សំនួរ
១. តើក្នុងនាមយើងជាពលរដ្ឋរបស់ ប្រទេសមួយត្រូវធ្វើអ្វីខ្លះដើម្បីជាប្រយោជន៍សម្រាប់សង្គមជាតិយើង ?
២. តើយុវជនមានប្រយោជន៍អ្វីខ្លះចំពោះសង្គមជាតិោយើង ?
៣. តើដើម្បីសិក្សាពីយុវជនខ្មែរយើង យើងត្រូវចាប់ផ្តើមសិក្សាពីចំណុចណាខ្លះ ?
៤. តើសាសនាមានមុខងារអ្វីខ្លះចំពោះសង្គមជាតិ ?
ចម្លើយ
១. ក្នុងនាមយើងជាពលរដ្ឋរបស់ប្រទេសមួយ ដើម្បីឲ្យមានប្រយោជន៍ដល់ សង្គមជាតិរបស់យើងត្រូវធ្វើដូចជា៖
- ខិតខំរៀនសូត្រដើម្បីជួយជាកម្លាំងកសាងជាតិនិងជាប្រយោជន៍អាចជួយសង្គមជាតិរបស់ខ្លួនបានតាមរយៈការប្រើចំណេះដឹងរបស់ខ្លួនក្នុងស្វែងការងារដែលអាចចិញ្ចឹមខ្លួនឯងបាន និងធ្វើឲ្យប្រាក់ចំណូលជាតិកើនឡើង។
- ប្រើប្រាស់ចំណេះដឹងខ្លួនដែលមាន ចូលរួមបម្រើការងារក្នុងសង្គម
- ត្រូវស្វែងយល់ពីក្នុងសង្គម ដើម្បីយើងអាចធ្វើសកម្មភាពផ្សេងៗឲ្យស្របច្បាប់
- ត្រូវតែកុំប្រព្រឹត្តអំពើប្រាស់ចាកពីសីលធម៌ និងច្បាប់សង្គម
- កុំប្រើប្រាស់គ្រឿងញៀន
- ចូលរួមសកម្មភាពស្ម័គ្រចិត្ត ក្នុងសហគមន៍និងក្នុងសង្គមដែលជាប្រយោជន៍ សម្រាប់សង្គមនិងជាគំរូដល់អ្នកដទៃផង ។
- ការពារបូរណភាពទឹកដីរបស់ខ្លួន
- ថែរក្សាប្រពៃណី និងសម្បត្តិវប្បធម៌ជាតិជារួមក្នុងនាមជាពលរដ្ឋរបស់សង្គមលយើងត្រូវស្រឡាញ់ជាតិរបស់ខ្លួនដោយធ្វើសកម្មភាពគ្រប់យ៉ាងដើម្បីរួមចំណែកក្នុងការកសាងនិងការពារសង្គមជាតិរបស់ខ្លួន ។
២. សារៈប្រយោជន៍របស់យុវជនចំពោះ សង្គមជាតិមានដូចជាៈ
- យុវជនជាទំពាំងស្នងឫស្សីដូចនេះពួកគាត់អាចថែរក្សានូវអ្វីៗគ្រប់បែបយ៉ាងដែលបានបន្សល់ពីដូនតា
- យុវជនជាសរសេរទ្រូងរបស់ប្រទេសជាតិ
- យុវជនជាកម្លាំងចលករក្នុងការចូលរួមអភិវឌ្ឍន៍សង្គមជាតិ
- យុវជនជាភ្នាក់ចែកចាយ ព័ត៌មាន និងភ្នាក់នៃសង្គមនីយកម្ម
- យុវជនអាចចូលរួមគ្រប់សកម្មភាពក្នុងសង្គម ។ ជារួមក្នុងសង្គមមួយត្រូវកតែយកចិត្តទុកដាក់ដាច់ខាតចំពោះយុវជនមិនអាចធ្វេសប្រហេសបានទេ ។
៣. ដើម្បីសិក្សាពីយុវជនយើងត្រូវ ចាប់ផ្តើមសិក្សាពីចំនុចមួយចំនួនដូចខាងក្រោម ៖
- ត្រូវសិក្សាពីភ្នាក់ងារ សង្គមនីយកម្មរបស់យុវជន
- ត្រូវសិក្សាពីវប្បធម៌របស់ពួកគេ
- ត្រូវសិក្សាពីការវិវត្តន៍នៅក្នុងសង្គម
- ត្រូវស្វែងយល់ពីឥរិយាបថរបស់យុវជន ។
៤. មុខងារសាសន៍ចំពោះសង្គមជាតិដូចជា៖
- សេវាកម្មសង្គមតាមរយៈសាសនាៈ សាសនាបញ្ជា្កនូវទំនោររបស់មនុស្សនៅក្នុងសង្គម ។ គេសង្កេតឃើញថា មានវត្តុមានអាទិទេពនៅគ្រប់សង្គមមនុស្សទំាងអស់ដោយម្នាក់ៗធ្វើការគោរពបូជាចំពោះវត្ថុសក្តិសិទ្ធិដើម្បីសុំសេចក្តីសុខសប្បាយនិងដើម្បីបំពេញបំណងនៃអំណាចអាទិទេពដែលជាមរតករបស់សង្គម ។ សេចក្តីស្រឡាញ់និងការធ្វើទានត្រូវបានគេចាត់ទុកថាមានសារៈសំខាន់នៅក្នុងសាសនា ទាំងឡាយ ។ តួយ៉ាងដូចជាព្រះគ្រិស្តធ្វើទានចំពោះអ្នកក្រីក្ររហូតដល់ធ្វើពលកម្មលើឈើឆ្កាង ដើម្បីទទួលរងទុក្ខទោសជំនួសមនុស្សនិងសត្វ ។ ចំណែកឯព្រះពុទ្ធវិញបានខិតខំអប់រំទូន្មានកុំឲ្យប្រព្រឹត្តនូវអំពើបាប ត្រូវមានមេត្តា ករុណា និងឧបេក្ខា ។ សាសនាជានិច្ចកាលត្រូវបានបង្កើតនូវអត្ថន័យដែលចងភ្ជាប់ជាមួយសង្គម ។
- សាសនា និងការអប់រំសាសនាក៏បានបម្រើផងដែរដល់ការអប់រំ ។ នៅក្នុងប្រទេសជាច្រើនលើពិភពលោកការរីកសាយ នៃការអប់រំបានដើរតួនាទីសំខាន់មួយតាមរយៈសកម្មភាពនិង យុទ្ធនាការនៃស្ថាប័នសាសនាដូចជា អ្នកថែរក្សាព្រះវិហារគ្រឹស្ត មូស្ល៊ីម ។ ប្រាសាទនិងវត្តអារាម គឺត្រូវបាន ចង់ភ្ជាប់ជាមួយនឹងការពង្រីកវិស័យការអប់រំ ។ មិនតែប៉ុណ្ណោះសាសនា ក៏លើកទឹកចិត្តដល់មនុស្សដែលរស់នៅតាមសហគមន៍ ឲ្យធ្វើការប្រឹងប្រែងពង្រីកការអប់រំទៅដល់សមាជិករបស់គេព្រមទាំងជំរុញឲ្យមានការអប់រំថ្នាក់ខ្ពស់ ។
- សាសនានិងក្តីមេត្តាៈ នៅក្នុងសង្គម មានការព្យាបាលតាមរយៈទំនៀមទម្លាប់ប្រពៃណីក្នុងនាមជាសាសនា ។ បុព្វហេតុនៃការព្យាបាលប្រភេទនេះគឺមនុស្សដែលកាន់សាសនាខ្ជាប់ខ្ជួនជាអ្នកជួយព្យាបាលជំងឺដែលជាផ្នែកនៃសក្ការៈបូជា ។ ក្នុងផ្នែកនេះសាសនា បានដើរតួនាទីសំខាន់សម្រាប់ជាការជួយគ្នាទៅវិញទៅមកនៅពេលគេមានគ្រោះអាសន្ន(សាសនាក្នុងការជួយអ្នកដទៃប្រើប្រាស់ ) ។
- សាសនា និងការធ្វើទេយ្យទានៈ សាសនាទាក់ទងទៅនិងការធ្វើទេយ្យទាន ។ សាសនា(ធ្វើទាន ) សំខាន់ៗនៅលើពិភពលោកដូចជា គ្រឹស្តសាសនាព្រះពុទ្ធសាសនា មូស្ល៊ីមជា ដើមទទួលបាននូវសារៈសំខាន់និងតម្លៃក្នុងការធ្វើទេយ្យទាន ។ ជាក់ស្តែងដូចជា មូស្ល៊ីមបានបរិច្ចាកនូវទេយ្យទាន ពីចំណែកនៃប្រាក់ចំណូលរបស់ខ្លួនដើម្បីជួយយដល់អ្នកក្រីក្រនៅក្នុងសង្គម ។ ដូចគ្នានឹងសាសនាព្រះពុទ្ធការធ្វើទេយ្យទានដល់អ្នកក្រីក្រគឺជាការជួយដល់សង្គម ។ មនុស្សភាគច្រើន ច្រើនធ្វើទេយ្យទានតាមរយៈសាសនា ។
- សាសនានិងជីដូនជីតាៈ សាសនា ទាំងអស់បញ្ចាក់ពីសារៈសំខាន់នៃភាពសក្តិសិទ្ធិនិងជីដូនជីតា ។ ពិធីបុណ្យសាសនាភាគ ច្រើនធ្វើឡើងដើម្បីរំលឹកដល់ព្រះឬជីដូនជីតារបស់គេដែលបានចែកឋានទៅនឹងបួងសួងសូមឲ្យព្រលឹងជីដូនជីតារបស់គេជួយឲ្យពួកគេទទួលបាននូវសេចក្តីសុខរកស៊ីមានបាន ដើម្បីបន្តនិរន្តរភាពវង្សត្រកូលរបស់ពួកគេ ។
- សាសនា និងអហិង្សាៈ អ្នកបង្កើតសាសនាសំខាន់ៗលើពិភពលោកបានទូន្មានុំឲ្យប្រព្រឹត្តតែអំពើល្អធ្វើនូវសេចក្តីស្រឡាញ់និងអហិង្សារវាងគ្នានិងគ្នា ។ យេស៊ូនឹងព្រះពុទ្ធបានអនុវត្តនូវអំពើអហិង្សាដែលជាអាទិទេព ដ៏ខ្ពង់ខ្ពស់បំផុតទទួលរងនូវការឈឺចាប់ជាច្រើន ដោយភាពគ្មានមេត្តា ។ដូចនេះទើបបុគ្គលទាំងនេះអនុវត្តគោលការណ៍សច្ចៈភាពិអហិង្សា ព្រមទាំងបង្កើតឲ្យមានភាពជាបងប្អូននៅក្នុងសង្គមក្នុងគោលបំណងបង្កើតជាគ្រួសារតែមួយនៅលើពិភពលោក ។
