តើយុវជនដែលរៀបអាពាហ៍ពិពាហ៍ ពីវ័យក្មេងពេក វាកើតមានផលអាក្រក់អ្វីខ្លះ ?

យុវជនដែលរៀបអាពាហ៍ពិពាហ៍ពីវ័យក្មេងពេក បង្កើតអោយមានផលអាក្រក់ដូចតទៅ ៖

• គ្រួសារនោះនឹងអាចឆាប់បែកបាក់អាស្រ័យដោយសារម្នាក់ៗពុំទាន់មានសមត្ថភាពពេញលេញក្នុងការគ្រប់គ្រងគ្រួសារ គេហដ្ឋាន ចិញ្ចឹមថែរក្សាកូន ។
• ជួបនូវរឿងរកាំកូសជាច្រើនលើកច្រើនសានិងញឹកញាប់ព្រោះតែម្នាក់ៗពុំមានគំនិតចាស់ទុំ ទូលំទូលាយ ដែលអាចស្វែងយល់ពីសុខទុក្ខបំនងប្រាថ្នាទៅវិញទៅមក ។
• នារីអាចមានគ្រោះថ្នាក់ច្រើនពេលសំរាលកូន បរុសអាចនៅមានចរិតភ្លើតភ្លើន ឡេះឡោះ ដែលជាហេតុអ្វីអោយជីវិតអាពាហ៍ពិពាហ៍ជួបប្រទះអពមង្គល ។
• ខ្វះគំនិតច្នៃប្រឌិតក្នុងការងារផ្សេងៗ ព្រោះខ្លួនពុំបានរៀនសូត្រជ្រៅជ្រះ ធ្វើអោយទិន្នផលការងារទទួលបានផលទាប ជំរុញអោយជីវភាពចុះដុនដាបជាលំដាប់ ។
• ជួបនូវរឿងទុទិដ្ឋិនិយមច្រើនដោះស្រាយមិនចេញអ្វីអោយបរិយាកាសគ្រួសារជួបនឹងវិបត្តិស្មុគស្មាញជាហូរហែ ។