្មានការពិចារណា
  • ភាពក្រីក្រ​ - ទីទ័លក្រ ធ្វើឲ្យ​មានភាព​មួម៉ៅ ខឹងអ្នកដទៃ
  • សេពគ្រឿស្រវឹង - ធ្វើឲ្យភ្លេចភ្លាំងស្មារតី ប្ដូរចរឹតពី ស្លូត ទៅជា កាច
  • និង ការរើសអើង។ 

កត្តា​ដែល​បង្ក​ឲ្យ​មាន​អំពើ​ហិង្សាក្នុងគ្រួសារមានដូចជា៖

  • កត្តាធម្មជាតិ ៖ ស្ត្រីមានកម្លាំងខ្សោយជាងបុរស។ 
  • កត្តាបុគ្គល ៖ ប្តីមានអំណាចចាត់ទុកប្រពន្ធជាទាសី រឹងរូស ឆាប់ខឹងឆេវ​ឆាវ មួមៅ មើលងាយស្ត្រីភេទ មិនទទួលខុសត្រូវលើភារកិច្ច គិតថា អំពើហិង្សា ជាដំណោះស្រាយ ជាការអប់រំទូន្មាន។ 
  • កត្តាទំនៀមទម្លាប់ប្រពៃណី ៖ ការមិនឲ្យតម្លៃស្ត្រី ;ការអប់រំស្ត្រីឲ្យខ្លាចប្តី ;គោរព ស្តាប់បង្គាប់ប្តី សុខចិត្តរងទុក្ខអត់ធ្មត់គ្រប់យ៉ាង ។ 
  • កត្តាសង្គម ៖ គិតថាជាបញ្ហាឯកជន; មិនហ៊ានលូកដៃចូលក្នុងរឿងគ្រួសារគេ; មិនហ៊ានអន្តរាគមន៍ រឿងតូចតាច ។ 
  • កត្តាច្បាប់ ៖ ពុំទាន់មានច្បាប់ ការទប់ស្កាត់នៅមានកម្រិត​ត្រឹមការ​ផ្សះផ្សារ​ សម្រុះសម្រួល ។
×

×

One more step

Please login to share your idea

Register Login