តើសារពើភ័ណ្ឌគឺជាអ្វី ? មានប៉ុន្មានប្រភេទ ? អ្វីខ្លះ ?

សារពើភ័ណ្ឌ គឺទ្រព្យដែលអាចប្រើបានក្នុងរយៈពេលយូរ ។ ប្រភេទសំខាន់ៗ នៃអចលនទ្រព្យមាន ៖

ក- ទ្រព្យរូបី (Tangible assets)

• អចលនទ្រព្យដែលមានរំលស់
• ដីជាអចលនទ្រព្យតែមួយដែលគ្មានរំលស់

ខ- ទ្រព្យអរូបី (Intangible Assets)

 គេប្រើពាក្យនេះសម្រាប់ទ្រព្យដែលប្រើក្នុងប្រតិបត្តិការតែវាពុំមានរូបរាង ។ ឧទាហរណ៍ ប៉ាតង់ សិទ្ធចម្លង សញ្ញាណពាណិជ្ជកម្ម ច្បាប់រកស៊ីផ្តាច់មុខ និងកេរ្តិ៍ឈ្មោះ ។ គណនីត្រូវទទួល ឬចំណាយបង់មុនមិនអាចចាត់ទុកថាជាទ្រព្យអរូបីទេ ទោះបីវាពុំ មានរូបរាងជាក់លាក់ក៏ដោយ ។

តម្លៃនៃអចលនទ្រព្យ គឺចំនួនប្រាក់ចាំបាច់ដែលគេបានចំណាយដើម្បីឲ្យអចលនទ្រព្យនោះស្រេចបាច់សម្រាប់ប្រើ ។ គេរួមបញ្ចូលថ្លៃទិញ ការដឹកជញ្ជូន ធានារ៉ាប់រង ការតម្លើង ការសាកល្បង ឬការចំណាយឯទៀតដែលចាំបាច់សម្រាប់ឲ្យទ្រព្យនោះអាចចាប់ផ្តើមប្រើបាន ។

សុវឌ្ឍកម្មដី ការកែលំអរដូចជាផ្លូវឡាន របង កន្លែងចត ការលាបថ្នាំ ហើយនឹងប្រព័ន្ធការពារផ្សេងៗទៀត មានឈ្មោះថា​ សុវឌ្ឍកម្មដី ។

អាគារ ជួនកាលគេទិញអាគារចាស់មកជួសជុលដើម្បីប្រើ​ តម្លៃជួសជុលនេះត្រូវរួមបញ្ចូលក្នុងតម្លៃអាគារដែរ ។ ក្រោយពេលដែលគេប្រើអាគារហើយ ការជួសជុលផ្សេងៗទៀត ត្រូវកត់ក្នុងបន្ទុកមួយឈ្មោះថាចំណាយថែរក្សា ការចំណាយសម្រាប់ទិញអចលនទ្រព្យមានឈ្មោះថា ចំណាយទុន រីឯការចំណាយជួលជុលថែរក្សា ប្រេង ជាចំណាយរកចំណូល ។