ការអប់រំបញ្ចូលគ្នា គឺសំដៅទៅលើការបញ្ចូលកុមារទាំងអស់ រៀនក្នុងថ្នាក់តែមួយនៅសាលាតែមួយ និងការបង្រៀនកុមារ យុវជនទាំងអស់នៅក្នុងប្រព័ន្ធឬក្រៅប្រព័ន្ធដោយមិនបែងចែកអំពីភេទ ចរិតលក្ខណៈកាយសម្បទា បញ្ញសារតី ស្ថានភាព សង្គម អារម្មណ៍ ភាសា វប្បធម៌ សាសនា ឬលក្ខណៈផ្សេងៗទៀតឡើយ ។
ការអប់រំបញ្ចូលគ្នាមានផលប្រយោជន៍យ៉ាងច្រើនចំពោះកុមារ យុវជនគ្រូបង្រៀន មាតាបិតាសិស្ស និងចំពោះសហគមន៍មានដូចតទៅ៖
ក. ផលប្រយោជន៍ចំពោះកុមារ និងយុវជន
- មានភាពជឿជាក់លើខ្លួនឯងច្រើនជាងមុន
- ឲ្យតម្លៃខ្លួនឯងកាន់តែខ្លាំង
- មានមោទនភាពចំពោះខ្លួនឯង និងសមិទ្ធផលនានា
- រៀនសូត្រពីរបៀបសិក្សាដោយខ្លួនឯងទាំងក្នុង និងក្រៅសាលា
- រៀនពីរបៀបប្រាស្រ័យទាក់ទងជាមួយគ្រូ និងមិត្តរួមថ្នាក់ដោយសកម្មនិងសប្បាយរីករាយ
- រៀនពីរបៀបលេងកម្សាន្តដែលមានស្ថានភាពខុសពីរូបគេ រួមមានរបៀបសម្របខ្លួនទៅនឹងភាពខុសគ្នាទាំងនេះ
- កុមារ និងយុវជនទាំងអស់រៀនជាមួយ គ្នានិងផ្តល់តម្លៃដល់ចំណងទាក់ទងរបស់ពួកគេ ដោយមិនគិតពីប្រវត្តិ ឬសមត្ថភាពគ្នាឡើយ
- ក្លាយជាអ្នកច្នៃប្រឌិតកាន់តែសម្បូរបែប ជម្រុញឲ្យការសិក្សារបស់ពួកគេកាន់តេល្អប្រសើរ
- រៀនផ្តល់តម្លៃភាសាកំណើតរបស់ខ្លួន និងទទួលស្គាល់តម្លៃវប្បធម៌ប្រពៃណីរបស់ខ្លួន
- កាន់តែពូកែខាងបំណិន ប្រាស្រ័យទាក់ទង និងត្រៀមខ្លួនបានល្អប្រសើរក្នុងជីវីត
ខ. ចំពោះគ្រូបង្រៀន
- មានឱកាសកាន់តែច្រើនដើម្បី រៀនសូត្រពីវិធីថ្មីៗក្នុងការបង្រៀនសិស្សដែលមានប្រភេទផ្សេងៗ
- ទទួលបានចំណេះដឹងថ្មីៗ និងវិធីថ្មីៗដែលត្រូវបង្រៀន
- អាចអភិវឌ្ឍន៍ឥរិយាបថវិជ្ជមានរបស់ខ្លួនជាមួយមនុស្សទូទៅ និងស្ថានភាព
- មានឱកាសកាន់តែច្រើនក្នុងការស្រាវជ្រាវគំនិតថ្មីៗ តាមរយៈការទំនាក់ទំនងកាន់តែញឹកញាប់ជាមួយអ្នកដទៃទាំងក្នុង និងក្រៅសាលារៀន
គ. ចំពោះមាតាបិតាសិស្ស
- ឪពុកម្តាយរៀនសូត្របានច្រើនអំពីរបៀបដែលកូនគាត់ទទួលបានការអប់រំ
- ឪពុកម្តាយសិស្សទទួលស្គាល់ពិសារៈសំខាន់ក្នុងការជួយកូនរបស់ខ្លួនដើម្បីរៀន
- មានអារម្មណ៍ថាគាត់មានតម្លៃនៅពេលគ្រូសួរពួកគាត់អំពីកូនរបស់គាត់
- រៀនសូត្រពីរបៀបដោះស្រាយបញ្ហាជាមួយកូនរបស់គាត់បានប្រសើរជាងមុន ដោយប្រើបច្ចេកទេសដែលគ្រូបង្រៀនប្រើនៅឯសាលារៀន
- បានដឹងថាកូនរបស់ពួកគាត់ ទទួលបានការអប់រំមួយប្រកបដោយគុណភាព និងគ្មានការខកចិត្ត
ឃ. ចំពោះសហគមន៍
- មានមោទនភាពដោយសារកុមារ យុវជនបានទៅសាលារៀន និងរៀនសូត្រ
- សហគមន៍មើលឃើញថា អនាគត់អ្នកដឹកនាំសហគមន៍កាន់តែច្រើននាក់ត្រូវបានរៀបចំសម្រាប់ការចូលរួមយ៉ាងសកម្មនៅក្នុងសង្គមជាតិ
- សហគមន៍មើលឃើញថា បញ្ហសង្គមដូចជា បទឧក្រិដ្ឋតូចតាច ឬបញ្ហាយុវជន យុវវ័យអាចថយចុះ
- សមាជិកសហគមន៍ចូលរួមកាន់តែច្រើនជាមួយការងារសាលារៀន បង្កើតទំនាក់ទំនងកាន់តែប្រសើររវាងសាលារៀន និងសហមន៍ ។
១០. ក្នុងនាមយើងជាគ្រូបង្រៀន តើយើងត្រូវធ្វើអ្វីបន្ថែមទៀតដើម្បីជួយសម្រួលការលំបាករបស់យុវជន និងកុមារ ?
ដើម្បីជួយសម្រួលដល់ការលំបាករបស់យុវជន និងកុមារក្នុងនាមយើងជាគ្រូបង្រៀនដ៏ល្អមួយរូបយើងត្រូវធ្វើ៖
- ស្គាល់ពីចំណុចខ្លាំង និងចំណុចខ្សោយរបស់ពួកគេ
- បង្រៀនដោយប្រើភាពខ្លាំងរបស់ពយកគេ
- ពន្យល់ដោយងាយៗ និងច្បាស់លាស់
- ជួយសិស្សឲ្យចេះពីបំណិនអនុវត្ត
- ណែនាំសិស្សឲ្យដឹងថាអ្វីជាសំខាន់ដែលត្រូវរៀន
- ពិភាក្សាជាមួយឪពុកម្តាយសិស្ស ។ល។
