ពាក្យថា ទំនួលខុសត្រូវ, ឥទ្ធិពល, អំណាច, រដ្ឋអំណាច និង ការផ្ទេសិទ្ធ មានន័យដូចជា ៖
- ទំនួលខុសត្រូវ (Responsibility) គឺជាកាតព្វកិច្ចរបស់មនុស្សម្នាក់ចំពោះកិច្ចការងារដែលខ្លួនបានទទួលយ៉ាងច្បាស់លាស់ពីអង្គភាពឬអង្គការចាត់តាំងណាមួយ ។
- ឥទ្ធិពល (Influence) គឺជាដំណើរដែលមនុស្សម្នាក់អាចកែប្រែអាកប្បកិរិយាឬឥរិយាបថរបស់មនុស្សម្នាក់ទៀត ។ ការដែលមានឥទ្ធិពលគឺជាការធ្វើអោយអ្នកដទៃគិតឬធ្វើតាមរបៀបពិសេសរបស់ខ្លួន ។
- អំណាច (Power) គឺជាអ្វីដែលបង្ករលទ្ធភាពអោយពួកគេធ្វើបាន។ អំណាចក្នុងទីនេះមានន័យថា ជាសមត្ថភាពរបស់អ្នកដឹកនាំដែលមានឥទ្ធិពលទៅលើអ្នកក្រោមបង្គាប់ ។
- រដ្ឋអំណាច ឬសិទ្ធិអំណាច (Authority) គឺជាប្រភេទមួយនៃអំណាចដែលមានការគាំទ្រជាផ្លូវការ ជាធម្មតាបានមកពីតួនាទីរបស់មនុស្សម្នាក់ក្នុងអង្គភាព ។
- ការផ្ទេរសិទ្ធិ (Delegation) គឺជាដំណើរនៃការបែងចែករដ្ឋអំណាចនិង ភាពទទួលខុសត្រូវ សំរាប់ធ្វើ ការងាររបស់អង្គភាពនៅថ្នាក់ក្រោមតាមឋានានុក្រមរបស់វា ។
