វប្បធម៌សង្គមទូទៅខ្មែរក្រសួងការបរទេសនិងប្រតិបត្តិការអន្តរជាតិ(១)

សំនួរ

១. តើក្រសួងការបរទេសនិងសហប្រតិបត្តិការអន្តរជាតិបង្កើតឡើងនៅថ្ងៃខែឆ្នាំណា ?

២. តើក្រសួងការបរទេសនិងសហប្រតិបត្តិការណ៍អន្តរជាតិមានភារកិច្ចយ៉ាងដូចម្តេច ?

៣. តើក្រសួងការបរទេស​និងសហប្រតិបត្តិការអន្តរជាតិមា​នរចនាសម្ព័ន្ធយ៉ាងដូចម្តេច ?

៤. តើអគ្គលេខាធិការដ្ឋានរបស់ក្រសួងការបរទេសនិងសហប្រតិបត្តិការអន្តរជាតិមានភារកិច្ចយ៉ាងដូចម្តេចខ្លះ ? មាននាយកដ្ឋានចំណុះប៉ុន្មាន ?

៥. តើអគ្គនាយកដ្ឋានអាស៊ានទទួលបានបន្ទុកការងារអ្វីខ្លះ ? មាននាយកដ្ឋានចំណុះប៉ុន្មាន ?

៦. តើអគ្គនាយកដ្ឋានកិច្ចការច្បាប់ កុងស៊ុល និងព្រំដែនមានភារកិច្ចយ៉ាងដូចម្តេច ? មាននាយកដ្ឋានអ្វីខ្លះ?

៧. តើ​អគ្គនាយកដ្ឋានអាស៊ី ប៉ាស៊ីហ្វិកមានភារកិច្ចការងារយ៉ាងណាខ្លះ ? ហើយនាយកដ្ឋានក្រោមឱវាទប៉ុន្មាន ?

៨. តើអគ្គនាយកដ្ឋានអឺរ៉ុប អាមេរិច និងអាមេរិកនិងអាហ្វ្រិក មជ្ឍិមបូព៌ាមានភារកិច្ចអ្វីខ្លះ ? មាននាយកដ្ឋានចំណុះប៉ុន្មាន ? ចូររៀបរាប់ ។

៩. តើអគ្គនាយកដ្ឋានសហប្រតិបត្តិការអន្តរជាតិ មានភារកិច្ចការងារអ្វីខ្លះ ? មាននាយកដ្ឋានចំណុះប៉ុន្មាន ? អ្វីដែរ ?

១០. តើវិទ្យាស្ថានជាតិទំនាក់ទំនងការទូតនិងសិក្សាអន្តរជាតិ មានភារកិច្ចធ្វើអ្វីខ្លះ ? មាននាយកដ្ឋានចំណុះអ្វីខ្លះ ?

១១. តើអាស៊ានមានសមាជិកប៉ុន្មានប្រទេស ? ចូររៀបរាប់ ។

១២. តើអាស៊ានមានគោលការណ៍យ៉ាងដូចម្តេច ?

១៣. តើអ្វីទៅដែលហៅថា វេទិកាតំបន់អាស៊ាន ( AFR ) ?

១៤. ចូរនិយាយអំពីអគ្គលេខាធិការអាស៊ាន ?

១៥. តើអាស៊ានបានចេញគោលការណ៍អ្វីខ្លះ បន្ទាប់ពីឆ្នាំ១៩៦៧ ?

ចម្លើយ

១. ក្រសួងការបរទេសនិងសហប្រតិបត្តិការអន្តរជាតិបង្កើតឡើងនៅថ្ងៃ ២៤ ខែ មករា ឆ្នាំ ១៩៩៦ ។

២. ក្រសួងការបរទេសនិងសហប្រតិបត្តិការណ៍អន្តរជាតិមានភារកិច្ចដូចតទៅ៖

• ការពារឯករាជ្យ អធិបតេយ្យ បូរណភាពទឹកដី សេចក្តីថ្លៃថ្នូរ និងកិត្យានុភាពរបស់ព្រះរាជាណាចក្រកម្ពុជា
• រៀបចំ អនុវត្ត តាមដានការអនុវត្ត និងការពារគោលនយោបាយ និងផែនការយុទ្ធសាស្រ្តការបរទេសរបស់រាជរដ្ឋាភិបាល
• រៀបចំ អនុវត្តតាមដានការអនុវត្តលិខិតបទដ្ឋានគតិយុត្ត ឬលិខិតតូបករណ៍អន្តរជាតិក្នុងន័យធានានិងការពារផលប្រយោជន៍របស់រាជអន្តរជាតិ
• ជាច្រកចេញ​ចូលការទូតតែមួយ ក្នុងទំនាក់ទំនងជាមួយប្រទេសនិងអង្គការតំបន់និងស្ថាប័នអន្តរជាតិនានាលើរាល់សកម្មភាពរបស់ក្រសួងស្ថាប័ននានាដែលមានទំនាក់ទំនងជាមួយបរទេស
• តំណាងរាជរដ្ឋាភិបាលកម្ពុជាក្នុងការចរចារនិងធ្វើកិច្ចសហប្រតិបត្តិការណ៍ទ្វេភាគី ជាមួយបណ្តាប្រទេស អង្គការតំបន់និងស្ថាប័ន​អន្តរជាតិនានា
• ពង្រឹងនិងពង្រីកទំនាក់ទំនង រវាងព្រះរាជាណាចក្រកម្ពុជា ជាមួយប្រទេសអង្គការតំបន់និងអង្គការអន្តរជាតិនានា តាមរយៈការទូត កុងស៊ុល និងសហប្រតិបត្តិការអន្តរជាតិ
• ពង្រឹងវិស័យការទូតសេដ្ឋកិច្ច តាមរយៈការចូលរួមចជំរុញវិស័យសេដ្ឋកិច្ច ពាណិជ្ចកម្ម វិនិយោគធុរកិច្ច ទេសចរណ៍ ការងារ អប់រំ និងបច្ចេកវិទ្យា
• ផ្សព្វផ្សាយនិងលើកតម្កើងភាសា វប្បធម៌ ប្រពៃណី និងទំនៀមទម្លាប់ខ្មែរនៅក្រៅប្រទេស
• ចូលរួមការពារនិងរក្សាសន្តិភាព ស្ថិរភាព សន្តិសុខ នៅថ្នាក់អនុតំបន់ និងពិភពលោក
• ចូលរួមនិងទទួលរៀបចំកិច្ចប្រជុំថ្នាក់អនុតំបន់ តំបន់និងពិភពលោកពាក់ព័ន្ធនឹង កិច្ចការបរទេសនិងសហប្រតិបត្តិការអន្តរជាតិឬតាមការចាត់ចែងរប​ស់រាជរដ្ឋាភិបាល
• តំណាងនិងការពារផលប្រយោជន៍ជាតិនិងប្រជាពលរដ្ឋខ្មែរទាំងរូបវន្តបុគ្គលនិងនីតិបុគ្គល ព្រមទាំងលើកកម្ពស់និងការពារកិតិ្តយសជាតិ ស្របតាមច្បាប់ជាតិនិងអន្តរជាតិ
• ដឹកនាំគ្រប់គ្រងស្ថានតំណាងរបស់ព្រះរាជាណាចក្រកម្ពុជា ដែលតាំងនៅបរទេស
• សហការជាមួយអាជ្ញាធរមានសម្ថតិកិច្ចក្នុងការចុះបញ្ជី និងសហការសម្របសម្រួល​ការថ្វើសកម្មភាព
• នៅក្នុងព្រះរាជាណាចក្រកម្ពុជាស្ថានភាពតំណាងបរទេសស្ថានតំណាងអន្តរជាតិ និងអង្គការក្រៅរដ្ឋាភិបាលបរទេសដោយយោងតាមច្បាប់ជាតិនិងអន្តរជាតិ
• សម្របសម្រួលនិងរៀបចំទស្សនកិច្ចរបស់គណៈប្រតិភូរាជរដ្ឋាភិបាលនៃព្រះរាជាណាចក្រកម្ពុជាទៅបរទេស និងទទួលគណៈប្រតិភូបរទេសដែលមកបំពេញបេសកម្មឬទស្សនៈកិច្ចជាផ្លូវការនៅព្រះរាជាណាចក្រកម្ពុជា
• បណ្តុះបណ្តាលនិងធ្វើវីក្រឹត្យការជាប្រចាំនូវមុខ​ជំនាញកិច្ចការបរទេស និងការទូតតាមដានស្វែងយល់និងធ្វើរបាយការណ៍ជូនរដ្ឋាភិបាលអំពីការវិវត្តិន៍នៃព្រឹត្តការតំនប់ និងអន្តរជាតិសំខាន់ៗ
• អនុវត្តន៍ភារកិច្ចផ្សេងទៀត តាមការចាត់តាំងរបស់រាជរដ្ឋាភិបាលកម្ពុជា​ ។

៣. ក្រសួងការបរទេសនិងសហប្រតិបត្តិការអន្តរជាតិមានរចនាសម្ព័ន្ធដូចជា៖

ក. អង្គការរដ្ឋបាលកណ្តាល

• ឧទ្ទកាល័យរដ្ឋមន្រ្តី
• អគ្គលេខាធិការដ្ឋាន
• អគ្គនាយកដ្ឋានអាស៊ាន
• អគ្គនាយកដ្ឋានកិច្ចការច្បាប់ កុងស៊ុល និងព្រំដែន
• អគ្គនាយកដ្ឋាន​អាស៊ី ប៉ាស៊ីហ្វិក
• អគ្គនាយកដ្ឋានអឺរ៉ុប អាមេរិច និងអាហ្រ្វិកមជ្ឈិមបូព៌ា
• អគ្គនាយកដ្ឋានសហប្រតិបត្តិការអន្តរជាតិ
• អគ្គធិការដ្ឋាន
• វិទ្យាស្ថានជាតិទំនាក់ទំនងការទូត និងសិក្សាអន្តរជាតិ
• នាយកដ្ឋានបច្ចេកវិទ្យាមនោគមន៍ និងព័ត៌មាន
• នាយកដ្ឋានគោលនយោបាយនិងផែនការយុទ្ធសាស្រ្ត
• នាយកដ្ឋានសវនកម្មផ្ទៃក្នុង ។

ខ. ស្ថានតំណាងនៃព្រះរាជាណាចក្រកម្ពុជានៅបរទេស

• ស្ថានឯកអគ្គរាជទូតនិងស្ថានបេសកម្មអចិន្ត្រៃយ៍ប្រចាំអង្គការតំបន់ និងអង្គការអន្តរជាតិ
• ស្ថានអគ្គកុងស៊ុល និងស្ថានកុងស៊ុល
• ស្ថានកុងស៊ុលកិត្តិយស ។

៤. អគ្គលេខាធិការដ្ឋានរបស់ក្រសួងការបរទេសនិងសហប្រតិបត្តិការអន្តរជាតិមានភារកិច្ចដូចតទៅ៖

• គ្រប់គ្រងនិងត្រួតពិនិត្យ ការចរាចរឯកសាររដ្ឋបាលផ្សេងៗរបស់ក្រសួង
• សម្របសម្រួលរាល់សកម្មភាពរដ្ឋាភិបាលនៅគ្រប់ថ្នាក់ និងគ្រប់ផ្នែកនៅក្រោមសមត្ថកិច្ចរបស់ក្រសួង និងរបស់ស្ថាប័នតំណាងនៃព្រះរាជាណាចក្រកម្ពុជានៅបរទេស
• សម្របសម្រួលរាល់សកម្មភាពរដ្ឋបាល ជាមួយបណ្តាលក្រសួង ស្ថាប័ន និងស្ថាប័នតំណាងនៃព្រះរាជាណាចក្រកម្ពុជានៅបរទេស
• គ្រប់គ្រងត្រួតពិនិត្យការងារផែនការហិរញ្ញវត្ថុ សម្ភារបរិក្ខារ នងិបញ្ញីសារពើភណ្ឌ
• ពិនិត្យនិងសម្របសម្រួលរៀបចំផែនការយុទ្ធសាស្រ្តថវិការបស់ក្រសួងនិងបូកសរុបរបាយកាណ៍ហិរញ្ញវត្ថុនិងសកម្មភាពការងាររបស់ក្រសួង
• គ្របគ្រងមន្រ្តីរាជការនិងបុគ្គលិកក្រសួង
• សិក្សានិងវាយតម្លៃតម្រូវការ សម្រាប់ការកសាងសមត្ថភាពធនធានមនុស្ស និងការបង្កើនគុណភាពវិជ្ជាជីវៈផ្នែកការបរទេសនិងសហប្រតិបត្តិការអន្តរជាតិ ដោយសហការជាមួយវិទ្យាស្ថានជាតិទំនាក់ទំនងការទូតនិងសិក្សាអន្តរជាតិ
• ចូលរួមរៀបចំសេចក្តីព្រាងច្បាប់ និងលិខិតបទដ្ឋានគតិយុត្តដែលនៅក្រោមសមត្ថកកិច្ចរបស់ក្រសួង
• អនុវត្តគោលការណ៍ស្តីពីពិធីការទូតតាមវិធាននិងទំនៀមទម្លាប់របស់ព្រះរាជាណាចក្រកម្ពុជា និងតាមវិធីទំនៀមទម្លាប់អន្តរជាតិ
• ចូលរួមរៀបចំសេចក្តីព្រាងច្បាប់ និងលិខិតបទដ្ឋានគតិយុត្តដែលនៅក្រោមសមត្ថកិច្ចរបស់ក្រសួង
• គ្រប់គ្រងមន្រ្តីរាជការនិងបុគ្គលិករបស់ក្រសួង
• អនុវត្តកន៍គោលការណ៍ស្តីពីពិធីការការទូតតាមវិធាននិងទំនៀមទម្លាប់អន្តរជាតិ
• សម្របសម្រួលនិងសហការរៀបចំកម្មវិធីទស្សនកិច្ចរបស់គណប្រតិភូថ្នាក់ដឹកនាំជាន់ខ្ពស់ជាតិ និងដំណើរបំពេញទស្សនកិច្ចរបស់គណៈប្រតិភូថ្នាក់ដឹកនាំជាន់ខ្ពស់បរទេសនៅព្រះរាជាណាចក្រកម្ពុជា
• ធានាប្រសិទ្ធភាព សុវត្ថិភាពរដ្ឋបាល និងគ្រប់គ្រងការងារសង្គមរបស់ក្រសួង
• អនុវត្តភារកិច្ចផ្សេងៗដែលក្រសួងប្រគល់ឲ្យ ។

អគ្គលេខាធិការដ្ឋានរបស់ក្រសួងការបរទេសនិងសហប្រតិបត្តិការអន្តរជាតិមាននាយកដ្ឋានចំណុះចំនួន៤គឺ៖

• នាយកដ្ឋានហិរញ្ញវត្ថុ គណនេយ្យ
• នាយកដ្ឋានរដ្ឋបាល
• នាយកដ្ឋានបុគ្គលិក
• នាយកដ្ឋានពិធីការ ។

៥. អគ្គនាយកដ្ឋានអាស៊ានទទួលបានបន្ទុកការងារដូចតទៅ៖

• សម្របសម្រួលកិច្ចការលអាស៊ាន ក្នុងកម្រិតតំបន់និងធ្វើទំនាក់ទំនងជាអន្តរជាតិ ចាមួយលេខាធិការជាតិអាស៊ាន នៃបណ្តាប្រទេសសមាជិកអាស៊ាន លេខាធិការដ្ឋានអាស៊ានប្រទេសក្រៅតំបន់អាស៊ាន អង្គការតំបន់និងអន្តរជាតិជាដៃគូរ និងអង្គភាពនានារបស់អាស៊ាន ក្នុងឋានៈជាសេនាធិការឲ្យលេខាធិការដ្ឋានអាស៊ាន កម្ពុជា តាមដានត្រួតពិនិត្យ វាយតម្លៃនិងលើកយោបល់លើបញ្ហាពាក់ព័ន្ធនឹងមុខងារ និងដំណើរការប្រព្រឹត្តទៅរបស់លេខាធិការដ្ឋា្ននអាស៊ាន និងគ្រិះស្ថានអាស៊ាន
• សម្របសម្រួលជាមួយក្រសួង ស្ថាប័ននានាលើការរៀបចំធ្វើជាម្ចាស់ផ្ទះនៃកិច្ចប្រជុំកំពូលអាស៊ាន កិច្ចប្រជុំកំពូលអាស៊ាន កិច្ចប្រជុំកំពូលពាក់ព័ន្ធព័ន្ធ កិច្ចប្រជុំរដ្ឋមន្រ្តីការបរទេសអាស៊ាន និងកិច្ចប្រជុំអាស៊ាន និងកិច្ចប្រជុំអាស៊ានពាក់ព័ន្ធដទៃទៀត
• សិក្សាស្រាវជ្រាវនិងតាមដានការអភិវឌ្ឍន៍នៃបញ្ហាសំខាន់ៗជាពិសេសផ្នែកនយោបាយ សន្តិសុខអាស៊ាន និងទំនាក់ទំនងខាងក្រៅរបស់អាស៊ានជាមួយប្រទេសជាដៃគូសន្ទនាទាំងអស់ និងអង្គការតំបន់នានា
• ផ្តួចផ្តើមគំនិតនិងផ្តល់អនុសាសន៍ពាក់ព័ន្ធនិងការកសាងសហគមន៍អាស៊ាន ការកសាងសហគមន៍អាស៊ីបូព៌ា និងវឌ្ឍនភាពនៃនិម្មាបនកម្មតំបន់
• ចូលរួមកិច្ចប្រជុំអាស៊ាន និងសិក្សាតាមដាន និងផ្តល់យោបល់លើឯកសារពាក់ព័ន្ធក្នុងក្របខ័ណ្ឌអាស៊ាន និងឯកសារពាក់ព័ន្ធដទៃទៀត រវាងអាស៊ានជាមួយនឹងអង្គការតំបន់និងអន្តរជាតិ
• ធ្វើការកៀបគរជំនួយបច្ចេកទេសណ និងហិរញ្ញវត្ថុពីសហគមន៍អាស៊ា​ន បណ្តាញប្រទេសសមាជិកអាស៊ាន និងប្រទេសដៃគូរបស់អាស៊ាន ព្រមទាំងជួយជំរុញការវិនិយោគទុនផ្ទាល់បរទេស ​និងអ្នកទេសចរណ៍មមកកម្ពុជាដើម្បីចូលរួមចំណែកក្នុងការអភិវឌ្ឍន៍ព្រះរាជាណាចក្រកម្ពុជា
• តាមដានការប្រើប្រាស់មូលនិធិរបស់អាស៊ាននិមូលនិធិកិច្ចសហប្រតិបត្តិការរវាងអាស៊ាន និងប្រទេសដៃគូសន្ទនាព្រមទាំងធ្វើការសម្របសម្រួល និងជួយដល់ក្រសួងស្ថាប័ននានា ក្នុងការរៀបចំនិងអនុវត្តគម្រោងសកម្មភាពនានាក្នុងក្របខ័ណ្ឌអាស៊ាន
• រៀបចំផែនការការងារប្រចាំឆ្នាំ ធ្វើរបាយការណ៍ស្តីពីសកម្មភាពអាស៊ាន និងរៀបចំថវិកាប្រចាំឆ្នាំ សម្រាប់ដំណើរការបស់អគ្គនាយកដ្ឋាន រួមទាំងសម្រាប់ការរៀចំនិងដូចជា បណ្តុះបណ្តាល ការស្រាវជ្រាវ និងការផ្សព្វផ្សាយការយល់ដឹងអំពីសហគមន៍អាស៊ាន
• តម្កល់ព័ត៌មាន របាយការណ៍និងឯកសារពាក់ព័ន្ធនឹងអាស៊ាន
• អនុវត្តកិច្ចការផ្សេងៗទៀត ដែលក្រសួងប្រគល់ឲ្យនិង តាមការសម្រចរបស់កិច្ចប្រជុំលេខាធិការដ្ឋានជាតិ អាស៊ានកម្ពុជា

អគ្គនាយកដ្ឋានអាស៊ានទទួលបន្ទុកការងារមាននាយកដ្ឋានចំណុះ៥គឺ៖

• នាយកដ្ឋានកិច្ចការទូទៅ
• នាយកដ្ឋានកិច្ចការសហគមន៍នយោបាយ​សន្តិសុខអាស៊ាន
• នាយកដ្ឋានកិច្ចសហប្រតិបត្តិការអាស៊ាន និងសង្គមវប្បធម៌អាស៊ាន
• នាយកដ្ឋានទំនាក់ទំនងដៃគូសន្ទនាអាស៊ាន
• នាយកដ្ឋានទំនាក់ទំនងរបស់អាស៊ានបូកបីនិងកិច្ចប្រជុំកំពូលអាស៊ីបូព៌ា ។

៦. អគ្គនាយកដ្ឋានកិច្ចការច្បាប់ កុងស៊ុល និងព្រំដែនមានភារកិច្ចដូចតទៅ៖

• រៀបចំផែនការយុទ្ធសាស្រ្តនិងថវិកាសម្រាប់កិច្ចការច្បាប់ សន្ធិសញ្ញា កិច្ចការកុងស៊ុល និងកិច្ចការព្រំដែន
• លើកគម្រោងកសាងគោលនយោបាយច្បាប់ និងលិខិតបទដ្ឋានសម្រាប់បម្រើឲ្យវិស័យការបរទេសនិងសហប្រតិបត្តិការអន្តរជាតិ
• ចូលរួមរៀបចំពិភាក្សានិងផ្តល់យោបល់លើសេចក្តីព្រាង ច្បាប់លើលិខិតបទដ្ឋានគតិយុត្តដែលត្រូវបានរៀបចំដោយរាជរដ្ឋាភិបាល
• ​​សិក្សា ស្រាវជ្រាវនិងផ្តល់យោបល់លើក្របខ័ណ្ឌច្បាប់ ជាតិនិងអន្តរជាតិចំពោះសន្ធិសញ្ញាកិច្ចព្រមព្រៀងទ្វេភាគី ពហុភាគីនិងការចូលជាភាគីនៃសន្ធិសញ្ញាអន្តរជាតិនានាន
• ការពារផលប្រយោជន៍ពលរដ្ឋខ្មែរនៅបរទេសនិងសហការជាមួយអាជ្ញាធរមានសមត្ថកិច្ច ក្នុងការគ្រប់គ្រងជនបរទេសនៅព្រះរាជាណាចក្រកម្ពុជា​
• គ្រប់គ្រងនិងពន្យាសពុលភាពលិខិតឆ្លងដែនការទូត និងលិខិតឆ្លងដែលផ្លូវការជូនមន្រ្តីរាជការនិងឥស្សរជនខ្មែរ
• គ្រប់គ្រងផ្តល់ និងពន្យាទិដ្ឋាការជូនបរទេស
• សហការជាមួយអាជ្ញាធរពាក់ព័ន្ធក្នុងការការពារអធិបតេយ្យភាពនិងបូរ​ណភាពទឹកដីនៃព្រះរាជាណណាចក្រកម្ពុជា ​តាមមធ្យោបាយការទូតនិងក្នុងការគ្រប់គ្រងព្រំដែន នៃព្រះរាជាណាចក្រកម្ពុជាស្រ​បតាមច្បាប់ជាតិ និងអន្តរជាតិ
• សហការជាមួយអាជ្ញាធរពាក់ព័ន្ធ ប្រយុទ្ធប្រឆាំងភេរវកម្មនិង ឧក្រិដ្ឋកម្មឆ្លងដែនព្រមទាំងអំពើជួញដូរ​ មនុស្សអាវុធនិងគ្រឿងញៀន
• ធ្វើនីត្យានុកូលកម្មលើលិខិតស្នាម ​របស់អាជ្ញាធរសាធារណៈលើអត្ថបទបកប្រែលិខិតអត្រាុំកូលដ្ឋាន និងឯកសារផ្សេងៗទៀតតាមការស្នើសុំរបស់ប្រជាពលរដ្ឋ
• ធ្វើរបាយការណ៍សកម្មភាពការងារជូនក្រសួង
• អនុវត្តភារកិច្ចផ្សេងទៀតដែលក្រសូងប្រគល់ឲ្យ ។

អគ្គនាយកដ្ឋានកិច្ចការច្បាប់ កុងស៊ុល និងព្រំដែនមាននាយកដ្ឋានចំណុះចំនួន៣៖

• នាយកដ្ឋានកិច្ចការច្បាប់និងសន្ធិសញ្ញា
• នាយកដ្ឋានកិច្ចការ​កុងស៊ុល
• នាយកដ្ឋានកិច្ចការ​ព្រំដែន ។

៧. អគ្គនាយកដ្ឋានអាស៊ី ប៉ាស៊ីហ្វិកមានភារកិច្ចដូចតទៅ៖

• ធ្វើកិច្ចសហប្រតិបត្តិការ​ទ្វេភាគីជាមួយបណ្តាលប្រទេសក្នុងតំបន់អាស៊ី និងប៉ាស៊ីហ្វិក
• សិក្សា ស្រាវជ្រាវ តាមដាន វិភាគនិងរាយការណ៍អំពីសភាពការណ៍នយោបាយ សន្តិសុខ វប្បធម៌ សេដ្ឋកិច្ច ពាណិជ្ជកម្មនៅក្នុងប្រទេសនៃតំបន់អាស៊ី និងប៉ាស៊ីហ្វិក
• សហការជាមួយក្រសួង និងស្ថាប័នរាជរដ្ឋាភិបាល ដើម្បីសិក្សា និងតាមដានសុពលភាពនៃកិច្ចព្រមព្រៀងទ្វេភាគីរវាងព្រះរាជាណាចក្រកម្ពុជា ជាមួយបណ្តាប្រទេសក្នុងតតំបន់កកអាស៊ី និងប៉ាស៊ីហ្វិក ។​
• រៀបចំផែនការយុទ្ធសាស្រ្តនិងថវិការសម្រាប់កិច្ចការសហប្រតិបត្តិការជាមួយបណ្តាល​ប្រទេសក្នុងតំបន់អាស៊ី និងប៉ាស៊ីហ្វិក
• រៀបចំចំណុចពិភាក្សា និងជំនួយស្មារតីពីកិច្ចសហប្រតិបត្តិការទ្វេភាគីជាមួយបណ្តាប្រទេសនៅអាស៊ី និងប៉ាស៊ីហ្វិកជូនថ្នាក់ដឹកនាំ
• សម្របសម្រួលជាមួយក្រសួង ស្ថាប័ននារបស់រាជរដ្ឋាភិបាល ជាមួយស្ថានទូតបរទេប្រចាំប្រចាំនៅកម្ពុជា
• សម្របសម្រួលការងារ ជាមួយស្ថានតំណាងកម្ពុជាប្រចាំនៅបណ្តាប្រទេសក្នុងតំបន់អាស៊ី ប៉ាស៊ីហ្វិក
• ធ្វើរបាយការណ៍សកម្មភាពនានាជូនក្រសួង
• អនុវត្តភារកិច្ចផ្សេងៗទៀត ដែលក្រសួងប្រគល់ឲ្យ ។

អគ្គនាយកដ្ឋានអាស៊ី ប៉ាស៊ីហ្វិកមាននាយកដ្ឋានក្រោមឱវាទ៣គឹ៖

• នាយកដ្ឋានអាស៊ីអាគ្នេយ៍
• នាយកដ្ឋានអាស៊ីកណ្តាល អាស៊ីខាងត្បូង និងអូសេអានី
• នាយកដ្ឋានអាស៊ីបូព៌ា  ។

៨. អគ្គនាយកដ្ឋានអឺរ៉ុប អាមេរិក និងអាហ្រ្វិក មជ្ឍិមបូព៌ា មានភារកិច្ចដូចតទៅ៖

• ធ្វើកិច្ចសហប្រតិបត្តិការទ្វេភាគីជាមួយបណ្តាលប្រទេសក្នុងតំបន់អាស៊ី អាមេរិក និងអាហ្រ្វិកមជ្ឈិមបូព៌ា
• សិក្សា ស្រាវជ្រាវ តាមដាន វិភាគ និងរាយការណ៍អំពីសភាពការណ៍នយោបាយ និងសន្តិសុខ វប្បធម៌ សេដ្ឋកិច្ច ពាណិជ្ជកម្មនៅក្នុងតំបន់អឺរ៉ុប អាមេរិក និងអាហ្រ្វិក មជ្ឈិមបូព៌ា
• រៀបចំផែនការយុទ្ធសាស្រ្ត និងថវិការសម្រាប់កិច្ចសហប្រតិបត្តិការជាមួយបណ្តាលប្រទេសក្នងតំបន់អឺរ៉ុប អាមេរិកនិងអាហ្វ្រិក មជ្ឈិមបូព៌ា
• រៀបចំពិភាក្សា និងជំនួយស្មារតីស្តីពីកិច្ចសហប្រតិបត្តិការទ្វេភាគី​ជាមួយបណ្តាលប្រទេសនៅក្នុងតំបន់អឺរ៉ុប អាមេរិកនិងអាហ្រ្វិក មជ្ឈិមបូព៌ា
• សម្របសម្រួលការងារជាមួយក្រសួង ស្ថា​ប័ននានារបស់រាជរដ្ឋាភិបាលជាមួយស្ថានទូតបរទេសប្រចាំនៅកម្ពុជា
• សម្របសម្រួលការងារជាមួយស្ថាប័នតំណាង របស់ព្រះរាជាណាចក្រកម្ពុជា ប្រចាំនៅបណ្តាលោប្រទេសក្នុងតំបន់អឺរ៉ុប អាមេរិក និងអាហ្រ្វិក មជ្ឈិមបូព៌ា
• ធ្វើផរបាយការណ៍សកម្មភាពការងារជូនក្រសួង
• អនុវត្តភារកិច្ចផ្សេងៗទៀតលដែលក្រសួងប្រគល់ឲ្យ​ ។

អគ្គនាយកដ្ឋានអឺរ៉ុប អាមេរិក និងអាហ្វ្រិក មជ្ឈិមបូព៌ាមាននាយកដ្ឋានចំណុះ៣ដូចជា៖

• នាយកដ្ឋានអឺរ៉ុប
• នាយកដ្ឋានអាមេរិក
• នាយកដ្ឋានអាហ្រ្វិក មជ្ឈិមបូព៌ា ។

៩. អគ្គនាយកដ្ឋានសហប្រតិបត្តិការអន្តរជាតិមានភារកិច្ចការងារដូចតទៅ៖

• រៀបចំផែនការយុត្តិសាស្រ្តនិងថវិការសម្រាប់ការងារសហប្រតិបត្តិការអន្តរជាតិ
• សិក្សា​ ស្រាវជ្រាវនិងថវិការសម្រាប់ការងារសហប្រតិបត្តិការ ជាមួយអង្គការអន្តរជាតិនិងដៃគូអភិវឌ្ឍន៍នានាក្នុងកម្រិត អនុតំបន់ តំបន់ អន្តរតំបន់និងពិភពលោក
• សម្របសម្រួលកិច្ចសហប្រតិបត្តិការអន្តរជាតិលើគ្រប់វិស័យដែលមានជាអាទិ៍ នយោបាយសេដ្ឋកិច្ច ហិរញ្ញាវត្ថុពាណិជ្ជកម្ម វប្បធម៌ អប់រំ វិទ្យាសាស្រ្ត បច្ចេកទេស សង្គមកិច្ច ទេសចរណ៍
• សម្របសម្រួលកិច្ចការអង្គការអន្តរជាតិ រដ្ឋាភិបាលនានានិងអង្គការកិច្ចសហប្រតិបត្តិការសេដ្ឋកិច្ច​អនុតំបន់ តំបន់ អន្តរតំបន់ និងពិភពលោកដែលមានកិច្ចសហប្រតិបត្តិការជាមួយព្រះរេាជាណាចក្រកម្ពុជា
• សម្របសម្រួល និងកិច្ច​សហប្រតិបត្តិការក្នុងក្របខណ្ឌអនុតំបន់ តំបន់ អន្តរតំបន់ និងពិភពលោក
• សហការជាមួយក្រសួង ស្ថាប័នពាក់ព័ន្ធដើម្បីជំរុញការរៀបចំនិងអនុវត្តផែនការសកម្មភាព និងគម្រោងពាក់ព័ន្ធនានារបស់ព្រះរាជាណាចក្រកម្ពុជា នៅក្នុងក្របខណ្ឌកិច្ចសហប្រតិបត្តិការអនុតំបន់អន្តរជាតិ និងពិភពលោក
• គ្រ​ប់គ្រងនិងសម្របសម្រួលការងារអង្គការមិនមែនរដ្ឋាភិបាលបរទេសនានា ដែលមានទីស្នាក់ការនិងធ្វើសកម្មភាពនៅក្នុងព្រះរាជាណាចក្រកម្ពុជា ដោយសហការជាមួយក្រសួងពាក់ព័ន្ធនានាក្នុងព្រះរាជាណាចក្រកម្ពុជា
• រៀបចំចំណុចពិភាក្សា និងជំនួញស្មារតីថ្នាក់ដឹកនាំ និងចូលរួមកប្រជុំសំខាន់ៗ ដែលពាក់ព័ន្ធនឹងសហប្រតិបត្តិការអនុតំបន់និងពិភពលោកព្រមទាំងកិច្ចការពាក់ព័ន្ធនឹងអង្គការសហប្រជាចាតិនិងអង្គការអន្តរជាតិ
• ធ្វើរបាយការណ៍សកម្មភាពការងារជូនក្រសួងប្រគល់ជូន ។

អគ្គនាយកដ្ឋានសហប្រតិបត្តិការ​អន្តរជាតិ មាននាយកដ្ឋានចំណុះ៥គឺ៖

• នាយកដ្ឋានសហប្រតិបត្តិការអន្តរជាតិ
• នាយកដ្ឋានសហប្រតិបត្តិការមេគង្គ
• នាយកដ្ឋានអង្គការសហប្រតិបត្តិការមេគង្គ
• នា​យកដ្ឋានអង្គការសហប្រជាជាតិ
• នាយកដ្ឋានអង្គការអន្តរជាតិ
• នាយកដ្ឋានអង្គការហ្រ្វង់កូហ្វូនី ។

១០. វិទ្យាស្ថានជាតិទំនាក់ទំនងការទូតនិងសិក្សាអន្តរជាតិមានភារកិច្ចដូចជា៖

• រៀបចំផែនការយុត្តសាស្រ្ត និងថវិកា
• រៀបចំកម្មវិធីអប់រំនិងបណ្តុះបណ្តាល លើវិស័យការបរទេសនិងសហប្រតិបត្តិការអន្តរជាតិ
• ចូលរួមចំណែកសិក្សាស្រាវជ្រាវវាយតម្លៃស្ថានការណ៍ជាតិនិង សហប្រតិបត្តិការណ៍ជាតិនិងពិភពលោក វិភាគយុទ្ធសាស្រ្ត និងផ្ត​ល់យោបល់ក្នុងការរៀបចំគោលនយោបាយ​ការបរទេសនិងសហប្រតិបត្តិការអន្តរជាតិ
• រៀបចំកម្មវិធី បានកថា វេទិការពិភាក្សា និងសិក្ខាសាលាពាក់ព័ន្ធ និងការបរទេសនិងសហប្រតិបត្តិការអន្តរជាតិ
• ចូលរួមចំណែករៀបចំ ឲ្យមានប្រឡងសាកល្បងកម្រិតសមត្ថភាពជំនាញការទូតនិងការសិក្សាអន្តរជាតិ
• សហការជាមួយស្ថាប័ន ជាតិ​និងអន្តរជាតិនានា ដើម្បីមពង្រឹងការអប់រំ បណ្តុះបណ្តាល ស្រាវជ្រាវនិងផ្ទេរចំណេះដឹងវិស័យការទូតនិងសហ​ប្រតិបត្តិការអន្តរជាតិ
• ធ្វើរបាយការណ៍ស្តីពីសកម្មភាពការងារជូន ក្រសួង
• អនុវត្តកិច្ចផ្សេងៗដែលក្រសួងប្រគល់ឲ្យ ។

វិទ្យាស្ថានជាតិទំនាក់ទំនងការទូតនិងសិក្សាអន្តរជាតិមាននាយកដ្ឋានចំណុះ២គឺ៖

• នាយកដ្ឋានទំនាក់ទំនងនិងការទូត
• នាយកដ្ឋានសិក្សាអន្តរជាតិ ។

១១ . អាស៊ានមានសមាជិក១០ប្រទេស ។ សមាជិកអាស៊ានទាំងអស់រួមមាន៖

• ប្រទេសព្រុយណេដារូសាឡាម
• ប្រទេសកម្ពុជា
• ប្រទេសឥណ្ឌូនេស៊ី
• ប្រទេសមីយ៉ាន់ម៉ា
• ប្រទេសហ្វីលីពីន
• ប្រទេសសិង្ហបុរី
• ប្រទេសម៉ាឡេស៊ី
• ប្រទេសឡាវ
• ប្រទេសថៃ
• ប្រទេសវៀតណាម ។

១២. អាស៊ានមានគោលការណ៍​ ដូចតទៅ៖

• គោរពឯករាជ្យភាព និងអធិបតេយ្យ សមភាព បូរណភាពទឹកដី និងអត្តសញ្ញាណជាតិ នៃរដ្ឋសមាជិកអាស៊ានទាំងអស់
• ចូលរួមការប្តេជ្ញាចិត្តនិងការទទូលខុសត្រូវរួមគ្នាក្នុងករណីលើកកម្ពស់សន្តិភាព សន្តិសុខ និងវិបុលភាពក្នុងតំបន់
• បដិសេធនូវអំពើឈ្លានពាន និងការគំរាមកំហែងឬការប្រើប្រាស់កម្លាំងឬសកម្មភាពទាំងឡាយណាក្នុងលក្ខណៈដែលមិនសមស្របតាមច្បាប់អន្តរជាតិ
• ប្រកាន់យកដំណោះស្រាយ ជម្លោះដោយសន្តិវិធី
• មិនជ្រៀតជ្រែកកិច្ចការផ្ទៃក្នុងនៃរដ្ឋសមាជិកអាស៊ាន
• គោរពសិទ្ធិរបស់រដ្ឋសមាជិកនីមួយៗ ក្នុងការដឹកនាំអត្ថិភាពជាតិរបស់ខ្លួន ដោយពុំមានការជ្រៀតជ្រែក ពីខាងក្រៅ ការធ្វើវិទ្ធង្សនា និងការបង្ចិតបង្ខំ
• លើកកម្ពស់ការពិគ្រោះយោបល់ លើបញ្ហាធ្ងន់ធ្ង​រទាំងឡាយ ដែលមានឥទ្ធិពលប៉ះពាល់ដល់ផលប្រយោជន៍របស់អាស៊ាន
• ប្រកាន់នូវនីតិរដ្ឋ អភិបាលកិច្ចល្អ គោលការណ៍ប្រជាធិបេតេយ្យ និងរដ្ឋាភិបាល អាស្រ័យដោយរដ្ឋធម្មនុញ្ញ
• គោរពសេរីភាព ជាមួលដ្ឋានលើកស្ទួយ និងការពារសិទ្ធិមនុស្ស និងលើកកម្ពស់យុត្តិធម៌ សង្គម​
• លើកតម្កើងធម្មនុញ្ញអង្គការសហប្រជាជាតិ និងច្បាប់អន្តរជាតិ រួមទាំងច្បាប់មនុស្សធម៌អន្តរជាតិនានា ដែលរដ្ឋសមាជិកអាស៊ានទាំងអស់អស់យល់ព្រម
• មិនចូលរួម ក្នុងគោលនយោបាយឬសកម្មភាពណាមួយដែលរួមមានការដាក់ឲ្យប្រើប្រាស់នូវទឹកដី របស់ខ្លួនឲ្យរដ្ឋសមាជិកអាស៊ានឬរដ្ឋមិនមែនជាសមាជិកអាស៊ាន ឬឲ្យតួអង្គដទៃទៀត ដេលពុំមែនជារដ្ឋគំរាមគំហែង ដល់អធិបតេយ្យភាព បូរណភាពទឹកដីឬស្ថេរភាពសេដ្ខកិច្ចនិងនយោបាយរបស់រដ្ឋសមាជិកអាស៊ាន
• គោរពវប្បធម៌ផ្សេងៗគ្នា ភាសានិងសាសនារបស់ប្រជាជនអាស៊ាន ដោយសង្កត់ធ្ងន់ទៅលើតម្លៃរួម ក្នុងស្មារតីភាពឯករាជ្យក្នុងពហុភាព ។
• ភាពជាស្នូល របស់អាស៊ានក្នុងទំនាក់ទំនងនយោបាយសេដ្ឋកិច្ច សង្គម និងវប្បធម៌ក្រៅតំបន់ ដោយរក្សា ការចូលរួមដ៏សកម្មការ​សម្លឹងមើលឆ្ពោះទៅខាងក្រៅ ភាពរួមបញ្ចូលគ្នា និងភាពមិនរើសអើង
• ប្រកាន់ខ្ជាប់នូវវិធានការ ពាណិជ្ជកម្មពហុភាគី និងរបបផ្អែកលើមូលដ្ឋានច្បាប់របស់អាស៊ាន​ ដើម្បីអនុវត្តប្រកបដោយប្រសិទ្ធភាពនូវកិច្ចខិតខំប្រឹងប្រែង ផ្នែកសេដ្ឋកិច្ច និងកា​ត់បន្ថយជាវិជ្ជមានឆ្ពោះទៅលប់បំបាត់របាំងទាំងស្រុងសម្រាប់ សមាហរណកម្ម សេដ្ឋកិច្ចតំបន់ និងសេដ្ឋកិច្ចទីផ្សារ ។

១៣. វេទិកាតំបន់មអាស៊ាន ( ASEAN Regional Forum ) គឹជាវេទិកាមួយសម្រាប់ការសន្ទនា និងពិគ្រោះយោបល់ពហូភាគី ស្តីអំពីបញ្ហាសន្តិសុខ និងយោបល់នៅក្នុងតំបន់អាស៊ីប៉ាស៊ីហ្វិក ហើយមានគោលដៅកសាងការជឿទុកចិត្តគ្នាទៅវិញទៅមក ដើម្បីកសាងសន្តិភាព និងស្ថេរភាពក្នុងតំបន់ ។

១៤. និយាយអំពីអគ្គលេខាធិកាអាស៊ាន ៖

• មានអាណត្តិ៥ឆ្នាំ
• មានឋានៈស្មើនឹងរដ្ឋមន្រ្តី ( Minister )
• មានភារកិច្ច ផ្តល់យោបល់ សម្របសម្រួល និងអនុវត្តន៍នូវរាល់សកម្មភាពអាស៊ាន អគ្គលេខាធិការត្រូវទទួលខុសត្រូវ ចំពោះកិច្ចប្រជុំប្រមុខដ្ឋាភិបាល និងចំពោះរាល់កិច្ចប្រជុំរដ្ឋមន្រ្តីអាស៊ាន នៅពេលដែលសម័យប្រជុំនោះកំពុងតែដំណើរការហើយនិងទទួលខុសត្រូវចំពោះប្រធានគណៈកម្មាធិការ អចិន្ត្រៃអាស៊ាន ពោលគឺអគ្គលេខាធិការ ដឹកនាំរាល់កិច្ចប្រជុំគណៈកម្មាធិការអចិន្ត្រៃយ៍អាស៊ាន ក្នុងនាមជាប្រធានគណៈកម្មាធិការអចន្រ្តៃយ៍ ។

១៥. អាស៊ានបានចេញគោលការណ៍ជាច្រើនទៀត បន្ទាប់ពីឆ្នាំ ១៩៦៧ មកដូចតទៅ៖

ក. ការបង្កើតតំបន់ សន្តិភាព សេរីភាព និងអព្យាក្រឹត្យភាព ( ZOPFAN ) បង្កើតឡើងនៅថ្ងៃទី ២៧ ខែវិច្ឆិកា ឆ្នំា ១៩៧១ នៅទីក្រុងកូឡាំឡុំពួ ។

• សមាជិកអាស៊ានប្តេជ្ញាខិតខំរក្សាតំបន់អាស៊ីអាគ្នេយ៍ឲ្យទៅជាតំបន់សន្តិភាព សេរីភាពនិងអព្យាក្រឹត្យភាព មិនស្ថិតនៅក្រោមអន្តរាគមន៍នៃមហាអំណាចបរទេសឡើយ
• សមាជិកអាស៊ានខិតខំបង្កើតសហប្រតិបត្តិការឲ្យកាន់តែទូលាយ ដោយពង្រឹងសាមគ្គីភាព និងមិត្តភាពរវាងគ្នានឹងគ្នា
• មានបំណងបន្ធូរភាពតានតឹងអន្តរជាតិ និងធ្វើឲ្យសម្រេចបានសន្តិភាព ដ៏យូរអង្វែងមួយនៅអាស៊ីអាគ្នេយ៍
• គោលបូរណភាពដែនដីរបស់រដ្ឋដទៃទៀតដោះស្រាយដោយសន្តិវធីរាល់ទំនាស់ជាអន្តរជាតិនានា ដោយឈរលើភាពស្មើគ្នា ប្រើសិទ្ធិស្វ័យសម្រេច ដោយមិនជ្រៀតជ្រែកលើកិច្ចការផ្ទៃក្នុងរបស់រដ្ឋណាមួយ ។

ខ. ការបង្កើត សន្ធិសញ្ញាមិត្តភាព និងសហប្រតិបត្តិការ( TAC ) ថ្ងៃទី២៤ ខែ កុម្ភៈ ឆ្នាំ ១៩៧៦បានត្រូវគេចុះហត្ថលេខា ក្រោយពេលដែលឥណ្ឌូចិនទាំងមូល ធ្លាក់ក្រោមការដឹកនាំរបស់ពួកកុំមុយនីស ។

ក្នុងទំនាក់ទំនងរវាងគ្នា និងគ្នាសមាជិកអាស៊ានមានគោលការណ៍ដូចតទៅ៖

• គោរពគ្នាទៅវិញទៅមកលើឯករាជ្យ អធិបតីភាពសមភាព បូរណភាពទឹកដី និងអត្តសញ្ញាណនជាតិនៃបណ្តាប្រទេសទាំងអស់
• គោលរពសិទ្ធិរបស់ រដ្ឋនីមួយៗក្នុងដំនឹកនាំប្រទេសខ្លួនឲ្យចៀសផុតពីការជ្រៀតជ្រែកពីក្រៅ
• មិនជ្រៀតជ្រែក ចូលកិច្ចការផ្ទៃក្នុងរបស់គ្នាទៅវិញទៅមក
• ដោះស្រាយនូវរាល់ ទំនាក់ទំនងនានាតាមមធ្យោបាយសន្តិវិធី
• ប្រឆាំងចំពោះការគំរាម ប្រើកម្លាំងទ័ព
• រួមសហប្រតិបត្តិការ ប្រកបដោយ ប្រសិទ្ធភាពរវាងគ្នានិងគ្នាធ្វើឲ្យតំបន់អាស៊ីអាគ្នេយ៍ គ្នាអាវុធនុយក្លេអ៊ែ ។

គ. ការបង្កើតតំបន់ពាណិជ្ជកម្មសេរីអាស៊ាន ( AFTA ) ថ្ងៃទី ១ ខេ មករា ឆ្នាំ ១៩៩៣ បានត្រូវប្រកាសបង្កើតជាផ្លូវការ ។

          ដំណាក់ដំបូង AFTA មានគោលដៅទាក់ទងនឹងការបញ្ចុះតម្លៃផលិតផលមួយចំនួន បន្ទាប់មកនឹងបើកឲ្យមានពាណិជ្ជកម្មសេរី ។ បង្កើត AFTA ក៏មានគោលបំណងទាក់ទាញវិនិយោគទុននិងកា​រកផ្សារនៅតំបន់ឥណ្ឌូចិន​ផងដែរ ។

          សន្និសីទថ្នាក់រដ្ឋមន្រ្តីការបរទេសអាស៊ាន លើកទី២៧នៅទីក្រុងបាងកក ពីថ្ងៃទី២២ ដល់ ២៣ ខែកក្កដា ឆ្នំា ១៩៩៤ បានចេញសេចក្តីថ្លេងការណ៍មួយបញ្ជាក់សាជាថ្មីពីទិសដៅនាំ AFTA ៖

• សម្រេចអនុវត្ត លើកការបន្ថយតម្លៃទំនិញតាមកម្មវិធីឆ្នាំ ១៩៩៤
• លើកទឹកចិត្តចំពោះលំនាំចូលនៃវិនិយោគទុនបរទេស
• ឯកភាពចំពោះការភ្ជាប់ពាណិជ្ជកម្ម ជាមួយតំបន់ដទៃទៀតក្នុងពិភពលោកជាពហុភាគី ។ នៅក្នុងកិច្ច​ប្រជុំលើកទី៥ ក្រុមប្រឹក្សា AFTA ដែលមានការចូលរួមពីរដ្ឋមន្រ្តីពាណិជ្ជកម្មអាស៊ាន បានចេញសេចក្តីថ្លែការណ៍រួមក្នុងសន្ធិសីទការសែត ដែលមានជាអាទិ៍ ៖
• ថ្ងៃទី២១ ខែ កញ្ញា ឆ្នាំ ១៩៩៤ ​ប្រកាសកាត់បន្ថយរយៈពេលអនុវត្តផែនការពី១៥ឆ្នាំមកត្រឹម១០ឆ្នាំ
• ជំរុញចលនាសេរីនីយកម្ម ក្នុងបណ្តាប្រទេសអាស៊ាន
• យោងតាមការសម្របសម្រួលថ្មីផែនការ AFTA នឹងត្រូវសម្រេចបានជោគជ័យ នៅថ្ងៃទី១ ខែ មករា ឆ្នាំ ២០០៣ មុនគម្រោងចាស់ដែលកំណត់កាលបរិច្ឆេទ ដល់ថ្ងៃទី ១ ខែ មករា ឆ្នាំ ២០០៨ ។
• បញ្ចូល AFTA ទៅក្នុងអគ្គលេខាធិការដ្ឋានអាស៊ានដើម្បីជាជំនួយដល់ដំណោះស្រាយទំនាស់ ផ្នែកពាណិជ្ជកម្មផ្សេងៗក្នុ្ងងចំណោមប្រទេសសមាជិកអាស៊ាន ។

ឃ. ការបង្កើតវេទិកាតំបន់អាស៊ាន ( ARF ) ថ្ងៃទី ២៥ ខែ កក្កដា ឆ្នាំ ១៩៩៤ បានប្រកាសការបង្កើត ARF នេះឡើងជាផ្លូវការ ។

          ក្នុងបំណងរឹតចំណងមេត្រីភាព ក្នុងបណ្តាប្រទេសអាស៊ាននងបណ្តាប្រទេសនានា នៅតំបន់អាស៊ីប៉ាស៊ីភិច ។ បច្ចុប្បន្ននេះ អាស៊ានមិនត្រឹមតែជាសមាគមន៍មួយ ដែលមានទិសដៅធ្វើសហប្រតិបត្តិការខាងសេដ្ឋកិច្ចប៉ុណ្ណោះទេ តែអាស៊ានបានធ្វើសកម្មភាពយ៉ាងសកម្ម លើការងារនយោបាយនិងសន្តិសុខផងដែរ ។ ARF មានតួនាទីពង្រឹងទំនុកចិត្តគ្នា ទៅវិញទៅមកក្នុងតំបន់អាស៊ីប៉ាស៊ីភិចណដោយការចរចានានាលើកិច្ចសហប្រតិបត្តិការ ផ្នែកនយោបាយនិងសន្តិសុខក្នុងតំបន់ ។