សំណួរ
១. ឈ្មោះផ្សេងៗដែលប្រើនៅក្នុងអាស៊ានមានអ្វីខ្លះ ?
២. តើអក្សរកាត់ CLMV មានន័យដូចម្ដេច ?
៣. តើគោលការណ៍ និងវត្ថុបំណងអង្គការសមាគមអាស៊ានមានអ្វីខ្លះ ? រាប់ឈ្មោះប្រទេសទាំង ១០ សមាគមន៍អាស៊ាន និងថ្ងៃ ខែ និងឆ្នាំដែលចូល ?
៤. តើប្រទេសឡាវស្ថិតក្រោមអាណានិគមប្រទេសណា ? ពីឆ្នាំណា ? ទទួលបានឯករាជ្យឡើងវិញនៅឆ្នាំណ ? ចូលសមាជិកអង្គការសហប្រជាតិ និងសមាជិកអាស៊ាននៅថ្ងៃខែ ឆ្នាំណា ? ហើយមានដៃគូពាណិជ្ជកម្មជាមួយប្រទេសណាខ្លះ ?
៥. តើគោលការណ៍គ្រឹះរបស់ចលនាអន្តរជាតិកាកបាទក្រហម អឌ្ឍចន្ទក្រហម មានអ្វីខ្លះ ?
ចម្លើយ
១. ឈ្មោះផ្សេងៗដែលប្រើនៅក្នុងអាស៊ាន ៖
- អាស៊ាន+ ១ មានន័យថាប្រទេសសមាជិកអាស៊ានទាំង ១០ បូកជាមួយប្រទេសឥណ្ឌា ។
- អាស៊ាន + ២ មានន័យថាប្រទេសអាស៊ានទាំង ១០ បូកជាមួយនិងប្រទេសញូហ្សេឡិន និងប្រទេសអូស្ដ្រាលី ។
- អាស៊ាន+ ៣ មានន័យថាប្រទេសអាស៊ានទាំង ១០ រួមជាមួយប្រទេសអាស៊ីបូព៌ាចំនួនបីគឺប្រទេសចិន ជប៉ុន និងកូរ៉េខាងត្បូង ។
- អាស៊ាន -៥ ជាឈ្មោះគេសំដៅលើប្រទេសស្ថាបនិកអាស៊ានទាំង ៥ ប្រទេសគឹប្រទេសឥណ្ឌូនេស៊ី ប្រទេសថៃ ប្រទេសម៉ាឡេស៊ី ប្រទេសហ្វីលីពីន និងប្រទេសសិង្ហបុរី ។ ប្រទេសទាំង ៥ នេះជាអ្នកបង្កើតអាស៊ាននាថ្ងៃ ៨ សីហា ១៩៦៧ ។
- អាស៊ាន -៦ មានន័យថាប្រទេសអាស៊ាន - ៥ + ប្រទេសព្រុយណេដែលចូលជាសមាជិកអាស៊ានថ្ងៃ ៧ មករា ១៩៨៤ ។ ដូចនេះកាលណាគេនិយាយឬ សំដៅទៅសមាជិកប្រទេសទាំង ៦ នោះប៉ុណ្ណោះ ។
- អាស៊ាន - ៧ មានន័យថាអាស៊ាន -៦ បូកប្រទេសវៀតណាម
- អាស៊ាន -៩ មានន័យថា អាស៊ាន -៧ បូកប្រទេសភូមា និងឡាវ ។ យើងមិនមានអាស៊ាន -៨ ទេព្រោះប្រទេសឡាវ និងមីយ៉ាន់ម៉ាចូលជាសមាជិកក្នុងពេលជាមួយគ្នា ។
- អាស៊ាន -១០ មានន័យថាអាស៊ាន -៩ បូកជាមួយប្រទេសកម្ពុជា ។
២. អក្សរកាត់ CLMV មានន័យសំដៅប្រទេសថ្មីទាំង ៤ គឺប្រទេសកម្ពុជា ឡាវ មីយ៉ាន់ម៉ា និងប្រទេសវៀតណាម ។
៣. គោលការណ៍ និងវត្ថុបំណងអង្គការសមាគមអាស៊ានមាន ៖
- ជំរុញការអភិវឌ្ឍសេដ្ឋកិច្ច សន្ដិភាព វប្បធម៌ក្នុងតំបន់ដោយឈរលើស្មារតី សាមគ្គីភាព និងសមធម៌
- ជំរុញឪ្យមានស្ថេរភាព សន្ដិសុខ និងសន្តិភាពក្នុងតំបន់ តាមរយៈការគោរពយុត្តិធម៌និងគោរពការណ៍ច្បាប់ដទៃទៀត ក្នុងទំនាក់ទំនងរវាងប្រទេស ក្នុងតំបន់និងក្នុងធម្មនុញ្ញសហប្រជាជាតិ
- ជំរុញសហប្រតិបត្តិការ និងជួយគ្នាទៅវិញទៅមក លើការងារជាផលប្រយោជន៍ រួមក្នុងវិស័យសេដ្ឋកិច្ច វប្បធម៌ បច្ចេកវិទ្យា វិទ្យាសាស្រ្ដ និងរដ្ឋភិបាល
- ជំរុញសហប្រតិបត្តិការឪ្យកាន់តែមានប្រសិទ្ធិភាព ក្នុងបម្រើបម្រាស់វិស័យកសិកម្មនិងឧស្សាហកម្ម ។ ការពង្រីកពាណិជ្ជកម្ម រួមមានការសិក្សាពីបញ្ហា ពាណិជ្ជកម្មអន្តរជាតិ លើមុខទំនិញប្រើប្រាស់ កំណែលំអមធ្យោបាយគមនាគមន៍ ដឹកជញ្ជូន និងការលើកកំពស់ជីវភាពប្រជាពលរដ្ឋ
- ជំរុញឪ្យមានការសិក្សា ស្រាវជ្រាវ អំពីតំបន់តំបន់អាស៊ីអាគ្នេយ៍
- រក្សាកិច្ចសហប្រតិបត្តិការជិតសិ្នទ្ធ និងមានផលប្រយោជន៍ជាមួយអង្គការអន្តរជាតិ នានា និងអង្គការដែលមានសា្រប់ក្នុងតំបន់
ប្រទេសទាំង ១០ នៃសមាគមអាស៊ានមានដូចជា ៖
- ប្រទេសឥណ្ឌូនេស៊ី ថ្ងៃទី ៨ សីហា ១៩៦៧
- ប្រទេសម៉ាឡេស៊ី ថ្ងៃទី ៨ សីហា ១៩៦៧
- ប្រទេសហ្វីលីពីន ថ្ងៃទី ៨ សីហា១៩៦៧
- ប្រទេសសិង្ហបុរី ថ្ងៃទី ៨ សីហា ១៩៦៧
- ប្រទេសថៃ ថ្ងៃទី ៨ សីហា ១៩៦៧
- ប្រទេសព្រុយណេ ថ្ងៃទី ៧ មករា ១៩៨៥
- ប្រទេសវៀតណាម ថ្ងៃទី ២៨ កក្កដា ១៩៩៥
- ប្រទេសឡាវ ថ្ងៃទី ២៣ កក្កដា ១៩៩៧
- ប្រទេសមីយ៉ាន់ម៉ា ថ្ងៃទី ២៣ កក្កដា ១៩៩៧
- ប្រទេសកម្ពុជា ថ្ងៃទី ៣០ មេសា ១៩៩៩ ។
៤. ប្រទេសឡាវស្ថិតក្រោមអាណនិគមបារាំង នៅឆ្នាំ ១៨៩៣ ។
- ទទួលបានឯករាជ្យនៅឆ្នាំ ១៩៤៥
- ចូលជាសមាជិកអង្គការសហប្រជាជាតិ នៅឆ្នាំ ថ្ងៃ ១៤ ធ្នូ ឆ្នាំ ១៩៥៥
- ចូលជាសមាជិកសមាគមប្រជាជាតិអាស៊ីអាគ្នេយ៍ង ( អាស៊ាន ) នៅថ្ងៃទី ២៤ កក្កដា ១៩៩៧ ។
- ដៃគូពាណិជ្ជកម្មរបស់ប្រទេសឡាវមានកម្ពុជារបស់ប្រទេសឡាវ មានកម្ពុជាមានថៃ វៀតណាម បារាំង ជប៉ុន ហុងកុង ឥណ្ឌូនេស៊ី និងអង់គ្លេស ។
៥. គោលការណ៍គ្រឹះរបស់ចលនាអន្តរជាតិកាកបាទក្រហម អឌ្ឈចន្ទក្រហមមាន ៖
- ភាពមនុស្សធម៌
- ភាពមិនលំអៀង
- អព្យាក្រឹត
- ឯករាជ្យភាព
- សេវាកម្មស័្មគ្រចិត្ត
- ឯកភាព
- សកលភាព ។
