វិញ្ញាសាផែនដី សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី៦១)

សំណួរ

១. តើធរណីកាលចែកជាអ្វីខ្លះ ?

២. តើភពផែនដីកើតឡើងដោយសារអ្វី ?

៣. ចូរឲ្យនិយមន័យផលផ្ទះកញ្ចក់ ។

៤. ចូររៀបរាប់ជួរភ្នំដែលកើតឡើងពីពំនើងផ្នត់​នៅលើពិភពលោក ។

៥.ចូររៀបរាប់អំពីបំណាក់ស្រុកនិងពំនើងផ្នត់ ។

ចម្លើយ

១. ធរណីកាលចែកចេញជាពីរគឺ មុនស័ក ( បុរេកំប៊្រីយៀង ) និងស័ក ។

២. ភពផែនដីកើតឡើងពីដុំធូលី សិលា និងទឹកកកក្នុងលំហ ។ ទំនាញផែនដីបានទាញដុំទាំងនោះឪ្យមកផ្តុំនៅជាមួយខ្លួនវា ដើម្បីឪ្យមានទំហំកាន់តែធំនិងមានចលនាកាន់តែល្បឿន ។

៣. និយមន័យផលផ្ទះកញ្ចក់គឺជា កាំរស្មីក្រហមអាំងប្រាភាយចេញពីផែនដីដោយមិនអាចឆ្លងកាត់បរិយាកាសចូលក្នុងលំហបាន ហើយឧស្ម័នកាបូឌីអុកស៊ីត និងឧស្ម័នផ្សេងៗទៀតដែលមានក្នុងបរិយាកាសបានស្រូបយកកាំរស្មីនេះ បង្កើតបានជាកម្តៅព័ទ្ធជុំវិញផែនដី ។

៤. រៀបរាប់ជួរភ្នំដែលកើតឡើងពីពំនើងផ្នត់ នៅលើពិភពលោក​ ៖

• ជួរភ្នំអាបាឡាស់
• ជួរភ្នំអាល់
• ជួរភ្នំហិមាល័យ
• ជួរភ្នំថ្ម ... ។

៥. រៀបរាប់អំពីបំណាក់ស្រុកនិងពំនើងផ្នត់ ៖​

• បំនាក់ស្រុកគឺជាបំនាក់នៃសំបកផែនដី សងខាងបំនាក់នេះជាផ្ទៃដីដែលនៅជាប់គ្នាពីមុនស្រាប់តែម្ខាងផុសឡើងម្ខាងស្រុតចុះក្រោមមណ្តាលឲ្យកើតកម្ពស់ធៀបនៅលើសណ្ធានដី ​ហៅថាមុខចំណោត។បំណាក់ស្រុក បង្កើតឲ្យមានសណ្ធានដីរាងគម្លាំងឬជាជ្រុងហើយមានកម្ពស់ធៀប ពីកន្លែងមួយទៅទៅកន្លែងមួយទៀត។
• ពំនើងផ្នត់កម្លាំងធ្វើឲ្យផ្ទាំងសិលាដែលជាសំបកផែនដីកោងតែមិនអាចបាក់បាន។