ដំបូន្មានចុងក្រោយ

សវភៅនេះជាការរួបរួមគតិបណ្ឌិតរបស់លោក ដុកទ័រ ស្ទីហ្វេន ខូវី កាលនៅកំលោះ ដុក ទ័រ ខូវី ត្រូវបានឪពុកម្តាយរំពឹងចង់ឲ្យស្នងមុខជំនួញសណ្ឋាគាររបស់គ្រួសារតែនោះមិនមែនជាអ្វីដែលគាត់ត្រូវការទេ គាត់ត្រូវការធ្វើជាគ្រូបង្រៀនដើម្បីជួយធ្វើជាមនុស្សបញ្ចេញសក្តានុពលដ៏អស្ចារ្យរបស់ខ្លួនចេញមកព្រោះ មនុស្សគ្រប់គ្នាសុទ្ឌតែមានគុណតម្លៃ ។ គាត់សរសេរថា មនុស្សកើតមកព្រមជាមួយសក្តានុពល និងថាមពលដ៏អស្ខារ្យគ្មា​នដែនកំណត់ ។ ដូច្នេះ ទើបគាត់សិក្សាផ្នែកគ្រប់គ្រងមុខជំនួញនៅមហាវិទ្យាល័យ ហាវ៉ាដ ។ និងធ្វើការងារជាសាស្រ្តចារ្យក្នុងមហាវិទ្យាល័យ នោះតែម្តងហើយបានផ្សព្វផ្សាយពីវិធីចាត់ការអ្វីដែលនៅក្នុងដែនកំណត់នៃឥទ្ធិពល ដោយការធ្វើជាទីប្រឹក្សាឲ្យក្រុមហ៊ុន និងអ្នកដឹកនាំប្រទេសជាច្រើន ។ ក្រោយបោះពុម្ពសៀវភៅ​ The 7 Habits of Highly Effective People ក្នុងឆ្នាំ ១៩៨៩​ ជាសៀវភៅដែលបានទទួលការលើកតម្កើងថាជាសៀវភៅដែលមានឥទ្ធិពលបំផុតក្នុងបច្ចុប្បន្ន រហូត ដុកទ័រ ខូវីក្លាយជាបុគ្គលដែលមានឥទ្ធិពលបំផុតទូទាំងពិភពលោក ។ អាចនិយាយបានថាសៀវភៅនេះនិងសៀវភៅដទៃទៀតរបស់គាត់ ត្រូវបានចរាចរស្ទរតែពាសពេញពិភពលោកទៅហើយ ។ មិនត្រឹមតែការអប់រំរបស់គាត់តែប៉ុណ្ណឹងទេ សូម្បីតែជីវីតរបស់គាត់ក៏មិនដែលឈ្លក់វង្វេងនឹងលាភយសថែមទាំងបង្រៀនយើងឲ្យបានយល់ពីអត្ថន័យពិតនៃជីវីតផងដែរ ។ បំណងប្រាថ្នារបស់គាត់មានតែការប្រាប់ និងបង្រៀនពីសេចក្តីពិតនៃជីវីតដែលជាឬសដ៏គង់វង្ស និងគ្មានថ្ងៃរលុបបាត់ជាសេចក្តីពិតដែលបង្កើតភាគជោគជ័យក្នុងជីវិតកការងារនិងដើម្បីសេចក្តីពេញចិត្តក្នុងជីវីតផ្ទាល់ខ្លួន ។ សូម្បីតែខ្លួនគាត់ផ្ទាល់ក៏ឈរលើមូលដ្ឋាននៃសេចក្តីពិតនេះដែរ នោះគឺភាពស្មោះត្រង់តុល្យភាពនៃជីវីត ចក្ខុវិស័យនិងក្តីស្រឡាញ់ ។