ប្រវត្ថិសង្ខេបរបស់វីរបុរសខ្មែរពីរូប ៖
- ឧកញ៉ាឃាំងមឿង ជាមេទ័ពខ្មែរយើងអង់អាចក្លាហានក្នុងរជ្ជកាលព្រះបាទចន្ទរាជា ។ លោកបានពលីជីវិតក្នុងរណ្តៅរួមជាមួយលោកជំទាវ និងបុត្រីទាំងពីរ ។ លោកបានពោលទៅកាន់កងទ័ពខ្មែរទាំងអស់ នៅក្នុងចំបាំងខ្មែរ សៀមថា បន្តិចទៀតខ្ញុំនឹងលាអ្នកទាំងអស់គ្នាស្លាប់ហើយ ។ ពេលខ្ញុំស្លាប់ទៅ ខ្ញុំនឹងទៅកេណ្ឌកងទ័ពខ្មោចមកជួយច្បាំង ។ ដោយសារពលិកម្មជីវិតដ៏ថ្លៃថ្លារបស់ក្រុមគ្រួសារលោក ធ្វើអោយខ្មែរយើងអាចវាយកងទ័ពសៀមអោយបរាជ័យយ៉ាងអាម៉ាស ។
- ឧកញ៉ាក្រលាហោមគង់ជាមេទ័ពដឹកនាំចលនាតស៊ូប្រឆាំងបារាំងមួយរូបដ៏អង់អាចក្លាហានក្នុងរជ្ជកាលព្រះបាទនរោត្តម ។បារាំងដែលមានអាវុធយុទ្ធភ័ណ្ឌទំនើប មានស្បៀងអាហារគ្រប់គ្រាន់ តែមិនអាចចាប់ក្រលាហោមគង់បានទេ ។ តែក្រោយមកដដោយបារាំងបានប្រើល្បិចកលដ៏កំសាក គំរាមកំហែងព្រះរាជាខ្មែរ ក្រលាហោមគង់ក៏សុខចិត្តចូលមកបង្ហាញខ្លួន អោយបារាំងចាប់យកទៅសំលាប់យ៉ាងព្រៃផ្សៃបំផុត ។
