តើមានវិធីណាខ្លះដែលគេអាចធ្វើការទស្សន៍ទាយអំពីការអស់ទឹកភ្លៀងបាន ? ចូររៀបរាប់ ។

គេអាចធ្វើការលទស្សន៍ទាយអំពីការអស់ទឹកភ្លៀងបានតាមវិធីដូចខាងក្រោម ៖

+ ការប្រែប្រួលខ្យល់រដូវ និងធាតុអាកាស

• មេឃស្រឡះពណ៌ខៀវ ពុំមានពពក ពេលយប់មានផ្កាយរះច្រើន
• ភ្លៀងធ្លាក់ជាមេធំៗ នៅពេលយប់ជ្រៅ “ភ្លៀងលាងស្លែ”
• ខ្យល់រដូវបកមកពីទិសឦសាន រឺខាងជើង ។

+ លឺសំលេងផ្គរលាន់លា រឺផ្គរលាន់ផ្តាំក្តាមខ្យង

• ចុងខែអស្សុជ (ខែតុលា) រឺកត្តិក (វិច្ឆិកា) ពេលយប់ជ្រៅគេលឺផ្គរលាន់បង្អូសសំលេងវែងៗ គឺលឺពីទិសនិរតីរឺទក្សិណ ។ ដំបូងសំលេងនេះលឺស្នូរដូចនៅជិត ហើយបន្តិចម្តងៗក៏បាត់ឆ្ងាយទៅៗ ដែលចាស់បុរាណអោយឈ្មោះថា “ផ្គរផ្តាំក្តាមខ្យង” ។

+ ពិនិត្យផ្កាឈើ

• មើលផ្កាទន្ទ្រានខេត្ត និងផ្កាទន្រ្ទាំងបាយសពេលចេញផ្កាហើយ គឺលែងមានភ្លៀងដូចសព្វដង ។ រុក្ខជាតិទាំងពីរនេះចេញផ្កាពុំមានពេលកំណត់ និងទៀងទាត់ទេ គឺជួនកាលឆាប់ចេញផ្កា ជួនកាលចេញផ្កាយឺត ។

+ ភ្លៀងនៅថ្ងៃបុណ្យភ្ជុំបិណ្ឌ

• បើភ្លៀងចំថ្ងៃបុណ្យភ្ជុំបិណ្ឌ គេសន្មតថា ស្រូវនឹងស្កកព្រោះទឹកភ្លៀងមិនមានចុងឆ្នាំទេ
• បើពុំមានភ្លៀងធ្លាក់នៅថ្ងៃបុណ្យភ្ជុំបិណ្ឌទេ ចាស់ៗលោកសប្បាយរីករាយ ព្រោះជាសញ្ញាថា ឆ្នាំនេះភ្លៀងចុងឆ្នាំនាំអោយស្រូវល្អ និងបានផលពេញលេញ ។

+ ស្តាប់សំលេងសត្វ

ក្រោយពេលចេញវស្សា គេសង្កេតសត្វពីរប្រភេទគឺបង្កែប និងកុកក្រក ។ កាលណាលឺសត្វទាំងពីរយំទាំងទឹកភ្លៀងក៏លែងភ្លៀង ឯទឹក៏ស្រកចុះដែរ ។