តើអ្វីទៅជាគោលដៅនៃយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលនីតិកាលទី ៥នៃរដ្ឋសភា តើយុទ្ធសាស្ត្រចតុកោណនេះ បានដាក់ចេញនូវគោលការណ៍ចម្បងអ្វីខ្លះ ក្នុងការអភិវឌ្ឃវិស័យមុខរបរនិងការងារនៅកម្ពុជា? ហើយអ្វីខ្លះដែលជាចំណុចប្រឈមក្នុងការអនុវត្តយុទ្ធសាស្ត្រចតុកោណនេះ?

- គោលដៅនៃយុទ្ធសាស្ត្រចតុកោណដំណាក់ទី ៣ គឺដើម្បីកំណើនការងារ សមធម៌ និងប្រសិទ្ធភាព។ - យុទ្ធសាស្ត្រចតុកោណនេះបានដាក់ចេញនូវគោលការណ៍ចម្បងដូចជា៖ បន្តអនុវត្តគោលនយោបាយផ្សារភ្ជាប់ពាណិជ្ជកម្មទៅនឹងលក្ខខណ្ឌការងារ​។ ការបណ្តុះបណ្តាល វិជ្ជាជីវៈ ឱ្យស្របតាមសេចក្តីត្រូវការទីផ្សារ។ រៀបចំ និងអនុវត្តគោលនយោបាយជាតិស្តីពីមុខរបរ និងការងារ។ ពង្រឹងយន្តការវេទិការការងារ និងពង្រីកសេវារកការងារ និងការផ្សព្វផ្សាយព័ត៍មានអំពី ឱកាសការងារក្នុងនិងក្រៅប្រទេសឱបានទូលំទូលាយ។ បន្តអភិវឌ្ឃប្រព័ន្ធព័ត៍មានទីផ្សារការងារឱ្យកាន់តែល្អប្រសើរ។ បន្តអភិវឌ្ឃធនធានមនុស្សលើផ្នែកបច្ចេកទេស ឱ្យឆ្លើយតបតាមសំណូមពរនៃការអភិវឌ្ឃសង្គម។ បន្តលើកកម្ពស់លក្ខខណ្ឌការងារឱ្យកាន់តែប្រសើរ និងពង្រឹងសុខដុមរមនានៃទំនាក់ទំនងវិជ្ជាជីវៈ។ បន្តសិក្សាប្រាក់ឈ្នូលអប្បរមា និងអត្ថប្រយោជន៍ផ្សេងៗរបស់កម្មករនិយោជិត។ បន្តពង្រីកសេវាសាធានារ៉ាប់រងហានិភ័យការងារ រៀបចំអនុវត្តធានារ៉ាប់រងសុខភាព សម្រាប់កម្មករនិយោជតព្រមទាំងធានារ៉ាប់រងប្រាក់សោធន។ បញ្ហាប្រឈមក្នុងការអនុវត្តយុទ្ធសាស្ត្រចតុកោណ មានដូចជា៖ មិនសូវមានការចូលរួមខ្ពស់ និងមោះមុតពីសាធារណជន មន្ត្រី អ្នកនយោបាយ និងថ្នាក់ដឹងនាំគ្រប់អង្គភាព ឬស្ថាប័ន។ ភាពមិនប្រាកដប្រជានៃសេដ្ឋកិច្ច និងហិរញ្ញវត្ថុពិភពលោក ការធ្វើវិសោធនកម្ម និងពង្រឹងយន្តការច្រើន ដើម្បីជម្រុញការអនុវត្ត ភាពជឿទុកចិត្តលើការផ្តល់សេវាសាធារណៈ និងសេវាយុត្តិធម៌នៅមានកម្រិត សមត្ថភាពធនធានមនុស្សនៅមានកម្រិត។