គោលការណ៍មុខងារ​សាធារណៈមាន៣យ៉ាងគឺៈ

• បម្រើផលប្រយោជន៍សាធារណៈ ផលប្រយោជន៍សាធារណៈត្រូវផ្សារភ្ជាប់និងផលប្រយោជន៍​របស់ក្រសួងនីមួយៗដែរ ពោលគឺមិនត្រូវប្រឆាំងនិងផលប្រយោជន៍របស់ក្រសួងនីមួយៗឡើយ ។ មុខងារសាធារណៈមិនគ្រប់គ្រងមន្រ្តីរាជការតាមក្រសួងផ្ទាល់នោះទេ គឹគ្រាន់តែធ្វើការសម្របសម្រួលក្របខណ្ឌរចនាសម្ព័ន្ធនៅក្នុងក្រសួងហនីមួយៗឲ្យមានដំណើរការល្អ ដើម្បីបំពេញការងារឲ្យបានរលូន និងបានជោគជ័យតាមគោលការណ៍នយោបាយរបស់រាជរដ្ឋាភិបាលប៉ុណ្ណោះ
• គោរពគោលការណ៍ ស្តីពីឋានានុក្រមការងារ ការតែងតាំង ការឡើងថ្នាក់ ឬឋានន្តរស័ក្កិនិងការដាក់ទណ្ឌកម្មវិន័យ ...ត្រូវកគោរពតាមនីតិវិធីនិងមានគោលការណ៍ច្បាស់លាស់
• ការពារផលប្រយោជន៍របស់មន្រ្តីរាជការ គឹការពារផលប្រយោជន៍របស់មន្រ្តីរាជការ តាមច្បាប់សហលក្ខន្តិកៈមន្រ្តីរាជការស៊ីវិល និងលិខិតបទដ្ឋានផ្សេងៗទៀត ដែលពាក់ព័ន្ធនឹងមន្រ្តីរាជការរួនមានៈ ការពារសិទ្ធិ ការឡើងថ្នាក់ឬឋានន្តរស័ក្កិ ឬមុខតំណែង ការធានាអាជីព ឬការពារអាជីព បៀវត្ស ប្រាក់សោធន៍និវត្តន៍ ។ល។ មុខសាធារណ

ៈជាអ្នកសម្របសម្រួលគោលការណ៍ទាំងអស់នេះ ឲ្យមានការអនុវត្តប្រកបដោយប្រសិទ្ធិភាព និងប្រកបដោយភាពរលូន ។ គោលការណ៍ទាំង៣នេះត្រូវឆ្លើយតបឲ្យបានត្រឹមត្រូវតាមសំណូរពរ និងបំណងប្រាថ្នារបស់រដ្ឋ និងមន្រ្តីរាជការ ។

ទណ្ឌកម្មវិន័យមន្រ្តីរាជការ ២វិន័យៈ

ទណ្ឌកម្មវិន័យទីមួយ

• ស្តីបន្តោស
• ស្តីបន្តោសដោយមានចំណារក្នុងសំណុំលិខិតផ្ទាល់ខ្លួន
• ផ្លាស់ដោយបង្ខំវិធានការវិន័យ
• លុបឈ្មោះចេញពីតារាងឡើងឋានន្តរស័ក្កិ ឬថ្នាក់

ទណ្ឌកម្មវិន័យទី២

• ស្តីបន្ទោសជាទម្ងន់បណ្តាលឲ្យលុបចេញពីតារាងឡើងឋានន្តរស័ក្កិ ឬថ្នាក់បើសិនមានចុះឈ្មោះហើយឬធ្វើឲ្យយឺតក្នុងការតម្លើងឋានន្តរស័ក្កិ ឬថ្នាក់ក្នុងថេរៈវេលាមួយមានកំណត់តែមិនត្រូវឲ្យលើសពី២ឆ្នាំក្នុងការតម្លើងឋានន្តរស័ក្កិ ឬថ្នាក់តាមវេនជ្រើសរើសឬតាមវេនអតីតភាព
• ដាក់ឲ្យនៅទំនេរគ្មានបៀវត្សមិនឲ្យលើសពីមួយឆ្នាំ
• បន្ថយឋានន្តរស័ក្កិម ឬថ្នាក់មួយថ្នាក់ ឬច្រើនថ្នាក់
• ដាក់ឲ្យចូលនិវត្តន៍មិនកំណត់ ឬបញ្ឈប់ពីការងារដោយបង្ខំ
• បណ្តេញចេញពីមុខតំណែងរាជការ ។

ឋានានុក្រមពីឋានានុក្រមមុខតំណែងក្នុងក្រសួងស្ថាប័ន ( ថ្នាក់កណ្តាល ) និងមុខតំណែងថ្នាក់រាជធានី ខេត្ត រួមមានៈ

ក្រសួង ស្ថាប័ន ( ថ្នាក់កណ្តាល )

• អគ្គលេខាធិការ
• អគ្គនាយក
• អគ្គាធិការ
• អគ្គលេខាធិការរង
• អគ្គនាយករង
• ប្រធាននាយកដ្ឋាន
• អនុប្រធាននាយកដ្ឋាន
• ប្រធានការិយាល័យ
• អនុប្រធានការិយាល័យ

ថ្នាក់រាជធានី ខេត្ត

• អភិបាលរាជធានី ខេត្ត
• អភិបាលរងរាជធានី
• អភិបាលក្រុងស្រុកខណ្ឌ
• ប្រធានមន្ទីរ
• អនុប្រធានមន្ទីរ
• អនុប្រធានការិយាល័យ
• ប្រធានអនុប្រធានការិយាល័យក្រុង ស្រុក ខណ្ឌ ។

និយមន័យមន្រ្តីរាជការមានន ៥ ដូចខាងក្រោមៈ

• និយមន័យទី១ មន្រ្តីរាជការ គឹជាបុគ្គលដែលតែងតាំងនៅក្នុងមុខតំណែងអចិន្រ្តៃយ៍ និងតាំងស៊ប់ក្នុងមុខតំណែងក្នុងឋានន្តរស័ក្កិតាមឋានានុក្រម
• និយមន័យទី២ មន្រ្តីរាជការគឺសំដៅលើបុគ្គលដែលតែងតាំងក្នុងការងារ​អចិន្រ្តៃយ៍ និងត្រូវបានតាំងស៊ប់ក្នុងក្របខណ្ឌនៃឋានានុក្រមរដ្ឋបាលរបស់រដ្ឋ ឬគ្រឹះស្ថានសាធារណៈ
• និយមន័យទី៣ មន្រ្តីរាជការ គឺជាបុគ្គលដែលត្រូវបានបញ្ចូលក្នុងក្របខណ្ឌ និងតែងតាំងក្នុងសេវាកម្មរដ្ឋាភិបាលក្រោមបញ្ញត្តិមុខងារសាធារណៈ និងបើកបវត្សពីការបម្រុងថវិការទុកសម្រាប់ក្រស្រួងស៊ីវិល និងនាយកដ្ឋាននានា
• និយមន័យទី៤ មន្រ្តីរាជការ គឹជាបុគ្គលដែលត្រូវជ្រើសរើសដោយប្រឡងប្រជែងឲ្យចូលក្នុងក្របខណ្ឌបង្កើតឡើងដោយព្រះរាជក្រឹត្យ បានធ្វើការនៅក្នុងក្រសួងស្ថាប័នណាមួយ និងត្រូវបានទទួលប្រាក់សោធន៍និវត្តន៍  ។ ភ្នាក់ងារជាប់កិច្ចសន្យា មិនមែនជាមន្រ្តីរាជការទេព្រោះពួកគេជ្រើសរើសឲ្យចូលធ្វើការតាមកិច្ចសន្យា និងមិនបានទទួលប្រាក់សោធននិវត្តន៍ឡើយ
• និយមន័យទី៥ មន្រ្តីរាជការ គឹជាបុគ្គលដែលបម្រើសេវាសាធារណៈដែលធ្វើការទៅតាមបញ្ជារបស់ថ្នាក់ លើនិងតាមគោលនយោបាយរបស់រាជរដ្ឋាភិបាល ។ ដូច្នេះនៅជាប់ខ្លួនគេមានអំណាចអាថ៌កំបាំងមួយ គឺអំណាចសាធារណៈនិងជាមន្រ្តីរាជការដែលស្ថិតនៅក្រោមការគ្រប់គ្រងដោយវិធានទាំងឡាយ ដែលមានចែងក្នុងច្បាប់សហលក្ខន្តិកៈមន្រ្តីរាជការស៊ីវិល ។ មាននន័យថា មន្រ្តីដែលជ្រើសរើសដោយការប្រឡងប្រជែងឲ្យចូលរួមក្របខណ្ឌមានការឡើងថ្នាក់ឬ ឋានន្តរស័ក្កិ និងទទួលបានសោធន៍និវត្តន៍ ។ល។

​​​ដែលហៅថា ប្រព័ន្ធគ្រប់គ្រងគុណផល គឺសំដៅដល់ការប្រមូលផ្តុំនូវសមាសធាតុសំខាន់ៗដែលរៀបចំឡើងដើម្បីសម្រេចបាននូវគោលបំណងរួមរស់ក្រសួង ស្ថាប័ន អង្គភាព ក្រុមការងារ និងមន្រ្តីរាជការ មានដូចជាការបង្កើតវត្ថុបំណង និងទិសដៅការងារពិពណ៌នាមុខតំណែងផែនការការងារប្រចាំឆ្នាំ ការព្រមព្រៀងអនុវត្តការងារប្រចាំឆ្នាំរបស់មន្រ្តីរាជការ ដែលទាំងអស់នេះជាការសំខាន់នៃការគ្រប់គ្រងការងារជាប្រចាំថ្ងៃ ។ ប្រព័ន្ធគ្រប់គ្រងគុណផល មានការជាប់ទាក់ទងដោយផ្ទាល់ទៅនឹងដំណើរការនៃការគ្រប់គ្រងធនធានមនុស្សដូចជាការកំណត់ពីតម្រូវការក្នុងការអភិវឌ្ឍសមត្ថភាព និងការគិតគូរលើការអភិវឌ្ឍអាជីព ។

ដែលហៅថា ក្របខណ្ឌគតិយុត្តិអន្តរកាល គឺសំដៅដល់ការបង្កើតឡើងនូវគោលការណ៍ណែនាំ ​ឬនីតិវិធីជាបណ្តោះអាសន្ននានា ដើម្បីគ្រប់គ្រងបុគ្គលិករដ្ឋបាលថ្នាក់ក្រោមជាតិ នៅមុនពេលដែលក្របខណ្ឌគតិយុត្តិអចិន្រ្តៃយ៍សម្រាប់គ្រប់គ្រងបុគ្គលិករដ្ឋបាលថ្នាក់ក្រោមជាតិត្រូវបានរៀបចំម និងអនុម័តជាផ្លូវការ ៕

បញ្ហាប្រឈមសំខាន់ៗក្នុងរដ្ឋបាលសាធារណៈ​ បច្ចុប្បន្នជួបប្រទះបញ្ហាមានដូចជាៈ

• នីតិវិធីមួយចំនួនក្នុងការផ្តល់សេវាសាធារណៈនៅមានភាពស្មុគស្មាញប្រមូលផ្តុំការិយាល័យធិបតេយ្យ ។ ទន្ទឹមនឹងនេះ ការប្រើប្រាស់ប្រព័ន្ធព័ត៌មានវិទ្យាក្នុងរដ្ឋបាលសាធារណៈនៅមានកម្រិយ ហើយការរៀបចំនិងការដាក់ឲ្យអនុវត្តមួយចំនួនមានលក្ខណៈដាច់នដោយដុំ មិនមានលក្ខណៈជាប្រព័ន្ធ
• រហូតការងារ និងទំនាក់ទំនងផ្ទៃក្នុងនៅតាមក្រសួងស្ថាប័ន និងក្រសួងស្ថាប័ននៅមិនទាន់ដំណើរការជាបណ្តាញតភ្ជាប់គ្នាប្រកបដោយប្រសិទ្ធិភាពខ្ពស់ និងមានភាពរលួននៅឡើយ
• យន្តការ និងប្រព័ន្ធតាមដានត្រួតពិនិត្យ និងវាយតម្លៃគុណភាពនៃសេវាសាធារណៈ មិនទាន់បានដាក់ឲ្យដំណើរការប្រកបដោយប្រសិទ្ធិភាពខ្ពស់ និងមានភាពរលូននៅឡើយ
• ការគ្រប់គ្រង និងការអភិវឌ្ឍន៍អាជីពរបស់មន្រ្តីរាជការ មិនទាន់ត្រូវបានរៀបចំជាប្រព័ន្ធ ប្រកបដោយសិទ្ធិភាពនិងមានការរៀបចំការពិពណ៌នាមុខតំណែងឲ្យបានច្បាស់លាស់នៅឡើយ
• សមត្ថភាពធនធានមនុស្ស និងស្ថាប័ននៅមានកម្រិតក្នុងឆ្លើយតប ទៅនឹងសេចក្តីត្រូវការរបស់ប្រជាពលរដ្ឋពិសេសនៅរដ្ឋបាលថ្នាក់ក្រោមជាតិ
• ប្រព័ន្ធបៀវត្សមិនទាន់ឆ្លើយតប និងគោលការណ៍សមធម៌ ប្រសិទ្ធិភាព សង្គតិភាព ក្នុងនោះគម្លាតបៀវត្សរបស់មន្រ្តីតរាជការស៊ីវិលនៅមានកម្រិតខ្ពស់ ប្រព័ន្ធកបៀវត្សរបស់កងកម្លាំងប្រដាប់អាវុធនិងមន្រ្តីរាជការស៊ីវិលមិនមានសង្គតិភាពនឹងគ្នា ។

ការផ្លាស់ប្តូរស្ថានភាពរដ្ឋបាល គឺសំដៅដល់ការធ្វើកម្មសិក្សាការី ការតាំងស៊ប់ក្នុងក្របខណ្ឌ ការតែងតាំង ការដំឡើងឋានន្តរសក្តិ ការរៀបឋានន្តរស័ក្កិជាថ្មី ការផ្លាស់ប្តូរកន្លែងធ្វើការ ការផ្ទេរក្របខណ្ឌ ការដាក់ឲ្យនៅក្រៅក្របខណ្ឌដើម ការដាក់ឲ្យស្ថិតក្នុងភាពទំនេរគ្មានបៀវត្សការបញ្ឈប់ពីការងារ ការបណ្តេញចេញពីការងារ ការចូលនិវត្តន៍ ការបន្ថយឋានន្តរស័ក្កិ ការបន្ថយថ្នាក់ ការព្យួរមយខងារដោយផ្អាកបៀវត្ស ការ​ចូលបម្រើការងារជាថ្មី ។ល។

វប្បធម៌សាធារណៈ គឺសំដៅដល់ការផ្តល់សេវាសាធារណៈរបស់បុគ្គលិកមន្រ្តីរាជការ ដែលត្រូវប្រកាន់ខ្ជាប់នូវគោលការណ៍ចំបងៗដូចជាៈ

• ការផ្លាស់ប្តូរឥរិយាបថរបស់មន្រ្តីរាជការពី អ្នកត្រួតត្រាទៅជាអ្នកផ្តល់សេវា
• ជាអ្នកផ្តល់សេវាដែលផ្តោតទៅលើសេចក្តីត្រូវការជាក់ស្តែងរបស់អ្នកប្រើប្រាស់សេវា និងត្រូវឆ្លើយតបប្រកបដោយមនសិការវិជ្ជាជីវៈ និងសេចក្តីថ្លៃថ្នូររបស់មន្រ្តីរាជការ
• ជាអ្នក​ប្រឹក្សាយោបល់ ដែលត្រូវយកចិត្តទុកដាក់ផ្តល់ព័ត៌មាន និងពន្យល់ឲ្យបានច្បាស់លាស់ដលប្រជាពលរដ្ឋអំពីនីតិវិធីរបៀបរបប និងបែបបទផ្សេងៗនៃការផ្តល់សេវា
• ជាអ្នកសម្របសម្រួលទៅលើដំណើរការនៃការផ្តល់សេវា និងការមកទទួលសេវាទៅប្រើប្រាស់ដោយការកាត់បន្ថយនីតិវិធីស្មុគស្មាញ ការផ្តល់សេវាមានភាពសាមញ្ញ ខ្លីទាន់ពេលវេលា និងមានភាពរលូននៅក្នុងទម្រង់ការងារទាំងអស់ ។

យុទ្ធសាស្រ្តការអភិវឌ្ឍន៍ជាសកលសម្រាប់ពាណិជ្ជកម្មអន្តរជាតិសំដៅទៅលើការពង្រឹង​ពាណិជ្ជកម្ម និងការដឹកជញ្ជូនទំនិញទៅមកជាមួយប្រទេសជិតខាង ព្រមទាំងពង្រីកវិស័យឧស្សាហកម្ម និងបង្កើតការងារ តាមរយៈការពង្រឹកតួនាទីផ្លូវជាតិ មួយលេខផ្លូវជាតិពីរលេខ និងកែលម្អផ្លូវជាតិពីរលេខនៅ តាមតំបន់ជាប់ព្រំដែនកែលម្អផ្លូវឲ្យចូលដល់ផ្លូវដែក ផ្លូវទឹក និងមជ្ឈមណ្ឌលបែងចែកទំនិញ ។