ចំណេះដឹងទូទៅ
2019-05-20 08:13
ប្រវត្តិសាស្រ្តនៃប្រទេសកម្ពុុុជាសម័យអង្គរ ( ទី២ )
1171 Views
2019-05-20 08:13
ចង់ប្តូរការងារ ឬ កំពុងស្វែងរកការងារ ផ្វើសារឥឡូវនេះ
សំនួរ
១. តើព្រះបាទសូរ្យវម៌្មទី២ បានស្ថាបនាអ្វីខ្លះ ?
២. ហេតុអ្វីបានជានៅសម័យអង្គរ គេនិយមឆ្លាក់រូបទេវៈដោយយករូបរាងនិង មុខមាត់របស់បុគ្គលអ្នកគោរពទៅវិញ ?
៣.តើអ្វីទៅជាសិលាចារឹកស្តុកកក់ធំ ?
៤. តើប្រាសាទអង្គរវត្ត និងប្រាសាទបាយ័នកសាងនៅឆ្នាំណា ? ឧទ្ទិសដល់ទេវអង្គណា ?
៥. តើរូបចម្លាក់តារាជ មានព្រះហស្ថនៅអង្គរវត្តសព្វថ្ងៃគឺជាអ្នកណា ?
៦. តើអង្គរវត្ត មានកំពូលប៉ុន្មាន ?
៧. តើអង្គរវត្តពីមុនគេហៅថាដូចម្តេច ? ក្រោយមកគេហៅថាដូចម្តេច ?
៨ .តើព្រះរាជាអង្គរណា ជាអ្នកកសាងប្រាសាទអង្គរវត្តបង្ហើយ ?
៩. តើព្រះបាទជយវម៌្មទី៧ សោយរាជ្យនៅឆ្នាំណា ? តើព្រះអង្គបានធ្វើអ្វីខ្លះ ?
១០. តើព្រះបាទជយវម៌្មទី៧ ទ្រង់កាន់សាសនាអ្វី ?
១១. តើគណៈមហាយាន និងហីនយាន មានលក្ខណៈសម្គាល់ដូចម្តេចខ្លះ ?
១២. តើព្រះនាងជយរាជ្យទេវី ជាអ្នកណា ? ព្រះនាងឥន្រ្ទទេវីជាអ្នកណា ?
១៣. ចូរនិយាយពីវិរភាពរបស់ព្រះនាងឥន្រ្ទទេវី ?
១៤. តើសំនង់ក្នុងរាជ្យព្រះបាទជយវម៌្មទី៧ មានអ្វីជាសំគាល់ ?
១៥. តើប្រាសាទបាយ័ន កសាងនៅឆ្នាំណា ? មានកំពូលប៉ុន្មាន ? ឧទ្ទិសដល់ទេវៈអង្គណា ?
១៦. តើព្រះបាទជ័យម៌្មទី៧ កសាងមន្ទីរពេទ្យចំនួនប៉ុន្មាន ?
១៧. តើនៅសម័យអង្គរមានសាកលវិទ្យាល័យអ្វីខ្លះ ? ឈ្មោះអ្វីខ្លះ ? នៅទីណា ?
១៨. តើស្តេចអង្គណាជាអ្នកប្រតិកម្មសិវៈនិយម ចំពោះពុទ្ធនិយម ?
១៩. ចូរនិយាយពីការឈ្លានពាន របស់ម៉ុងហ្គោល នៅវៀតណាមចម្ប៉ានិងកម្ពុជា ?
២០. តើស្តេចខ្មែរអង្គណា កាន់ព្រះពុទ្ធសាសនា និកាយហីនយានដំបូងគេ ?
២១. នៅសម័យមុនអង្គរនិងសម័យក្រោយអង្គរគេនិយមប្រើភាសាអ្វី ? នៅសម័យក្រោយអង្គរគេនិយមប្រើភាសាអ្វី ?
២២. តើសិលាចារឹកជាភាសាបាលីដំបូងមានឈ្មោះអ្វី ? ចារឹកនៅឆ្នាំណា ?
២៣. តើព្រះរាជានៅសម័យអង្គរមានគោរមងារដូចម្តេច ?
២៤. ចូររាប់នាម ឆ្នាំសោយរាជ្យមរណៈនាម និងការគោរពអទិទេពរបស់ព្រះមហាក្សត្រសម័យអង្គរ ?
២៥. តើរចនាបថប្រាសាទខ្មែរ មានចំនួនប៉ុន្មាន ? អ្វីខ្លះ ?
២៦. តើប្រាសាទណាខ្លះ ដែលកសាងក្នុងរចនាបថភ្នំដា ?
២៧.តើប្រាសាទណាខ្លះ ស្ថិតនៅក្នុងរចនាបថសម្បូណ៌ព្រៃគុក ?
២៨. តើប្រាសាទណាខ្លះ ស្ថិតនៅក្នុងរចនាបថព្រៃក្មេង ?
២៩. តើប្រាសាទណាខ្លះ ដែលស្ថិតនៅក្នុងរចនាបថកំពង់ព្រះ ?
ចម្លើយ
១. ព្រះបាទសូរ្យវម៌្មទី២ បានស្ថាបនាដូចជា៖
២. បានជានៅសម័យអង្គរ គេនិយមឆ្លាក់ទេវៈរូបប៉ុន្តែមានមុខមាត់ រូបរាង ជាបុគ្គលធម្មតា ព្រោះអ្នកគោរពអទិទេពមានច្រើន អ្នកខ្លះគោរពព្រះសិវៈ អ្នកខ្លះគោរពព្រះវិស្ណុ អ្នកខ្លះគោរពព្រះពហ្ម អ្នកខ្លះគោរពព្រះពុទ្ធសាសនាមហាយាន ។ អ្នកទាំងនោះជាអ្នកមានជំនឿ ដូចនេះគេគិតថា បន្ទាប់ពីស្លាប់ទៅអ្នកទាំងនោះនឹងបានឡើងទៅឋានសួគ៌ ហើយរស់នៅជាមួយអទិទេពដែលខ្លួនពេញចិត្ត អ្នកទាំងនោះក៏យកចម្លាក់អទិទេពដែលខ្លួនពេញចិត្តឆ្លាក់លាយរូបរបស់ខ្លួន ។ ម្យ៉ាងទៀត អទិទេពពុំមានមុខមាត់ពិតប្រាកដថាដូចម្តេច ទើបអ្នកទាំងនោះយកមុខរបស់ខ្លួន ទៅដាក់ជំនួសរួមជាមួយ អទិទេពដែលខ្លួនពេញចិត្ត ។
៣ . សិលាចារឹកស្តុកកក់ធំ បានចារឹកនៅឆ្នាំ ១០៥២ គ.សដែលបានរៀបរាប់រឿងរ៉ាវ តាំងពីរជ្ជកាលព្រះបាទជយវម៌្មទី២ ( ៨០២ គ.ស ) រហូតដល់រជ្ជកាលព្រះបាទឧទ្យាទិត្យម៌្មទី២ ( ១០៥២ . ៦៦គ.ស ) ។
រឿងរ៉ាវក្នុងចង់បង្ហាញពី ពូជពង្សត្រកូលរបស់ព្រាហ្មណ៍សិវកៃវល្យ បានជួយព្រះបាទជយវម៌្មទី២ តាំងពីមុនសោយរាជ្យរហូតដល់បានឡើងសោយរាជ្យ និងបានទទួលសិទ្ធិផ្កាច់មុខក្នុងការធ្វើជាព្រាហ្មណ៍បុរេហិត របស់ស្តេចនានា ទៅថ្ងៃក្រោយ។ គ្រួសារនេះ បានទទួលរង្វាន់មានទឹកដីមាសប្រាក់ របស់របរ ជាច្រើនពីស្តេច ក្នុងការកាន់កាប់ ។ មានមនុស្សជាច្រើន នៅក្នុងគ្រួសារព្រាហ្មណ៍សិវកៃវល្យបានធ្វើជាព្រាហ្មណ៍បុរេហិត ព្រះរាជគ្រូ មន្រ្តី ជាញាតិព្រះរាជវង្ស ។ សរុបទៅគឺចង់បង្ហាញពី សិទ្ធិអំណាចរបស់ខ្លួននៅក្នុងរាជការ ។
៤. ប្រាសាទអង្គរវត្ត និងប្រាសាទបាយ័ន គេពុំដឹងថាចាប់ផ្តើមកសាងនៅឆ្នាំណាទេ តែគេដឹងថាប្រាសាទអង្គរវត្តស្ថិតនៅក្នុងរជ្ជកាលព្រះបាទសូរ្យវម៌្មទី២ ពីឆ្នាំ ១១១៣ គ.ស ដល់ ១១៥០គ.ស ។ ចំណែកប្រាសាទបាយ័ន កសាងដោយព្រះបាទជយវម៌្មទី៧ ពីឆ្នាំ ១១៨១គ.ស ដល់ ១១១៨ គ.ស ។ នេះដោយពុំមានសិលាចារឹកណាមួយ បានសរសេរពីការកសាងប្រាសាទនេះ ខុសពីប្រាសាទនានា ដែលមានកាលបរិច្ឆេទច្បាស់លាស់ ។
៥. ប្រាសាទអង្គរវត្ត កសាងដើម្បីឧទ្ទិសដល់ព្រះវិស្ណុហើយបរមមរណកនាមព្រះបាទសូរ្យវម៌្មទី២គឺ បរមវិស្ណុលោកមានន័យថា ក្រោយពេលព្រះបាទសូរ្យវម៌្មទី២ សុគតទៅទ្រង់នេងយាងទៅគង់នៅជាមួយព្រះវិស្ណុ ។ ចំណែករូបចម្លាក់តារាជដៃ៨ គឺជារូបព្រះវិស្ណុ ដែលព្រះបាទសូរ្យវម៌្មទី២ទ្រង់គោរពបូជា។ រូបនេះ មានព្រះភ័ត្រ្តជាព្រះបាទសូរ្យវម៌្មទី២ ប៉ុន្តែកាយវិការ រូបរាងជាព្រះវិស្ណុ ដែលយើងហៅថាព្រះបាទសូរ្យវម៌្មទី២ ក្រោយទម្រង់ព្រះវិស្ណុ ។
៦. បច្ចុប្បន្ន យើងមិនមើលឃើញថា ប្រាសាទអង្គរវត្តមានកំពូល៥ ប៉ុន្តែយើងយោងទៅលើសិលាចារឹកខ្មែរនៅសម័យកណ្តាល ( សិលាចារឹក IMA ) ប្រាសាទអង្គរវត្តមានកំពូល៩ ( នព្ធសូលិ៍ )បិទមាស ( ទិបមាស ) ពាសយ៉ាងល្អឆើត ។
៧. អង្គវរវត្តពីមុនគេហៅថា បរមវិស្ណុលោក ឬស្ថានបរមពីស្ណុកលោក ( ហៅមរណនាមព្រះបាទសូរ្យវម៌្មទី២ ) ។ ក្រោយមកនៅសម័យកណ្តាល ស្ថានពីស្ណុលោក ជាកន្លែងរបស់ព្រាហ្មណ៍សាសនា ត្រូវបានអ្នគោរពព្រះពុទ្ធសាសនា នៅសម័យកណ្តាលយកធ្វើជាវត្តអារាម សម្រាប់គោរពបូជា ។ មិនតែប៉ុណ្ណោះ គេបានកសាងវត្តមួយចំនួននៅក្នុងនេះទៀត ផង ។ នៅស.វទី១៧ .១៨ ទើបគេឃើញពាក្យ អង្គរវាត្រអង្គរវត្រ អង្គវត្ត នៅក្នុងសិលាចារឹក IMA ។ ចំណែកបច្ចុប្បន្និ យើងក៏ហៅបន្តថាអង្គវត្ត ដែរ ។
៨. ព្រះបាទច័ន្ទរាជា បានកសាងបង្ហើយប្រាសាទអង្គរវត្ត ពីឆ្នំា១៥៤៦ ដល់ ១៥៦៤គ.ស។ ព្រះបាទច័ន្ទរាជា បានឲ្យជាងចម្លាក់ទៅឆ្លាក់បង្ហើយរោងទង២ផ្ទាំង នៅជ្រុងឦសាន (ចម្លាក់នេះមានលក្ខណៈខុសពីគេ ) ។
៩. ព្រះបាទជយវម៌្មទី៧ ទ្រង់បានឡើងសោយរាជ្យ នៅឆ្នាំ១១៨១ ដល់ ១២១៨ គ.ស។ ព្រះអង្គបានរំដោះប្រទេសចេញពីការឈ្លានពាន របបចាម្បមកលើខ្មែរនៅឆ្នាំ១១៧៧គ.ស។ បន្ទាប់ពីឡើងសោយរាជ្យព្រះអង្គបានស្ថាបនាជាច្រើនដូចជា៖
ជាពិសេសោនោះគឺ កសាងក្រុងអង្គរទី៣ ដែលមានកំពែងថ្មយ៉ាងក្រាស់ ដែលមួយជ្រុងៗមានប្រវែង៣គីឡូម៉ែត្រមានប្រាសាទនៅមុំជ្រុងទាំង៤ និងមានគូរទឹកព័ន្ធជុំវិញយ៉ាងដ៏ធំសម្បើម ដូចបន្ទាយប្រាការ។ទីក្រុងអង្គរទី៣នេះមានប្រាសាទបាយ័នជាផ្ចឹតនៃរាជធានី ។ រជ្ជកាលព្រះអង្គមាន ការរកសាងច្រើនជាងស្តេចមុនៗ ។
ព្រះអង្គបានពង្រីកទឹកដីយ៉ាងធំទូលាយ គឺខាងជើងទល់នឹងតំបន់វៀងច័ន្ទន៍ នៃប្រទេសឡាវ ខាងលិចទល់នឹងខ្សែរកទន្លេមេណាម និងអាង ទន្លេឥរ៉ាវតី នៅប្រទេសភូមា ខាងត្បុងទល់និងសមុទ្រ ។ រជ្ជកាលព្រះអង្គមានគរចំណុះចំនួន២ ដូចជា ភូមា ច័ន្ទបុរី សៀម ម៉ាឡេស៊ីចាម្ប៉ា... ។
មានសាកលវិទ្យាល័យចំនួន២ គឺសាកលវិទ្យាល័យជយស្រី នៅប្រាសាទព្រះខ័ន និង សាកលវិទ្យាល័យរាជវិហារ នៅប្រាសាទតាព្រហ្មដែលមានព្រះនាងឥន្រ្ទទេវីជាព្រះអគ្គមហេសី ជាសាកលវិទ្យាធិការ ។ មនុស្សគ្រប់ស្រទាប់វណ្ណៈដែលមានសមត្ថភាព អាចចូលសិក្សាបានគ្រប់ៗគ្នា ។
ព្រះបាទជ័យវម៌្មទី៧ បានកសាងអរោគសាលាចំនួន១០២កន្លែង ស្ថិតនៅពាសពេញប្រទេស ។ យោងតាមសិលាចារឹកប្រាសាទព្រហ្ម មនុស្សគ្រប់ស្រទាប់វណ្ណៈអាចចូលព្យាបាលជម្ងឺបានស្មើៗគ្នា ។ ព្រះអង្គក៏បានកសាងធម្មសាលាចំនួន១២១កន្លែង នៅតាមបណ្តាផ្លូវគមនាគមន៍កម្ពុជាពី ៖
១០. ព្រះបាទជយវម៌្មទី៧ ទ្រង់កាន់ព្រះពុទ្ធសាសនា និកាយមហាយាន ដែលស្តេចមុនៗនៅសម័យអង្គរពុំធ្លាប់គោរពប្រតិបត្តិជាសាសនាធំសម្រាប់ប្រទេសទេ ។
១១. លក្ខណៈសម្គាល់ព្រះពុទ្ធសាសនា ហីនយាន ៖
ព្រះពុទ្ធសាសនាមហាយាន ៖
១២. ព្រះនាងជ័យរាជទេវី គឺជាអគ្គមហេសីរបស់ព្រះបាទជយវម៌្មទី៧ ។ បន្ទាប់ព្រះនាងសុគតទៅ ព្រះនាងឥន្រ្ទទេវីដែលជាបងស្រី បានធ្វើជាអគ្គុមហេសីព្រះបាទជយវម៌្មទី៧ម្តងវិញ ជំនួសឲ្យប្អូនស្រីវិញ ។
១៣. វីរភាពរបស់ព្រះនាងឥន្រ្ទទេវី គឺព្រះនាងជាកវីករខាងកំណាព្យជាភាសាសំស្ត្រឹត មានចំណេះដឹងព្រះពុទ្ធសាសនានឹងជាសាកលវិទ្យាធិការ នៃសាកលវិទ្យាល័យរាជវីហារ ( ប្រាសាទតាព្រហ្ម ) បានជួយកិច្ចការជាច្រើនរបស់ព្រះបាទជ័យវម៌្មទី៧ នឹងអគ្គមហេសីទី២ ព្រះបាទជយវម៌្មទី៧ បន្ទាប់ពីព្រះនាងជយតេវី ដែលជាប្អូនស្រីោនឹងជាអគ្គមហេសីទី១ព្រះបាទជយវម៌្មទី៧ បានសុគតចោល ។
១៤.សំណង់ព្រះបាទជួយវម៌្មទី៧ មានលក្ខណៈសម្គាល់ដូចជា៖
· មានរូបព្រហ្មមុខ៤ នៅលើកំពូលប្រាសាទ
· មានចម្លាក់ព្រះពុទ្ធប្រកនាគ អមដោយព្រះពោធិសត្វអវលោកេស្វរៈ និងនាងប្រាជ្ញាបារមិតា
· ចម្លាក់ព្រះពោធិសត្វ មានរូបព្រះពុទ្ធអមិតាភៈតូបនៅលើភ្នួងសក់ លើដងខ្លួននិងនៅលើបាតដៃ
· មានរូបសត្វគ្រុឌ និងនាគនៅជាមួយគ្នា ។
១៥. ប្រាសាទបាយ័ន គរពុំដឹងថាកសាងនៅឆ្នាំណា បញ្ចាប់នៅឆ្នាំណាទេគ្រាន់តែដឹងថា ស្ថិតក្នុងរជ្ជកាលព្រះបាទជវម៌្មទី៧ ពីឆ្នាំ ១១៨១ ដល់ ១២១៨ គ.ស។ ប្រាសាទនេះមានកំពូល៥៤ បែរទៅរកទិសទាំង៤ ។ មានមតិខ្លះគេថាតំណាងឲ្យខេត្តខ្មែរ នៅសម័យនោះ ( គ្មានភស្តុតាងច្បាស់លាស់ ) ។ បើយោងទៅតាមលោក ចូវ តាកួន ( ជីតាក្វាន់ ) មកអង្គរនៅឆ្នាំ ១២៩៦ គ.ស ថាខេត្តខ្មែរមានប្រមាណពី៩០ទៅ១០២ខេត្ត ។ បើយោងទៅតាមសិលាចារឹកមានបុរៈ ឬបុរីប្រមាណជាង៣០ ។ ដូចនេះមតិខាងលើនោះពុំត្រឹមត្រូវទេ ដែលថាខេត្តខ្មែរមាន៥៤នោះ ។
១៦. មានអរោគសាលា ( មន្ទីរពេទ្យ ) ចំនួន១០២កន្លែង និងធម្មសាលា ( សាលាឆទាន= សាលាសំណាក់ ) ចំនួន១២១កន្លែង នៅទូទាំងប្រទេស ។
១៧ . នៅសម័យអង្គរមានសាកលវិទ្យាល័យ ដូចជា៖
· សាកលវិទ្យាល័យជយស្រី៖ នៅប្រាសាទព្រះខ័ន
· សាកលវិទ្យាល័យរាជវិហារ៖ នៅប្រាសាទតាព្រហ្ម
· សាកលវិទ្យាល័យ...? ៖ ប្រាសាទបេងមាលា
· សតស្រម៖ នៅយោធរតដាក មាន៣គណៈ
១. គណៈសិវៈស្រម ២. គណៈវិស្ណុស្រម ៣. គណៈសៅគតស្រមព្រះពុទ្ធសាសនាមហាយាន ។
១៨. បន្ទាប់ពីព្រះបាទជយវម៌្មទី៨ ឡើងសោយរាជ្យព្រះអង្គកាន់ព្រាហ្មណ៍សាសនា ។ ព្រះអង្គបានធ្វើការកោសលប់ព្រះពុទ្ធរូបចេញនៅតាមជញ្ជាំងប្រាសាទនានា និងបានបំផ្លាញពុទ្ធបដិមាចោល ។ ព្រះអង្គបានយកសិវៈលិង្គ មកជំនួសឲ្យព្រះពុទ្ធវិញ ។ ដូចជានៅប្រាសាទបន្ទាយក្តី គេបានឃើញបំណែកព្រះពុទ្ធរូបចំនួន២៧០ អង្គកប់នៅក្នុងរណ្តៅរួមមួយ ។
១៩. នៅចុងឆ្នាំ ១២៧០ រាជ្យវង្សម៉ុងហ្គោល ដែលគ្រប់គ្រងនៅចិន បានចេញឈ្លានពានអាស៊ីអាគ្នេយ៍ ។ អស់រយៈពេលជាច្រើនឆ្នាំ ពួកម៉ុងហ្គោលបានបញ្ចូនទ័ពមកវាយយកវៀតណាម និងចាម្ប៉ា តែត្រូវវៀតណាមនិងចាម្ប៉ា សហការណ៍គ្នាវាយម៉ុងហ្គោលឲ្យបរាជ័យនៅឆ្នាំ ១២៨០ ។
ចំណែកកម្ពុជា ក៏ត្រូវបានម៉ុងហ្គោលឈ្លានពានដែរ ដោយសារេតែការត្អូញត្អែររបស់ស្តេចវៀតណាមចំពោះស្តេចម៉ុងហ្គោលថា ស្តេចខ្មែរចេះតែរំខានវៀតណាម ។ បន្ទាប់មកម៉ុងហ្គោល បានបញ្ចូនទ័ពមកវាយតែត្រូវបរាជ័យ ហើយខ្មែរចាប់បានមេទ័ព និងកងទ័ពជាច្រើន ។ ប៉ុន្តែ ដើម្បីសន្តិភាពជាមួយចចិនជាយូរណាស់មកហើយកម្ពុជា បានយកជំនួយជាមិត្តទៅឲ្យម៉ុងហ្គោលនៅចិនព្រមទាំងមេទ័ព និងកងទ័ពដែលចាប់បានផងដែរ ។
២០. គឺព្រះបាទស្រីស្រីន្រ្ទវម៌្ម ទ្រង់កាន់កាប់ព្រះពុទ្ធសាសនានិកាយហីនយាន ប្រើភាសាបាលីដំបូងគេនៅកម្ពុជា ។
២១. ចាប់ពីសម័យមុនអង្គរ អង្គរ គេនិយមប្រើភាសាសំស្ត្រឹតនិងភាសាខ្មែរបុរាណ ។ ចំណែកនៅក្រោយសម័យអង្គរគេនិយមប្រើភាសាបាលី និងភាសាខ្មែរបុរាណ ។ ចាប់ពីអាណានិគមនបារាំងមក គេនិយមភាសាខ្មែរ និងភាសាបារាំងអង់គ្លេស ជាដើម ។
២២. សិលាចារឹកកជាភាសាបាលីដំបូងគេ គឺសិលាចារឹកគោកស្វាយចេកចារឹកនៅឆ្នាំ១៣០៩ គ.ស ។
២៣. មានគោរម្យងារ៣គឺ មុនពេលសោយរាជ្យ ពេលសោយរាជ្យ និងក្រោយពេលមរណៈ ។
២៤. នាម ឆ្នាំសោយរាជ្យមរណៈនាមនិងការគោរពអទិទេពរបស់ព្រះមហាក្សត្រសម័យអង្គរ៖
២៥ . រចនាប្រាសាទខ្មែរមានចំនួន១៣គឺ៖
២៦. ប្រាសាទដែលកសាងក្នុងរចនាបថភ្នំដា កសាងនៅក្នុងស.វទី៥.៧ដូចជា៖
· រូងភ្នំ ឬរូងគុហារនៅចង្គេះភ្នំដា
· ប្រាសាទអាស្រមមហាឥសី
· ប្រាសាទគុកព្រះធាតុ ( កំពង់ចាម ភ្នំហាន់ជ័យ )
· ប្រាសាទគុកព្រះធាតុ( នៅសម្បូណ៌ព្រៃគុក ) ។
២៧. ប្រាសាទ ស្ថិតនៅក្នុងរចនាបថសម្បូណ៌ព្រៃគុកកសាងនៅស.វទី៧ មានដូចជា៖
ក្រុមប្រាសាទសម្បូរណ៌ចែកចេញជា ៖
ក្រុមប្រាសាទឬស្សីរលៀក
ក្រុមរបងមាស ។
២៨. ប្រាសាទស្ថិតនៅក្នុងរចនាបថព្រៃក្មេង កសាងនៅចុងស.វទី៧ ដល់ពាក់កណ្តាលស.វទី៨ មានដូចជា៖
២៩. ប្រាសាទ ដែលស្ថិតនៅក្នុងរចនាបថកំពង់ព្រះ កសាងនៅស.វទី៨មាន៖
ទ្វារខាងលិច នៃប្រាសាទស្រីគ្រប់លក្ខ័ណ៍... ។
អត្ថបទថ្មីៗទាក់ទងបទពិសោធន៍ផ្សេងៗ
Commission on transportation Service VS transportation Service ខុសគ្នាម៉េច( សកម្មភាពអាជីវកម្មសម្បង)?
ដោយ : Mon Piya 19 days ago
ដោយ : Thanakbuth Nut 7 months ago
