សំណួរ-ចម្លើយ ជំពូក៤ មេរៀនទី១ គោលនយោបាយពាណិជ្ជកម្មក្រៅប្រទេស (ភាគ១)

សំណួរ

១- តើទ្រឹស្តីពាណិជ្ជកម្មអន្តរជាតិមានអ្វីខ្លះ ?

២- តើគោលនយោបាយពាណិជ្ជកម្មនិងកំណែទម្រង់មានអ្វីខ្លះ ?

៣- តើវិធានការគោលនយោបាយពាណិជ្ជកម្មក្នុងកម្មវិធីកំណែតម្រូវមានអ្វីខ្លះ ?

៤- តើការលើកទឹកចិត្តចំពោះការនាំចេញមានប៉ុន្មាន ? អ្វីខ្លះ ?

៥- តើទស្សនខុសឆ្គងមានអ្វីខ្លះ ?

ចម្លើយ

១- ទ្រឹស្តីពាណិជ្ជកម្មអន្តរជាតិមានដូចជា​៖

ក- ទ្រឹស្តីពាណិជ្ជកម្ម (ឧត្តមភាពដាច់ខាត)

ឧទាហរណ៍ ប្រទេស (ក) មានឧត្តមភាពដាច់ខាតក្នុងការផលិតម្សៅដំឡុងមី រីឯប្រទេស (ខ) មានឧត្តមភាពដាច់ខាតក្នុងការផលិតម៉ាស៊ីនកសិកម្ម (ត្រាក់ទ័រ គោយន្ត ម៉ាស៊ីនភ្ជូរាស ម៉ាស៊ីនស្ទូងស្រូវ ច្រូតកាត់ ដាំ និងបាចជី....) ។ ប្រទេស ក និង ខ ចំណេញបានច្រើនប្រសិនណាខ្លួនធ្វើសកម្មដោយផលិតតែទំនិញដែលខ្លួនមានឧត្តមភាពហើយយកទៅដោះដូរឲ្យគ្នាទៅវិញទៅមក ។

            ខ- ទ្រឹស្តីពាណិជ្ជកម្ម (ឧត្តមភាពធៀប)

ឧទាហរណ៍ ប្រទេស (ខ) មានធៀបជាងលើប្រទេស (ក) ក្នុងការផលិតទំនិញទាំងពីរមុខក៏ប្រទេសទាំងពីរអាចធ្វើជំនួញជាមួយគ្នាបានដោយទទួលផលប្រយោជន៍រៀងៗខ្លួន ។

            គ- គុណប្រយោជន៍ការធ្វើពាណិជ្ជកម្មក្រៅប្រទេស

• បង្កើនការផលិត និងប្រើប្រាស់បានច្រើន
• អាចបំពេញតម្រូវការគ្នាទៅវិញទៅមកបាន
• មានភាពខ្លាំងសម្រាប់ប្រទេសរបស់ខ្លួន

២- គោលនយោបាយពាណិជ្ជកម្មនិងកំណែទម្រង់មានដូចជា ៖

• ការប្រកួតប្រជែងលើទីផ្សារក្នុងស្រុក
• លើកទឹកចិត្តឲ្យសហគ្រាសនិងរបៀបផលិតផលថ្មី
• ផ្គត់ផ្គង់ទំនិញច្រើនយ៉ាងសម្រាប់ជំរើសអតិថិជន

៣- វិធានការគោលនយោបាយពាណិជ្ជកម្មក្នុងកម្មវិធីកំណែតម្រូវមានដូចជា ៖

• ការលើកទឹកចិត្តចំពោះការនាំចេញ
• សេរីភាវូបនីយកម្មនៃការនាំចូល
• ជោគជ័យ និងការបង្កើតគំនិតនៅក្នុងអាជីវកម្ម
• ប្រាក់ខែ២ពាន់ដុល្លាបើកអាជីវក​ម្ម

៤- ការលើកទឹកចិត្តចំពោះការនាំចេញមានដូចជា ៖

• ការកាត់បន្ថយរបាំងការនាំចេញក្នុងការធ្វើកំណែតម្រូវ
• ការកាត់បន្ថយភាពអៀង

៥- ទស្សនខុសឆ្គងមានដូចជា ៖

• ទិញទំនិញក្នុងស្រុករក្សារូបិយវត្ថុក្នុងស្រុក
• កម្រិតខុសគ្នានៃផលិតភាពកំណត់កម្រិតនៃការប្រកួតប្រជែង
• អត្រាពន្ធគយមិនបានតម្រូវដើម្បីឲ្យថ្លៃដើមមានសមតុល្យ
• ទស្សនទានសំខាន់ៗអំពីការគាំពារមានតែនាម
• ការគាំពារប្រកបដោយប្រសិទ្ធភាព
• ថ្លៃដើមធនធានក្នុងស្រុក
• ភាពលំអៀងនៃរបបពាណិជ្ជកម្ម ។

តភាគ