Ask
Websites Login
Lights
Morality

  • Morality ដូចម្ដេចដែលហៅថា តក្កវិជ្ជា ? ហើយតក្កវិជ្ជាត្រូវបានគេចែកចេញជាប៉ុន្មាន ? ចូរបង្ហាញ ? (1 answers, 0 comments) Reply

    សួរអំពី៖ តក្កវិជ្ជា

    ចម្លើយពី Morality

    តក្តវិជ្ជា ជាការសិក្សាគោលការណ៍នានាដើម្បីបែងចែកឲ្យបានច្បាស់លាស់នូវវិចារល្អ និងវិចារអាក្រក់ ។ ហើ់យតក្កវិជ្ជាត្រូវបានគេចែកជា ២ បែបគឺ ៖

    • តក្កវិជ្ជាទម្រង់ ធ្វើឲ្យការគិតស្របជាមួយការគិត ពោលធ្ចើឲ្យមានការទំនាក់ទំនងស្និតស្នាលរវាងការគិតនឹងការគិតនាំឲ្យមានសច្ចភាពទម្រង់ និងឈានដល់ការបង្កើត​បញ្ញត្តិ សញ្ញាណ និងគំនិត ។
    • តក្កវិជ្ជាអនុវត្ត ការគិតស្របតថភាព ឬសច្ចភាពទម្រង់ យកចិត្តទុកដាក់ចំពោះរូបភាពនៃវិចា ដើម្បីធ្វើឲ្យវាកាន់តែមានភាពច្បាស់លាស់ឡើង ពិនិត្យពិចារណាពីលក្ខខណ្ឌឲ្យសមស្របរវាងការគិត និងតថភាព ឬសច្ចភាពរូបធាតុ សិក្សាពីវិធីផ្សេងៗដូចជា គណិតវិទ្យា​ សង្គមវិជ្ជា ។ ដូចនេះតក្កវិជ្ជាអនុវត្តសិក្សាពីវិធីនានាដែលមានក្នុងវិទ្យាសាស្រ្ដ ។
  • Morality ហេតុអ្វីបានជាខ្មែរត្រូវយល់ដឹងពីអរិយធម៌របស់ខ្លួន ? តើអ្វីជាលក្ខណៈពិសេសរបស់វប្បធម៌អរិយធម៌ខ្មែរ ? (1 answers, 0 comments) Reply

    សួរអំពី៖អរិយធម៌ វប្បធម៌ ខ្មែរ

    ចម្លើយពី Morality

    បានជាខ្មែរត្រូវយល់ដឹងពីអរិយធម៌ខ្មែរពីព្រោះ វាជាប្រការសំខាន់សម្រាប់ជនជាតិខ្មែរគ្រ​ប់រូប វប្បធម៌ខ្មែររីកចម្រើន ឬ អន់ថយ ល្គឺកណា ខ្មែរគ្រប់រូបស្គាល់ច្បាស់ពីវប្បធម៌របស់ជាតិខ្លួនពិត ប្រាកដ ដើម្បីចៀសវាងការយល់ច្រឡំថាខ្មែរពុំមានអ្វីជាកំណើតដើមឡើយ ។ ហើយលក្ខណៈពិសេសនៃវប្បធម៌ខ្មែរមានពីរយ៉ាងគឺ ៖

    • លក្ខណៈជាតិ ខ្មែរមានរូចជាស្រេចនូវស្រេចនូវវប្បធម៌ខ្លួន ( អត្តសញ្ញាណជាតិ) នាំឲ្យចំណូលវប្បធម៌ថ្មីណាមិនសមស្របតាមជីវភាព រស់នៅ ទំនៀមទម្លាប់ប្រពៃណីខ្មែរត្រូវបដិសេធទាំងស្រុង​
    • លក្ខណៈសំយោគ  ខ្មែរព្រមទទួលវប្បធម៌បរទេសទេយកអ្វីដែលជាចំណង់ចំណូលចិត្តស្របនឹងគំនិតរបស់ខ្លូនមកកែច្នៃឲ្យមានលក្ខណៈជាតិមិនមែនយកមកប្រើទាំងស្រុងនោះទេ ។
  • Morality តើស្ដ្រីខ្លួនឯងគួរបំពេញចំណុចណាខ្លះ ដើម្បីមានលទ្ធភាពក្នុងពេលសម្រាលកូន គឺសុខសប្បាយទាំងម្ដាយ និងកូន ? (1 answers, 0 comments) Reply

    សួរអំពី៖ស្ដ្រី លទ្ធភាព សម្រាលកូន

    ចម្លើយពី Morality

    ដើម្បីមានលទ្ធភាពក្នុងពេលសម្រាលកូនគឺសុខសប្បាយទាំងម្ដាយ និងកូនស្រ្ដីត្រូវបំពេញចំណុចមួយចំនួនដូចខាងក្រោម ៖

    • កុំសម្លាប់សត្វតូច ធំ
    • កុំក្ដិចត្រួយឈើ និងអន្លក់
    • កុំហូបបបរ
    • កុំទទួលទានគ្រឿងហឹរ
    • កុំស្ដាប់រឿងនិទានអំពើខ្មោចបិសាច
    • កុំស្លៀកពាក់រឹតរួតខ្លាំងពេក
    • កុំឈោងដៃយករបស់ណាដែលខ្ពស់ពេកនាំឲ្យរបូតទងសុកពីកូន​
    • កុំដេកថ្ងៃ កុំងូតទឹកយ​ប់កូនថ្លោសពិបាកកើត
    • កុំអង្គុយនៅ មាត់ទឹកជណ្ដើរ
    • កុំដេកដម្អក់ ត្រួវេហ័សរហូនក្រោកមុនប្ដី
    • ត្រូវទៅពិនិត្យផ្ទៃពោះនៅមណ្ឌលសសុខភាព តាមពេលកំណត់ជាទៀងទាត់
    • ត្រួវទៅសម្រាលកូន នៅឯមណ្ឌលសុខភាពឬ មន្ទីរពេទ្យដែលមានឯកទេសត្រឹមត្រូវ
    • រៀបការត្រូវគ្រ​ប់អាយុតាមច្បាប់ប្រទេសបានកំណត់
    • បរិភោគរបបអាហារឲ្យមានតុល្យភាពតាមក្បូនវេជ្ជសាស្រ្ដ

    សរុបមក ចំណុចខាងលើទាំងអស់នេះគឺ តាមទំនៀមទម្លាប់ខ្មែរពីបុរាណមួយចំនួន និងមួយចំនួនតាមសម័យវិទ្យាសាស្រ្ដទំនើបបច្ចុប្បន្នខ្លះ ។

  • Morality ហេតុអ្វីបានជាចាំបាច់មានពិធីចូលម្លប់ ? (1 answers, 0 comments) Reply

    សួរអំពី៖ពិធី ចូលម្លប់

    ចម្លើយពី Morality

    បានជាចាំបាច់មានពិធីចូលម្លប់ពីព្រោះ ៖

    • ពិធីចូសម្លប់ជាទំនៀមទម្លាប់របស់ខ្មែរតាំងពីតយូរណាស់មកហើយ
    • អប់រំបំពេញលក្ខណៈផ្នែកសីលធម៌ ចរិយាធម៌ របៀបរស់នៅ ពេលមានគូស្រករកុំខ្ជះខ្ជាយ ចេះសន្សំសំចៃ ឬកពារទន់ភ្លន់ រៀនពីវិជ្ជាមេផ្ទះផ្សេងៗ ឲ្យកូនស្រី
    • ប្រកាសភាពពេញក្រមុំឲ្យកូនស្រី
    • បន្លំសម្បូរនិងអប់រំរាងកាយឲ្យកូនស្រី
    • ទាក់ទាញអារម្មណ៍ញាតិមិត្ត តាមរយៈរូបចរិយានិងវិជ្ជា

    ដូចនេះចាំបាច់ត្រូវធ្វើពិធីចូលម្លប់គឺវាជាទំនៀមទម្លាប់ខ្មែរ និងក្នុងគោលបំណងបបំពេញលក្ខណៈឲ្យកូនស្រីទាំងផ្នែករូបសម្បត្តិ ចរិយាសម្បត្តិ និងវិជ្ជាសម្បត្តិ ។

  • Morality តើលក្ខណៈបែបណាខ្លះ ទើបអាចចាត់ទុកស្រ្ដីជាមង្គលសម្រាប់គ្រួសារនិងសង្គម ? (1 answers, 0 comments) Reply

    សួរអំពី៖ស្រ្ដី ​ មង្គល គ្រួសារ សង្គម

    ចម្លើយពី Morality

    ពេលធ្វើផ្ទះថ្មី ​​ចាស់បុរាណមិនឲ្យម្ចាស់ផ្ទះស្រីធ្វើការធ្ងន់ធ្ងរក្រោមសំណង់ទេ គឺនាងត្រូវគិតគួរធ្វើការចាត់ចែងការងារផ្សែងៗដូចជា ទិញសម្ភារ ធ្វើម្ភូប...ជាដើម ។ បន្ទាប់ពីសង់រួចរាល់ហើយ គេត្រូវរៀបចំពិធីឡើងផ្ទះថ្មី ដោយហៅញាតិមិត្តបងប្អូនជិតឆ្ងាយចូលមុនគេ ព្រោះគេលើនារីជាធំ និងស្រីជាគ្រួសារទាំងមូល រកស៊ីមានបានត្រជាក់ត្រជុំ ទ្រព្យហូរចូល សុខភាពបរិបូរណ៍... ។

  • Morality តើអ្វីទៅជារបបមាតាធិបតេយ្យ ? (1 answers, 0 comments) Reply

    សួរអំពី៖របប មាតា ​ ធិបតេយ្យ

    ចម្លើយពី Morality

    របបមាតាធិតេយ្យ ជារបបដែលឲ្យតម្លៃទៅលើក្នុងការដឹងនាំគ្រួសារក្ដី សង្គមទាំងមូលក្ដី ។

  • Morality តើសិទិ្ធនិងសេរីភាពខុសគ្នាដូចម្ដេច ? (1 answers, 0 comments) Reply

    សួរអំពី៖សិទិ្ធ សេរីភាព

    ចម្លើយពី Morality

    សិទ្ធិ និង សេរីភាពខុសគ្នាត្រង់ថា ៖

    • សិទិ្ធ គឺជាសំដៅលើការទាមទារអ្វីៗដែលមនុស្សត្រួវតឬមានជាចាំបាច់ ដើម្បីការរស់នៅរបស់ខ្លួនមានភាពសមរម្យថ្លៃថ្នូរជាមនុស្ស ។
    • សេរីភាព គឺជាសំដៅលើអ្វីៗដែលមនុស្សចង់បាន ចង់ធ្វើដោយគ្មានការគាបសង្កត់ និងបង្ខិតបង្ខំពីជនណាមួយ ឬក្រុមណាមួយឡើងដូចជាសេរីភាពក្នុងការេជ្រើសរើសគូស្រករ ការបញ្ចេញមតិ ឬការកម្សាន្តជាដើម តាមការសម្រេចចិត្តដោយខ្លួនឯងតាមឆន្ទៈនិងឥរិយាបថរបស់ខ្លួន ។
  • Morality នៅក្នុងសង្គមប្រជាធិបតេយ្យអំណាចខាងសារព័ត៌មានជាអំណាចមួយមានឥទ្ធិពលជាងគេ ដែលមិនអាចខ្វះបានឡើយ ។ ចូរបង្ហាញពីក្រមសីលធម៌នៃព័ត៌មាន ។ (1 answers, 0 comments) Reply

    សួរអំពី៖សង្គម ប្រជាធិបតេយ្យ ឥទ្ធិពល ក្រមសីលធម៌

    ចម្លើយពី Morality

    ក្រមសីលធម៌សារព័ត៌មានរួមមានដូចខាងក្រោម ៖

    • គោរពសច្ចធម៌ និងគោរពសិទ្ធិយល់ដឹងសាធារណជន
    • ត្រូវផ្សព្វផ្សាយព័ត៌មានទាំងទ្បាយដោយសុចរិត​ព្រមទាំងធ្វើអត្ថាធិប្បាយ​ ឬរិះគន់ឲ្យបានត្រឹមត្រូវនិងស្របតាមគតិយុត្ដិ
    • ត្រូវរាយការណ៍ពីអ្វីដែលខ្លួនបានដឹងពីប្រភពដើមតែប៉ុណ្ណោះ​ ។ អ្នកសារព័ត៌មានមិនត្រូវ​​បំបាត់ចោលព័ត៌មានសំខាន់ៗ ឬក្លែងបន្លំឯកសារផ្សេងៗឡើយ
    • ត្រូវកែលម្អព័ត៌មានណាដែលមានលក្ខណៈមិនជាក់លាក់ ឬអាចបណ្ដាលឲ្យភ័ន្ដច្រឡំ
    • ប្រើវិធីសុចរិតត្រឹមត្រូវ កុំស្វែងរកព័ត៌មានណាដែលញុះញង់ឲ្យមានការប្រកាន់ពូជសាសនា ពណ៌សម្បុរ​​ ភេទ ភាសា ជំនឿ សាសនា មតិ ឬ និនា្នការ នយោបាយ ដើមកំណើត ឋានៈសង្គម ធនធាន ឬ ស្ថានភាពដទៃទៀត
    • ត្រូវគោរពសិទិ្ធ និងសេរីភាពរស់នៅក្នុងជីវភាពឯកជនរបស់បុគ្គល
    • ត្រូវគោរពតាមក្បូនវេយ្យាករណ៍ខ្មែរក្នុងការសរសេររបស់បុគ្គល
    • ត្រូវគោរពតាមក្បូនវេយ្យាករណ៍ខ្មែរក្នុងការសរសេរអត្តបទ
    • ហាមបោះពុម្ពផ្សាយអត្ថបទ រូបភាពអាសអាកាស និងរូបភាពនៃអំពើហិង្សា
    • ហាមលួចចម្លងគំនិត ឬ ស្នាដៃដាក់ជារបស់ខ្លួន
    • ហាមសរសេរបន្លំដែលធ្វើឲ្យគេយល់ខុសដូចជា សរសេរបញ្ឆិតបញ្ឆៀងដើម្បីឲ្យអ្នកអានមានការសង្ស័យដោយអយុត្តិធម៌លើបុគ្គលណាមួយ ឬគណបក្សណាមួយ
    • ហាមមូលបង្គាច់ បរិហាកេរិ៍្ដ និងជេរប្រមាថដល់គណបក្ស
    • ហាមទទួលយកសំណួរក្នុងបែបណាមួយឬជំរិតទារយកប្រាក់ ។
  • Morality តើព័ត៌មានបែបណាដែលហាមមិនឲ្យចុះផ្សាយ ? (1 answers, 0 comments) Reply

    សួរអំពី៖ព័ត៌មាន ចុះផ្សាយ ហាម

    ចម្លើយពី Morality

    ព័ត៌មានដែលហាមមិនឲ្យចុះផ្សាយមានដូចជា ៖

    • ព័ត៌មានដែលធ្វើឲ្យអន្ដររាយដល់សន្ដិសុខជាតិ
    • អន្ដរាយទំនាក់ទំនងប្រទេសដទៃ
    • មានការរំលោភបំពានសិទ្ធិបុគ្គលម្នាក់ៗ ដោយរាប់ទាំងសំណុំរឿងមន្ដ្រីរាជការ សំណុំនយោបាយ និងឯកសារសម្ងាត់របស់ជាតិជាដើម
    • មានការលាតត្រដាងឯកសារសម្ងាត់ផ្នែកពាណិជ្ជ​កម្ម  ផ្នែកហិរញ្ញាវត្ថុរបស់បទបញ្ជា ឬអង្គភាពចំណាយនិងលាតត្រដាងពីបទបញ្ជា ឬការត្រួតពិនិត្យរបស់ស្ថាប័នហិរញ្ញវត្ថុ
    • ប៉ះពាល់ដល់សិទិ្ធជនណាម្នាក់ដែលនាំឲ្យមានការជុំនុំជម្រះក្ដីដោយអយុត្ដិធម៌
    • ព័ត៌មានដែលប៉ះពាល់ដល់សណ្ដាប់ធ្លាប់ច្បាប់ឬ ច្រើននាក់ប្រព្រឹត្តអំពើហិង្សា....។
  • Morality ដើម្បីឲ្យលទ្ធិប្រជាធិបតេយ្យមានលក្ខណៈពេញលេញត្រូវមានគោលការណ៍អ្វីខ្លះ ? (1 answers, 0 comments) Reply

    សួរអំពី៖លទ្ធិ ប្រជាធិបតេយ្យ គោលការណ៍

    ចម្លើយពី Morality

    ដើម្បីឲ្យលទ្អប្រជាធិតេយ្យមានលក្ខណៈពេញលេញត្រូវមាមគោលការណ៍ដូចតទៅ ​៖

    • ការចូលរួមពីពលរដ្ឋ
    • ការស្មើភាព
    • ការយោគយល់ ការអនុគ្រោះ​គ្នា
    • សេរីភាពខាងសារព័ត៌មាន
    • ការទទួលខុសត្រូវ
    • តម្លាភាព
    • ការបោះឆ្នោតដោយសេរីភាព និងយុត្តិធម៌
    • សេរីខាងសេដ្ឋកិច្ច
    • យន្ដការទប់សា្កត់ការប្រើប្រាស់អំណាចដោយរំលោភ​
    • មានបក្សច្រើន
    • មានគណបក្សប្រឆាំង...។
×

×

One more step

Please login to share your idea

Register Login