តើភ្នំខ្ពស់បំផុតនៅក្នុងពិភពលោកមានឈ្មោះអ្វី ? មានកម្ពស់ប៉ុន្មាន ? ស្ថិតក្នុងតំបន់ណានៃពិភពលោកក្រៅពីភ្នំនោះតើមានភ្នំអ្វីផ្សេងទៀតខ្លះ ? ចូររៀបរាប់បញ្ជាក់ពីតាំង និងកម្ពស់របស់ភ្នំទាំងនោះ ។

ភ្នំដែលមានកម្ពស់ខ្ពស់បំផុតនៅក្នុងពិភពលោកគឺ ភ្នំអេវីរេស (Everest) ដែលមានកម្ពស់ ៨៨៤៨ ម៉ែត្រ ។ ក្រៅពីភ្នំអេវីរេសេ នៅមានភ្នំ មួយចំនួនទៀតដូចជា ៖

• ភ្នំ ទ្រូតាហ្គីរី (Dhaulagiri) ភ្នំកានចិន សុនហ្គា (Kanchensunga) និងភ្នំអាណាព្វណា (Annapurna) ដែលឋិតនៅលើជួរភ្នំហិមាល័យ (Himalayas) ដែលមានកម្ពស់លើស ៨០០០ម៉ែត្របន្តិច ។ ជួរភ្នំនេះនៅជាប់មួយព្រំប្រទល់រវាង ប្រទេសចិននិងឥណ្ឌា ។
• ភ្នំអាកុងកាកា (Aconcagua) នៅអាសង់ទីនមានកំពស់ ៦៩៦០ម៉ែត្រ និងភ្នំដទៃមានកម្ពស់លើស ៦០០០ម៉ែត្រ បន្តិចបន្ទូច ។
• ភ្នំម៉ាកគិនលើ (Mckinley)នៅអាឡាស្កាដែលមាន កម្ពស់ ៦១៩៤ម៉ែត្រ
• ភ្នំគីលីម៉ាន់ចារ៉ូ (Kilimanjaro)នៅកេនីញ៉ាមានកម្ពស់ ៥៨៩៥ម៉ែត្រ ។
• ភ្នំវិនសុន (Vinson) នៅអង់តាកទិចមានកម្ពស់៥១៤០ម៉ែត្រ
• ភ្នំស (Mont Blanc) ដែលមានកម្ពស់ ៤៨១០ម៉ែត្រ ដែលមានកម្ពស់ខ្ពស់បំផុតនៅអឺរ៉ុប ។