សំណួរ-ចម្លើយ ប្រវត្តិវិទ្យាថ្នាក់ទី ១២ ( វិញ្ញាសា ១៣)

សំណួរ

១. អឺរ៉ុបដីគោកបានរួមគ្នាបង្កើតសហគមន៍មួយឡើង តើសហគមន៍នោះមានឈ្មោះអ្វី ? បង្កើតឡើងដោយប្រទេសណាខ្លះ ?

២. តើប្រទេសអង់គ្លេសបានចូលរូមសហគមន៍នេះដែរឬទេ ? ហេតុអ្វី ?

៣. ក្នុងទំនាក់ទំនងជាមួយសហរដ្ឋអាមេរិក តើប្រទេសអង់គ្លេសបានចូលរួមអ្វីខ្លះជាមួយសហរដ្ឋអាមេរិក ?

៤. តើហេតុអ្វីបានជាប្រទេសអង់គ្លេស និងបារាំងដកថយពីការគ្រប់គ្រងព្រែកជីកស៊យអេ ?

៥. ហេតុអ្វីបានជាប្រទេសអង់គេ្លសបានដាក់ឈ្មោះសុំចូលជាសមាជិកទីផ្សាររួមអឺរ៉ុប ? ព្រោះអ្វី ? ហើយនៅថ្ងៃទីណា ខែណា ឆ្នាំណា ?

ចម្លើយ

១. អឺរ៉ុបដីគោកបានរួមបង្កើតសហគមន៍មួយឡើងសហកមន៍នោះមានឈ្មោះថា ផ្សាររួមអឺរ៉ុប ។ សហគមន៍នេះត្រូវបានបង្កើតឡើងដោយប្រទេសបារាំង និងប្រទេស ៥ ផ្សេងទៀតនៅអឺរ៉ុប ។

២. ប្រទេសអង់គ្លេសមិនបានចូលរួមសហគមន៍នេះទេ ពីព្រោះប្រទេសអង់គ្លេសយល់ឃើញថាគេមានទីផ្សារកុំមុនវិលដ៏រួចហើយ ហើយការចូលរួមក្នុងផ្សារអឺរ៉ុបនាំឪ្យខូចឯករាជ្យភាពរបស់ប្រទេសខ្លួន ។

៣. ក្នុងទំនាក់ទំនងជាមួយសហរដ្ឋអាមេរិក ប្រទេសអង់គ្លេសបានរួមជាមួយសហរដ្ឋអាមេរិកដូចជា ៖

• ចូលរួមបង្កើតសន្ទិសញ្ញាអាត្លង់ទិកខាងជើង ដើម្បីការពារទ្វីបអឺរ៉ុបខាងលិច និងសហរដ្ឋអាមេរិក ។
• អង់គ្លេសបានចូលរួមប្រឡូកក្នុងសង្រ្គាមកូរ៉េ ជាមួយសហរដ្ឋអាមេរិក ពីឆ្នាំ ១៩៥០ ដល់ឆ្នាំ ១៩៥៣ ។
• អង់គ្លេសបានចូលរួមប្រឡូកក្នុងសង្រ្គាមជាមួយសហរដ្ឋអាមេរិក នៅអាហ្គានីស្ថានអ៉ីរ៉ាក់ ។

៤. បានជាអង់គ្លេស និងបារាំងដកថយពីគ្រប់គ្រងព្រែកជីកស៊ុយអេ ពីព្រោះដោយសារតែ មានការគាបសង្គ់ពីសំណាក់អង្គការសហប្រជាជាតិ សហរដ្ឋអាមេរិក និងសហភាពសូវៀត ។

៥. បានជាប្រទេសអង់គ្លេសបានដាក់ឈ្មោះសុំចូលជាសមាជិកទីផ្សាររួមអឺរ៉ុប ពីព្រោះរាជរដ្ឋាភិបាលរបស់លោកឌូក្លាសហូម បានយល់ឃើញថាការចូលជាសមាជិកទីផ្សាររួមអឺរ៉ុបអាចឪ្យប្រទេសអង់គ្លេសមានផលចំណេញច្រើនខាងសេដ្ឋកិច្ច ជាពិសេស វិស័យពាណិជ្ជកម្ម ប៉ុន្ដែជាលទ្ធផលគឺត្រូវ បានទទួលបរាជ័យ ។ នេះគឺដោយសារតែលោកប្រធានធិបតីបារាំង ដឺហ្គោល បានប្រើសិទ្ធិវ៉េតូ នៅថ្ងៃសិទ្ធិវ៉េតូ នៅថ្ងៃទី ១៤ ខែ មករា ឆ្នាំ ១៩៦៣ ។

( វិញ្ញាសាទី១៤ )